Read Hakha Chin 2 KORIN 10 Bible Online

2 KORIN 10 - Hakha Chin bible

2 KORIN 10

¹Hmunkhat um vial ah zeihmanh chim ngam òung lo, a langhlat vial in a ral a òha ngai òung, nan ka timipa keimah Paul nih, Khrih lungnemnak le a zaangfahnak lungthin in kan nawl hna.

²Nan sin ka rat tikah ralòha ngaiin ka um nan herhternak hnga lo thla ka cam lengmang, zeicahtiah an rian òuanmi hi, vawlei cung duhnak in pei a si ko cu, a kan timi hna sinah khan ralòha ngaiin ka um kho ko.

³Vawleicung ah cun kan um taktak, sihmanhsehlaw vawlei cung thil tinhmi ngei in ral kan do lo.

⁴Raldohnak i kan hmanmi hriamnam cu vawlei cung hriamnam an si lo, ralhruang fekfek a hrawk khotu Pathian hriamnam tu kha an si. A hmaan loin bia i alnak kha kan hrawh,

⁵Pathian hngal kho hna hlah seh tinak ca i chonmi vampang porhlawtnak vialte kha kan baoh dih; minung lungthin kha sal ah kan va tlaih hna i Khrih nawl kha kan ngaihter hna.

⁶Cun zumhawktlak taktak nan si kha nan langhter hnuah zumhawktlak lo a simi tuahnak kha dan kan tat lai.

⁷Thil cu a sining taktak in zohhmanh u sih: Pakhat nih aa thawh i Khrih ta ka si, a ti. Cu pa nih cun amah kha òha tein i ruat ta rih tuah seh, zeicahtiah amah cu Khrih ta a si tluk te khan kannih zong kan si ve ko.

⁸Bawipa nih a ka pekmi nawlngeihnak cu a hlei deuh in ka hman a si zong hmanh ah ka ning a zak lo, cu nawlngeihnak ka hmuhmi cu nanmah òhehnak nawlngeihnak si loin nanmah saknak nawlngeihnak tu a si.

⁹Ca in an hro hna bantuk lawh cu ka duh lo.

¹⁰Micheu nih nan i thawh i, “Paul cu ca kuat ciammam ah cun a ti ti awk a òha lo, sihmanhsehlaw hmunkhat um taktak ahcun zei pipa a si lo, bia chim zongah zei òhai a si lo,” nan ti.

¹¹Cu bantukin a timi hna nih cun, a langhlat in ka òialmi ca le nan sin ka um tik i ka tuah ding hi zeihmanh dannak an ngei lai lo ti hi nan rak hngalh awk a si.

¹²Cu tluk sang i aa chiami hna he cun kan i tahchunh ngam in kan i rel chih ngam taktak lai lo! An va hrut thiam dah. Anmah tahnak dingah khan anmah lila nih pei tahnak tlangrel cu an i ser ko cu.

¹³Kannih tu cu kan i porhlawtnak kha a hlei a hluat a phanh sual lai kha kan duh lo caah Pathian nih a kan chiahpiakmi rian ramri chung lawngah khan kan um lai i cu rian chungah cun nanmah lak i kan òuanmi zong hi aa tel.

¹⁴Cu ramri chungah cun nan rak um caah Khrih kong Thawngòha chim awk i kan rat ah khan, cu ramri lengah cun kan kal lo.

¹⁵Cucaah Pathian nih a kan chiahpiakmi rian ramri leng i midang nih an òuanmi kha kannih cu kan i uang lo. Kan i ruahchanmi tu cu, nan zumhnak kha a òhang lai i Pathian nih a kan chiahpiakmi ramri chungah khan nan lakah rian ngan deuh chinchin kan òuan khawh lai, ti hi a si.

¹⁶Cun nanmah ram pinah Thawngòha kha kan chim khawh lai i midang lo chung i rak òuan ciami rian kha kan i porhlawt awk a herh lai lo.

¹⁷Sihmanhsehlaw Cathiang nih a chim bang khan, “Porhlawt a duhmi nih cun Bawipa nih a tuahmi kha i porhlaw ko hna seh,”

¹⁸Zeicahtiah mi cu amah le amah kha ka òha tiin aa ruah tikah hin Pathian nih a cohlan a si lo i Bawipa nih a òha ti in a ruah lawngah hin a cohlan a si.