Read Hakha Chin 1 KORIN 4 Bible Online

1 KORIN 4 - Hakha Chin bible

1 KORIN 4

¹Kannih cu Khrih sal, Pathian biathli kengtu ah khan nan kan ruah awk a si.

²Cu bantukin thil ken fialmi a rian biapi bik cu a bawipa sin i zumh awk tlak te i um kha a si.

³Cucaah cun nannih nih ka kong nan rak ka ceih len ah khan ka zei a poi lo, vawleicung biaceihnak zung zong nih ka ceih hna seh law ka zei a poi lai lo; keimah hmanh nih keimah kong hi kaa ceih kho lo.

⁴Ka chiaòha thleidannak hi a thiang ko, asinain cuti in a thiang ko ti tikah hin ka sual lo tinak a si lo. Ka cung i bia a khiaktu cu Bawipa kha a si.

⁵Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangòhatnak kha Pathian sinin an hmuh cio te lai.

⁶Ka u le ka nau hna, nanmah òhatnak ding caah hi thil vialte hi Apollo le keimah kong in kan chimh hna. Hi bantukin kanmah pahnih kong tahchunhnak ah kan lakpiak hna cu, “Phung leng lonh hlah u,” ti tawnmi kha a sullam nan hngalh khawh nakhnga caah a si. Ahohmanh thangòhat hlei hna hlah u, ahohmanh namh hlei hna hlah u.

⁷Midang nakin cungnung deuh ah aho nih dah an ser? Pathian pek a si lomi na ngeihmi zeital a um maw? Cucaah cun nan hmuhmi cu a lakin hei hmu hlah u law cu bang, zeitindah nan i porhlawt khawh?

⁸Nan herhmi paohpaoh cu nan ngeih dih ko cang. Nannih cu nan lian in nan rum ko cang. Nannih cu siangpahrang nan si cang, kannih bel kan si lo. Siangpahrang hei si taktak u law ka hei duh dah, kannih zong nan sinah siangpahrang kan si ve hnga!

⁹Kannih lamkaltu pawl hi Pathian nih nauta bik ah a kan ser ko rua tiah ka ruah. Zapi hmai i thah awkah sual phawtmi, van le vawlei le vancungmi le minung nih zoh nuam men i hei hman awk khi kan si ko rua.

¹⁰Kannih cu Khrih ruangah mihrut kan si; nannih tu cu Khrih chungah mifim nan si! Kannih cu kan der, nannih cu nan òhawng, kannih cu nautatnak kan hmu, nannih cu upatnak nan hmu.

¹¹Nihin tiang hrimhrim hin rawlòam le tihal in kan vak; hni le puan tlek fiamfuam in kan um; an kan tuk an kan velh; khua khat hnu khua khat kan vak lengmang;

¹²kan paw i cawmnak dingah kan kut in fak piin rian kan òuan.

¹³Chiat an kan serh tikah thluachuah le vanluh kan pek hna; an kan hrem tikah kan in, biaziar in an kan ti tikah bia nem in kan leh hna. Kannih cu kuthnawm hnawhnak puanchia kan si ko; nihin ni tiang hrimhrim hin vawlei cung hnawmtinphor kan si ko.

¹⁴Hi tiin ca kan kuat hna hi nan ningzak seh ti ka duh caah a si lo, ka dawtmi ka fale taktak bantukin cawnpiak kan duh hna caah a si.

¹⁵Zeicahtiah Khrih chung i nan nunning ah hin zohkhenhtu cu thong hra hmanh ngei hna u law pa cu pakhat lawnglawng nan ngei. Thawngòha nan sin i ka ratpi thawngin Khrih Jesuh chung i nan nunnak ah hin keimah hi nan pa cu ka si ko.

¹⁶Cucaah ka zia ka cawng u tiah kan nawl hna.

¹⁷Hi ruangah hin nan sin i Timote ka rak thlah hi a si. Amah cu Bawipa chungah ka dawtmi le ka zumhmi ka fapa a si. Amah nih cun, Khrih Jesuh chung i nunnak thar in nunning ah zeitindah ka umtu a si ti kha le khuazakip ah khrihfabu kha zeitindah ka cawnpiak hna ti kha an chimh hna lai.

¹⁸A kan tlawng lem lai lo nan ti i a cheu cu lung puam in nan i la.

¹⁹Bawipa duhnak a si ahcun, tuan ah kan tlawng hna lai i hi milungpuam pawl nih hin zeidah an tuah khawhmi taktak a si kha keimah hrimhrim nih ka ra zoh lai, zeidah an chim khawh timi lawng kha si lo in.

²⁰Zeicahtiah Pathian Pennak cu holh sawhsawh le bia sawhsawh men hi a si lo, Pathian Pennak cu thil ti khawhnak òhawnnak pei a si cu.

²¹Zeidah nan i thim lai? Fungfek he maw ka rat lai dawtnak le nemnak lungthin he dah ka rat lai?