Read Hakha Chin 2 KORIN 3 Bible Online

2 KORIN 3 - Hakha Chin bible

2 KORIN 3

¹Hiti kan ti tikah hin mah thangòhat kan lo hoi hnga maw? Midang bantukin kannih zong nanmah òialpiakmi siseh, nanmah sin kuatmi siseh, thangòhatnak ca i ken kan herh ve dahra?

²Kan ca kenmi cu nanmah kha pei nan si cu, kan lungthin cungah mi vialte hngalh awk le rel awkin òialmi cu.

³Hi ca a òialtu cu Khrih kha a si i kannih hi a phortu ah a kan hmanmi kan si. Cu ca cu lung cungah cahang in òial si loin minung lungthin cungah a nungmi Pathian Thlarau nih a òialmi a si.

⁴Hi bia kan chim ngamnak cu Pathian cu hngatchan tlak a si ti kha Khrih thawngin kan hngalh caah a si.

⁵Hi rian hi kan òuan khawh vun i ti awkah kanmah ah hin zeihmanh i chim awk kan ngei lo. Kan òuan khawhnak cu Pathian sinin a rami a si i

⁶biakam thar rian a kan òuanter khotu cu, cu Pathian cu a si. Cu biakam thar chung i a ummi cu òialmi nawlbia kha si loin Thlarau tu a si. Òialmi nawlbia nih cun thihnak kha a chuahpi, sihmanhsehlaw Thlarau nih cun nunnak kha a chuahpi.

⁷Nawlbia cu lungtlap cungah khan cafang in òial a rak si i cu nawlbia cu annih kha pek a si lioah khan Pathian sunparnak cu a lang. Moses hmai i a rak ummi ceunak cu a lang. Moses hmai i a rak ummi ceunak cu a ziam zau ko nain cu ceunak cu a rak òhawn tuk caah khan Israel mi nih Moses kha dengteo in an rak zoh ngam lo. Thihnak tluntertu a simi Nawlbia hmanh, cu bantuk sunparnak he a rat a si ahcun,

⁸Thlarau rianòuannak a sunparnak cu zeitluk in dah a ngan chinchin.

⁹Minung sual vun phawtnak rian hmanh cu tlukin a sunlawi ahcun, minung thian vun chehnak rian cu zeitluk in dah a sunlawi chinchin.

¹⁰Hlan lio i a rak ceu hringhran ve komi sunparnak kha cu, atu sunparnak nih hin a ceu hleih tuk hringhran caah, kha kha cu a lo cang, kan ti ko lai.

¹¹Zeicahtiah caan tawite lawng a nguhmi hmanh nih cu tluk sunparnak a ngeih ahcun, zungzal nguhmi nih cun zeitluk sunparnak dah a ngeih chinchin lai.

¹²Hi ruahchannak kan ngeih caah hin kan ral a òha ngam.

¹³Israel mi nih maw ka hmai i ceunak a ziamh le a loh hi hmu hna lai tiah Moses nih a hmai puan in a rak i khuh bantuk kha kannih cu kan si lo.

¹⁴An lungthin cu a rak i khar hrimhrim ko i nihin ni tiang zong hin biakam hlun cauk an rel caan paoh ah an lungthin kha, cu puan nih cun a huh òhiamòhiam ko hna. Cu puan cu mi nih Khrih he an i pehtlaih tik lawngah aa hawk.

¹⁵Nihin ni tiang hmanh ah hin Moses Nawlbia an rel fate, kha puan nih khan a huh ko hna.

¹⁶Sihmanhsehlaw Cathiang nih, “Moses cu Bawipa lei i a hun i mer ah khan puan cu aa hawk,” a ti bang khan cu puan cu aa hawk cang.

¹⁷Hi zawn i “Bawipa,” a timi hi Thlarau a si i Bawipa Thlarau a umnak hmun paoh ah luatnak a um.

¹⁸Kannih caah hmai khuhnak puan kha a um ti lo caah kan dihlak in Bawipa sunparnak cu thlalang chung i kan mui a langh bang khin kan langhter; cuticun sungpar chin lengmang in amah lo chin lengmang ah thlen kan si i cucu Thlarau a simi Bawipa rianòuannak cu a si.