Read Hakha Chin 2 KORIN 1 Bible Online

2 KORIN 1 - Hakha Chin bible

2 KORIN 1

¹Pathian duhnak in Khrih lamkaltu a simi keimah Paul le kan nau Timote nih, Korinth khua chung i a ummi Pathian Khrihfabu le Grik ram chung i a ummi Pathian mi vialte nan sinah ca kan in kuat hna.

²Pathian kan Pa le Bawipa Jesuh Khrih nih vel le daihnak in pe ko hna seh.

³Kan Bawipa Jesuh Khrih i a Pa le a Pathian, zaangfahnak in a khatmi kan Pa, zeizong vialte ah a kan bawmtu Pathian cu lawm u sih!

⁴Harnak kan innak kip ah a kan hnemh caah kannih zong nih harnak a phunphun in a ingmi kha kan hnemh khawh ve hna i kan hnemh hnanak ah cun Pathian sinin hnemhnak kan hmuhmi kha kan hman.

⁵Khrih nih a inmi temhinnak tampi cu kannih zong kan i hrawm ve bantukin Khrih hnangamnak zong cu kan i hrawm ve.

⁶Temhnak kan in ahcun nanmah hnangamnak le khamhnak caah a si; cun hnangamnak kan hmuh ahcun nannih zong nih nan hmuh ve i kan inmi temhnak kha lungsau in nan in khawh ve nakhnga thazang pek nan si.

⁷Cucaah nan cung i ruahchannak kan ngeihmi cu zeitikhmanh ah aa hnin bal lo. Temhnak kan inmi nan kan inpi bantukte khan hnangamnak kan hmuhmi cu annih zong nih nan hmuh ve.

⁸U le nau hna, Asia peng chung i harnak kan tonmi kha hngalhter òhan kan in duh hna. Kan cung i an kan khinhmi thil kha rak rit tuk, rak ngan tuk kaw, nun lai hmanh kan i ruah lo.

⁹Kannih cu thi dingin biakhiah kan si ko cang tiin kan i ruah. Asinain hi ti thil a rak um cu kanmah le kanmah kha i bochan loin, mithi a thawhtertu Pathian kha kan i bochan deuhnak hnga caah a rak si.

¹⁰Cu tlukin òih a nungmi thihnak chungin a kan khamh i hmailei zongah a kan khamh ko lai.

¹¹Nannih nih nan thlacamnak in nan kan bawmh caah, a kan khamh òhan ko lai ti zong kha kan i ruahchan. Cucaah cun kan ca i thla tampi nan cammi cu Pathian nih an leh hna lai i thluachuahnak a kan pek lai; cun kanmah ruangah mi tampi nih Pathian cu lawmhnak in an thangòhat lai.

¹²Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a òhawnnak nih a uk i hlangfang le lungthin tak tein nan sinah khua kan sa, hihi kan chiaòha thleidannak nih fiang tein a kan hngalhpimi a si.

¹³Ca kan in kuatmi hna cu nan rel khawhmi vial le nan hngalh khawhmi vial kha a si ko.

¹⁴Atu cu nan kan hngalhnak hi a tlam a tling lo ngai, sihmanhsehlaw tlamtling tein nan hun kan hngalh te lai ti kha ka zumh i Bawipa Jesuh ni ah cun kan i chawrmi cu nanmah nan si lai bantukin nan i chawrmi zong kanmah kan si ve te lai.

¹⁵Hi vialte hi fek tein ka zumh caah nanmah tlawn hmasa kha ka rak i tim, nannih nih thluachuahnak a voi hnih in nan hmuh khawh nakhnga.

¹⁶Ka rak i timhning cu, Masidonia lei ka kalpah ah nannih kha tlawn i ka kir leiah hun tlawnpah òhan kha a si. Cuticun Judea lei ka hung kal tikah nannih nih nan ka bawmh khawh hnga tiah ka ruah.

¹⁷Hiti ka rak i timh tikah hin lungthin reprai ngei loin aa let lelekmi ka rak si maw? Ka rak i timhnak ah hin mah zawn lawng ruahnak lungthin a ngeimi bantukin, “E, e,” ti òung in “Ai, ai,” a ti fawnmi ka si maw?

¹⁸Pathian cu zumh awk tlak a si bantukin nan sin i ka biakam cu “E, e,” le “Ai, ai,” aa cawhmi a si lo.

¹⁹Zeicahtiah Silas le Timote le keimah nih kan in chimhmi hna Jesuh Khrih, Pathian Fapa cu, “E,e,” “Ai,ai,” aa cawhmi a si lo. Amah cu Pathian “E” a si ko;

²⁰zeicahtiah amah cu Pathian biakamnak dihlak ah khan “E” a si. Cu ruangah cun kannih nih Jesuh Khrih thawngin Pathian thangòhatnak ah khan, “Amen,” kan ti tawn kha a si.

²¹Nanmah he kanmah he Khrih ta kan si ti fiang tein a kan hngalhtertu cu Pathian hrimhrim kha a si; amah ca i a kan thleidangtu cu Pathian òhiamòhiam kha a si,

²²Pathian nih cun amah ta kan sinak hmelchunhnak kha kan cungah a khenh i kan ca i a kan chiahpiakmi a dihlak aamahkhan caah khan kan lung chungah Thiang Thlarau kha a kan pek.

²³Pathian cu ka tehte a si § amah nih ka lungthin a hngalh. Korinth khua i ka rat lo cu nanmah zawn kan ruah hna caah a si.

²⁴Cucu nan zumh awk, khakha nan zumh awk, ti kha ca auh bantukin in auh duahmah hna kha ka duh lo, zeicahtiah zumhnak ah khan fek tein nan dir ti kha ka hngalh ko. Kannih nih tuah kan duhmi cu nanmah lawmhnak tu kha a si deuh.