Read Hakha Chin 2 KORIN 2 Bible Online

2 KORIN 2 - Hakha Chin bible

2 KORIN 2

¹Cucaah nanmah lungfahter awkah cun ra ti lo dingin ka lung kaa thlek cang.

²Zeicahtiah an lung ka fahtermi cu nanmah nan si ahcun, aho nih dah an ka lawmhter kun lai? Nan ngaih kan chiattermi hna nanmah lawng hi pei a ka lawmhter khotu cu nan si ko cu.

³Cucaah cun kha ca nan sin i ka rak òial kha a si. Nan sin rat i a ka lawmhtertu ding va si nalak i ka ngaihchiattertu si ding cu kaan duh ti hna lo. Zeicahtiah kaa lawmh tikah nannih zong nan dihlak in nan i lawm ti kha ka hngalh.

⁴Ca kan kuat hna ah khan lungthin fak ngai le awlokchong ngai le mitthli tla bu in ka òial, cu ka òialmi cu nanmah ngaihchiatter dingah khan si loin, zeitluk in dah kan dawt hna, ti kha nan hngalh khawhnak hnga ka duh caah a si.

⁵Ngaihchiatnak a chuahtertu nih ngaihchiatnak a chuahter tikah, keimah cungah a chuahter si loin nanmah cungah a chuahter a si deuh § perh lo tein, nanmah lak i tlawmpal cu nan ngaih an chiatter ko hna khah § hiti ka chim hi amah kha fak tuk in ti ka duh lo caah a si.

⁶Mi tam deuh nih hi bantukin dan nan tat cang hi amah caah a za cang.

⁷Atu cu nannih nih nan ngaihthiam awk le thazang nan pek awk a si, a ngaih a chiat tuk ahcun a lung a dong sual lai.

⁸Amah nan dawt taktak kha va hngalhter u tiah kan nawl hna.

⁹Kha ca kan kuat hna kha, zeitluk fang dah hneksak innak ah hin nan si ti le kan chimhmi hna kha nan zul maw zul lo ti hngalh ka duh caah a si.

¹⁰Nannih nih mi pakhat cu a sualnak nan ngaihthiam tikah kei zong nih ka ngaihthiam ve. Cun ka ngaihthiam tikah, ngaihthiam hau thil kha a cungah ka ngeih taktak a si ahcun, cu ka ngaihthiam cu nanmah ruangah, Khrih hmaika ah a si,

¹¹cuti ka ngaihthiam cu Satan nih khan kan tei sual hlah seh ti ka duh caah a si, zeicahtiah Satan thil tining cu fiang tein kan hngalh ko.

¹²Khrih kong Thawng Òha kha chim awkah Troas khua ka phak tikah, Bawipa nih cu rian òuannak caah lam a ka onh ti kha ka hmuh.

¹³Sihmanhsehlaw kan nau Titas kha ka hmuh lo caah ka lungre a thei ngaingai. Cucaah cu ka mi cu, dam tein rung um u, tiah ka titak hna i Masidonia ram ah khan ka lan.

¹⁴Sihmanhsehlaw Pathian cu lawm ko u sih. Zeicahtiah Khrih teinak puai i a kal nuahmahmi mibu chungah khan kannih cu Khrih he kan i pehtlaihnak thawngin Pathian nih thongtla bantukin a kan hruai zungzal. Khrih kong hngalhnak cu khuazakip ah zihmui bantukin karhter awkah Pathian nih kannih cu a kan hman.

¹⁵Cucaah kannih cu Khrih nih Pathian sinah a pekchanhmi rimthaw zihmui bantuk kan si, cu zihmui cu khamh lio lengmangmi hna sin zong a phan i a tlau lio lengmangmi hna sin zong a phan.

¹⁶A tlau lio lengmangmi hna caah cun thihnak rimchia a si i khamh a si lio lengmangmi hna caah cun nunnak petu rimhmui a si. Cu bantuk rian cu aho nih dah a tuah khawh lai?

¹⁷Kannih cu Pathian bia kha, thil man fawi bantuk men in a tawngthammi hna bantuk kan si lo; kannih cu Pathian nih khan a kan thlah caah, amah hmaiah Khrih sal bantukin lungthin tak tein bia kan chim.