Read Hakha Chin 2 KORIN 11 Bible Online

2 KORIN 11 - Hakha Chin bible

2 KORIN 11

¹Ka hruh deuh hmanh ah rak ka ing hram ko u!

²Pathian nih an sian hna lo bantukin kei zong nih kan siang ve hna lo. Nannih cu Khrih he i um dingin ka ham cangmi ngaknu thiang bantuk nan si.

³Evi cu rul nih a zernak le lih in a hlen bantuk khan nannih zong nan lungthin kha a thu sual lai i thiang tein Khrih nan tlaihchannak kha nan ngol sual lai ti ka phang.

⁴Zeicahtiah nan sinah a ra i kannih chimmi si loin Jesuh dang a hung chimmi zong kha nan rak pomhlawm duahmah ko hna i kannih nih kan in chimhmi hna Thlarau le Thawngòha he aa dang rumro komi thlarau le thawngòha zong kha nan rak cohlan duahmah fawn ko.

⁵Hi hna ko hi pei lamkaltu taktak cu an si cu, nan timi hna nakkhan tlawmte hmanh kan niam deuhnak a um tiah ka ruat lo.

⁶Phungchim cu a thiam lo zong ka si ko lai, sihmanhsehlaw hngalhnak ah cun ka niam deuh hrimhrim lo; zeitik caan paoh ah biatak cu tlingte le fiang tein kan in theihter ko hna.

⁷Pathian Thawngòha cu kan chimh hna tikah khan a man zeihmanh kan la hna lo; nanmah kha hlorh kan duh hna caah keimah tu kha kaa namh. Cucu ka palh maw?

⁸Nan sin i rian ka òuan lioah khan khrihfabu dang nih an ka cawm. Nanmah bawmhnak ah annih cu ka chuh hna ka ti ko lai.

⁹Nan sin i ka um lioah khan, phaisa ka herh tikah nanmah cu hna kan hnawh hna lo, Masidonia in a rami kan unau pawl nih ka herhmi vialte cu tlamtling tein an rak ka phorh. Kan hnulei i a si cang bantukin kan hmailei zongah siseh ti ka duh: nan caah thilrit ka si bal lai lo.

¹⁰Hi kaa porhlawtnak hi Grik ram chung khuazeihmanh ah ahohmanh nih an daihter kho lai lo tiah Khrih biatak ka chung i a ummi hin kaa kam.

¹¹Zeicahdah hitihin bia ka chim? Kan dawt hna lo caah a si maw? Pathian nih kan dawt hna cu a hngalh.

¹²Lamkaltu kan si ve, aa timi hna nih khan, anmah bantukin kan òuan ve, an ti khawh nakhnga lo, atu i ka tuahmi hi ka tuah lengmang ko lai

¹³Cu hna cu lamkaltu taktak an si lo § annih cu a deu an si, an rian òuannak kongah khan lih an chim i Khrih lamkaltu taktak an i lawhter.

¹⁴Cucu khuaruahhar awk a si lo, zeicahtiah Satan hmanh nih pei ceunak vancungmi bantuk aa siter khawh cu.

¹⁵Cucaah a sal hna nih òhatnak sal bantuk an i siter cu thil fawilangte a si ko. A donghnak ah cun an tuahmi thil ruangah khan hmuh awk an i tlakmite kha an hmuh ko lai.

¹⁶Ka nolh òhan rih ko lai: ahohmanh nih mihrut ah ka ruat hna hlah seh. Asinain nannih nih cun, na si, nan ka ti ahcun, mihrut bantuk tal in ka cohlang u, i porhlawt awk tlawmte tal ka ngeih nakhnga.

¹⁷Atu i ka chim lengmangmi hi Bawipa nih chim seh ti a ka duhmi cu a si hrim lai lo, hiti kaa porhlawt lengmang ah hin mihrut bantukin bia ka chim lengmang taktak ko.

¹⁸Asinain minung sining kong ah aa porhlawmi tam tuk an um caah kei zong kaa porhlaw ve ko lai.

¹⁹Nannih cu fim tuk u cikaw, mihrut cu nan in khawh zungzal ko hna cu ta.

²⁰A uk in an in uk hna tikah, an in hlen hna tikah, an in foih hna tikah, an in zohchuk hna tikah, nan hmai i an in bengh hna tikah, nan in ko hna.

²¹Cu bantuk kan tuah ngam ve lo cu, ningzak kan si taktak ko! Asinain aa porhlaw ngammi an um ahcun, kaa porhlaw ngam ve ko § mihrut biachim in hei chim ko ning law.

²²Annih cu Hebru mi an si maw? Ka si ve. Israel mi an si maw? Ka si ve. Abraham tefa an si maw? Ka si ve.

²³Khrih sal an si maw? Annih nakin sal òha deuh ka si § mihrut ka lo ai ne. Anmah nakin fak deuh piin rian ka òuan, thong voi tam deuh ka tla, tuknak voi tam deuh ka ing, thihnak ing dengmang in voi tam deuh ka um.

²⁴Voi sawm thum le voi kua tuk timi kha Judah mi sinin voi nga ka in,

²⁵Rom mi nih voi thum an ka tuk, voi khat lungcheh ka ing; tilawng rawhnak voi thum ka tong i voi khat cu suimilam pakul le pali chung ti ah ka taang.

²⁶Ka khualtlawnnak ah hin voi tampi tilian òihnung ka ton, mifir òihnung ka ton hna, ka phunhawi Judah mi hna sinin le Jentail mi hna sinin harnak ka hmuh, khuapi chungah khuapi chung ummi thil òihnung ka ton hna, ramlak ah ramlak i a ummi thil òihnung ka ton hna, rili cungah rili cung i a ummi thil òihnung ka ton hna i ka hawikom taktak a rak si lo, mi hlennak kha ka huah tawn.

²⁷Rian hrang òuan awk a um tawn, zan it loin voi tampi ka um a herh tawn, tihal le rawlòam voi tampi ka in; rawl ei awk ngei lo le i dornak ngei lo le puan ngei loin ka um tawn.

²⁸Cun a dang cu zeihmanh chim loin, khrihfabu zawn ka ruahnak nih hin nifate in a nenh in a ka nenh.

²⁹Pakhatkhat an derthawm ah, kei zong ka derthawm ve, pakhat khat sualnak chung i an tlak ah lungretheih in ka thi.

³⁰Kaa porhlawt awk a herh a si ahcun zeitluk in dah a derthawmmi ka si a langhtertu kha kaa porhlaw lai.

³¹Bawipa Jesuh i a Pathian le a Pa nih lih ka chim lo cu a hngalh § a min cu zungzal in thangòhat si ko seh.

³²Damaskas khua i ka um lioah Aretas siangpahrang kut tang i rian a òuanmi mangki bawi nih keimah tlaih awkah khua kulhnak vampang kutka kha a conghter hna.

³³Sihmanhsehlaw vampang a kuainak hmun pakhat in bawm in lengah an vun ka thlak i ka luat.