Read Hakha Chin 2 KORIN 4 Bible Online

2 KORIN 4 - Hakha Chin bible

2 KORIN 4

¹Pathian nih a kan zaangfah caah cu rian cu a kan òuanter i kan hnabei a dong bal lo.

²Ningzak a simi thil, a thli tein tuahmi thil vialte kha kan hlawt hna i ahohmanh hleng lo tein kan um, Pathian bia zong kha hlennak ah kan hmang bal lo. Biatak kha hlangfang tein kan chim i cuticun Pathian hmaika ah kan minung hawi cu nanmah nih nan chiaòha thleidannak ningin kan chiat le kan òhat cu ruat ko u, kan ti hna.

³Kan chimmi Thawngòha cu aa thuh a si ahcun, a tlau liomi hna ca lawngah aa thup a si lai.

⁴Annih nih zeicahdah an zumh lo ti ahcun, hi vawlei khuazing òhalo nih hin an lungthin cu mui lakah a chiah peng hna caah a si. An cung i a ceumi ceunak cu hmu loin a umter hna, cu ceunak cu Khrih sunparnak kong Thawngòha in a rami a si i Khrih cu Pathian bantuk taktak a si.

⁵Kanmah kong kha kan chimmi a si lo, kan chimmi cu Jesuh Khrih kha Bawipa a si i kannih hi Jesuh ruangah nan sal kan si, ti hi a si.

⁶“Muihnak chungin ceunak hung ceu seh,” tiah a titu Pathian òhiamòhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

⁷Asinain hi thlarau rothil a kengtu kannih hi tlak um bantuk men kan si, cu nih cun thil ti khawhnak òhawnnak hi kanmah ta si loin Pathian ta a si ti kha a langhter.

⁸Khatlei khatlei in an kan rial dip lengmang, sihmanhsehlaw kan kek ngaingai bal lo; lungawòawm in kan um tawn, sihmanhsehlaw kan hnabei a dong bal lo;

⁹ral tampi kan ngei, sihmanhsehlaw hawi pakhat loin kan um bal lo; cei tein an kan òhuat tawn, sihmanhsehlaw kan thi taktak bal lo.

¹⁰Thih a thiammi kan tak cungah hin Jesuh thihnak kha kan i ken zungzal, zeicahtiah hi kan tak òhiamòhiam ah hin Jesuh nunnak zong cu a langh ve nakhnga.

¹¹Thih a thiammi kan pum ah hin Jesuh nunnak cu a langh khawh nakhnga Jesuh ruangah thihnak huat dengmang lengmang in khua kan sa.

¹²Cu a sullam cu zeidah a si tiah, kannih chungah cun thihnak nih khan rian a òuan i nannih chung tu ah cun nunnak nih khan rian a òuan.

¹³Cathiang nih, “Ka zumh caah ka chim,” a ti. Cu bantuk zumhnak lungthin òhiamòhiam cun, kannih zong nih kan zumh caah kan chim ve.

¹⁴Bawipa Jesuh nunnak ah a thawhtertu Pathian nih khan kannih zong Jesuh sinah cun a kan thawhter lai i nanmah he a hmaika ah cun a kan luhpi lai, ti kha kan hngalh.

¹⁵Hi vialte hi nanmah caah a si dih; Pathian vel nih mi tam chin lengmang a phak hna bantukin mi tam chin lengmang nih Pathian sunparnak cu an lawmh lai i an thangòhat lai.

¹⁶Hi ruangah hin pei kan lung a dongh bal lonak cu a si cu. Kan mihring sinak cu duhsah tein zor chin lengmang hmanh seh law kan thlarau sinak cu ni khat hnu ni khat a thar chin lengmang.

¹⁷Cun harnak hmete caan tawite kan inmi nih hin, hi harnak nakin a let tampi in a ngan deuhmi zungzal sunparnak cu a kan pek lai.

¹⁸Kannih nih kan i zohchihmi cu hmuh khawhmi thil hi si loin hmuh khawh lomi thil khi an si. Hmuh khawhmi thil cu caan tawite lawng a nguh, sihmanhsehlaw hmuh khawh lomi thil cu zungzal in a hmun.