Read Hakha Chin 1 KORIN 3 Bible Online

1 KORIN 3 - Hakha Chin bible

1 KORIN 3

¹A ngaingai ti ahcun, ka u le ka nau hna, nannih sinah cun Thlarau a ngeimi hna sin i bia ka chim bantukin ka chim kho lo; hi vawleicung mi bantuk le Khrihfa zumhnak i bawhte a si rihmi hna bantuk lawngin bia kan chimh khawh hna.

²Nannih cu hnuk in kan cawm hna a herh ko rih, rawl hak pek nan cut rih lo caah rawl hak kan pe kho rih hna lo. Cun atu tiang hmanh ah hin nan cu rih lo,

³hi vawleicung mi bantukin pei nan um ko rih cu. Pakhat le pakhat nan i nahchuah i pakhat le pakhat nan i sik tikah hin nannih cu hi vawleimi nan si le hi vawlei ning in nan nunning a si kha a lang ko lo maw?

⁴Pakhat nih nan i thawh i, “Kei cu Paul lei òang ka si,” nan ti; a dang pakhat nih, “Kei cu Apollo lei òang ka si,” nan ti; hiti nan ti ah hin, nan umtuning cu hi vawleicung umtuning bantuk a si ti nan langhter a si ko lo maw?

⁵A ngaingai ti ahcun, Apollo cu ahodah a si? Paul cu ahodah a si? Pathian sal pei kan va si ko cu, Pathian an zumhtertu hna kha. Bawipa nih a kan pekmi rian cio kha pei kan hei òuan ko cu:

⁶Kei nih a ci ka tuh, Apollo nih a kung kha ti a toih, sihmanhsehlaw a òhantertu cu Pathian a si.

⁷A ci a tuhtu le ti a toihtu thamtham cu biapi an si òung lo. Pathian kha pei biapi cu a si cu, zeicahtiah amah nih khan pei a òhanter cu.

⁸A tuhtu le a toihtu kha cu zeihmanh an i dannak a um lo; an òuanning cio khan Pathian nih laksawng a pek ko hna lai.

⁹Zeicahtiah kannih cu Pathian ca i hmunkhat ah rian a òuan òimi kan si i nannih cu Pathian lo nan si. Nannih cu Pathian inn zong nan si fawn.

¹⁰Pathian nih pahrang a ka pekmi kha ka hman i inn sak a thiam ngaingaimi bantukin inn saknak ding a hram kha ka bunh, cun a dang pakhat nih a cungah khan a run sak. Sihmanhsehlaw zeitindah kan sak ti kha ahohmanh kan i ralrin awk cio a si,

¹¹zeicahtiah Pathian nih Jesuh Khrih lawnglawng cu a hram caah khan a chiah cang i hram dang zeihmanh chiah awk ding a um ti lo.

¹²Cu hram cung i saknak thilri caah cun a cheu nih sui maw, ngun maw, lungvar mansung maw, an hman hna lai; cun a cheu nih thing maw, di maw, capawl maw, an hman hna lai.

¹³Cun an sakmi cio cu zeidah an lawh taktak ti kha Khrih Ni nih a langhter te hna lai. Zeicahtiah cu Ni mei nih cun an rianòuanmi kha a hneksak cio hna lai i zeidah an lawh taktak ti cu mei nih cun a langhter lai.

¹⁴Inn saknak hram cungah pakhatpa nih inn a sak i cu a sakmi cu mei nih khan a hrawh khawh lo ahcun, cu pa nih cun laksawng a hmuh lai.

¹⁵Asinain ahohmanh a sakmi inn cu a kangh dih ahcun, cu inn cu a sung ko lai; mei chungin luat bantuk khi a si lai nain amah cu khamh a si ko lai.

¹⁶Pathian biakinn nan si kha nan hngalh i Pathian Thlarau nan chung i a um zong kha nan hngalh.

¹⁷Cucaah ahohmanh nih Pathian biakinn cu a hrawh ahcun, amah cu Pathian nih a hrawh ve lai. Zeicahtiah Pathian biakinn cu a thiangmi a si i nanmah hrimhrim cu biakinn cu nan si.

¹⁸Hi kong ah hin palh sual hrimhrim hlah u: nan lakah ka fim ti aa ruatmi nan um ahcun, § ka chim duhmi cu hi vawlei cung fimning in ka fim ti aa ruatmi nan um ahcun ka ti duhnak a si § mifim ngaingai a si khawh nakhnga mihrut ah i cang seh.

¹⁹Zeicahtiah hi vawlei nih fimnak i a ruahmi cu Pathian hmaiah cun pakpalawng a si. Cathiang nih, “Pathian nih mifim hna cu an zernak lila ah khan a foihter hna,” tiah a ti bang hin a si taktak.

²⁰Cathiang nih cun, “Bawipa nih mifim mi hna ruahnak cu pakpalawng a si ti kha a hngalh,” tiah a ti rih.

²¹Cucaah cun ahohmanh nih minung tuah khawhmi thil kha kan i porhlawt awk a si lo. A ngaingai ti ahcun zeizong vialte hi nanmah ta tu an si dih:

²²Paul siseh, Apollo siseh, Peter siseh, hi vawlei hi siseh, nunnak siseh, thihnak siseh, atu caan hi siseh, hmailei caan khi siseh, hi vialte hi an dihlak in nanmah ta an si i

²³nannih cu Khrih ta nan si i Khrih cu Pathian ta a si.