Read Hakha Chin 1 KORIN 5 Bible Online

1 KORIN 5 - Hakha Chin bible

1 KORIN 5

¹Nan lakah nu le pa sualnak, lawkihmi hmanh nih an i zahpi dingmi sualnak a um ti kha ka theih. Mipa pakhat cu a pa nupi he an um òi, an ti.

²Zeitindah nan i porhlawt khawh òheo rih ee? Ngaihchiatnak in nan khah awk tu a si nain; cu bantuk thil a tuahmi cu nan bu chungin nan chuah awk a si.

³Kei cu pum cun nan sinin lamhlatpi ah ka um nain lungthin cun nanmah sinah ka um ko. Cucaah cun cu bantuk thilòhalo a tuahtu cungah cun, nanmah sin i a um vemi bantukin kan Bawipa Jesuh min in, biachahnak ka tuah cang.

⁴Nannih nan i pumh tikah, kei zong kan sinah a ummi kan Bawipa Jesuh òhawnnak thawngin ka lungthin in nan sinah kaa pumh ve caah,

⁵hi pa cu a thlarau kha Bawipa Ni ah khamh a si nakhnga a pum cu hrawh awkah amah cu Satan sinah khan pek awk a si, ka ti.

⁶Nan i porhlawt hi ahmaan lo. Phungthluk ah, “Thilnu tlawmte nih chang nawnmi cu a ning piin a thawhter,” timi bia cu nan hngalh.

⁷Sualnak thilnu hlun cu nan chungah rian a òuan. Nannih cu a thar tein rawhmi changreu nan si nakhnga cu thilnu hlun cu hlonh u. Khrihfa nan si bantukin nannih cu thilnu telh lomi Lanhtak puai changreu cu nan si; zeicahtiah kan Lanhtak puai tuufa Khrih cu raithawinak ah pek a si cang caah kan Lanhtak puai cu aa thawk taktak cang.

⁸Cucaah kan puai cu thilnu hlun, sualnak le òhat lonak thilnu hlun he cawhmi changreu he khan si loin thilnu aa tel lomi changreu, thiannak le biatak changreu he khan tuah u sih.

⁹Ca kan kuatmi hna chungah khan, misual mi hna he i kom hlah u, tiah ka ti.

¹⁰Chimh ka rak in duhmi hna cu, a sualmi, hak a kaumi, a firmi, siasal a biami lawkihmi hna kha nan kom hna lai lo, ti a si lo, zeicahtiah annih kha komh lo nan duh ahcun hi vawleicung hin nan chuah a hau hnga;

¹¹ka rak in chimh duhmi hna cu, Khrihfa ka si ve aa ti òung i sualnak a tuahmi, a hak a kaumi, siasal a biami, mi congoih a hmangmi, zu a rimi, mifir a simi, hi hna he hin nan i kom lai lo ka ti duhnak a si; cu bantuk mi hna he cun rawl hmanh hmunkhat ah ei òi hlah u.

¹²A ngaingai ti ahcun a lengmi cu kei nih an bia ka ceihpiak hna awk a si lo. Pathian nih a ceih ko hna lai. Asinain nan bu chung i a ummi cu an bia nan ceihpiak hna awk a si hnga lo maw? Cathiang nih pei, “Nan bu chungin mi òhalo kha va chuah u,” a ti kha.