Read Hakha Chin 2 KORIN 5 Bible Online

2 KORIN 5 - Hakha Chin bible

2 KORIN 5

¹Kannih kan umnak thlam, vawlei cung kan pum hi, òheh a si tikah, vancung ah khin kan umnak ding caah Pathian nih inn a kan pek lai ti kha kan hngalh § cu inn cu amah Pathian nih a sakmi inn, zungzal hmun dingmi inn cu a si.

²Atu cu hi kan pum hin kan hrum lengmang i vancung i a ummi kan inn cu kan cungah hin run kan khuh hna seh ti cu kan duh hringhran;

³cu inn in thuamh kan si tikah pum loin kan um lai lo.

⁴Hi vawlei cung thlam chung i kan um lioah hin cun hremnak ing lengmang in kan hrum kan ai; hi vawlei cung pum hi hlawt kan duh ti a si lo, sihmanhsehlaw vancung pum kha hun kan hruk hna seh law ti kha kan duh i thih thiammi hi nunnak nih dolh seh law ti kha kan duh.

⁵Cu bantukin i thlennak ding ca i a kan timtu cu Pathian a si i kan ca i a kan chiahpiakmi thil vialte aamahkhan caah a Thlarau cu a kan pek.

⁶Cucaah cun lung òhawng in kan um zungzal. Hi pum inn chung i kan um chung paoh ah hin cun Bawipa inn cun kan i hlaat ti kha kan hngalh;

⁷zeicahtiah mit hmuh in si loin zumhnak tu in kan kal.

⁸Cucaah ralòha ngaiin kan um i hi pum kan inn hi kaltak i Bawipa sin i um cu kan i thim deuh suaumau hnga.

⁹Cucaah hika kan inn i kan um a si zongah, khika kan inn i kan um a si zongah, zeidang nakin kan duh bikmi cu amah duhnak tuah kha a si.

¹⁰Kannih cu kan dihlak in Khrih hmaiah kan chuak lai i amah nih bia a kan ceih lai. Kan pum in kan nun chung i a òha siseh, a chia siseh kan tuahning cio ah kannih nih kan hmuh lai.

¹¹Bawipa òih cu zeidah a sullam a si ti kha kan hngalh i cucaah mi kha lem kan i zuam lengmang hna. Pathian nih tling cikcek tein a kan hngalh; cu bantukin nannih zong nih nan lung chungte cun nan ka hngalh ve tiah ka ruah.

¹²Kanmah le kanmah kha nanmah sin i i thangòhat kan i zuam òhan a si lo, nanmah tu nih kan thangòhat u tiah caan òha kan in pek hna a si. Cuticun lenglei thil lawng a duh i lungchung thil a ruat set òung lomi pawl kha an bia nan leh khawh hna lai.

¹³Mihrut cu kan si taktak ko maw? Kan si ahcun Pathian ruangah a si ko lai. Kan fim a si ahcun nanmah ca dingah a si.

¹⁴Mi vialte caah mi pakhat a thi i a thihnak ah cun mi vialte an thi ve ti kha kan hngalh caah Khrih nih kan ca i a ngeihmi dawtnak nih cun a kan uk.

¹⁵Mi vialte caah a thihnak chan cu minung nih hin an nun chungah anmah ca lawngah nung ti loin, anmah ruang i thihnak a ing i a tho òhanmipa ca i an nun nakhnga caah a si.

¹⁶Cucaah ahohmanh hi, minung rel in kan tah ti hna lo. Voi khat cu Khrih kha minung rel in kan rak tah ve, sihmanhsehlaw atu cu cu bantuk cun kan tah ti lo.

¹⁷Mi zeihmanh hi Khrih he an i pehtlaih tikah cun mi thar a si; a nunning hlun kha a lo cang, nunning thar kha aa thawk cang.

¹⁸Hi thil vialte a tuahtu cu Pathian a si i Pathian nih cun Khrih thawngin kannih a ral a simi cu a hawi ah a kan thlen i midang zong a hawi i ser ve awk rian cu a kan pek.

¹⁹Cucaah kannih kan biapi cu, Pathian nih mi vialte kha Khrih thawngin hawi ah a ser hna, ti hi a si. Pathian nih an sualnak kha anmah sual phawtnak ding caah cazin chungah a khumhpiak hna lo i kannih cu a hawi i a ser hnanak bia chim kha a kan fial.

²⁰Cucaah Khrih lamkaltu bantukin kannih cu kan ra. Kannih nih kan in nawl hna hi Pathian nih an nawl hna bantuk a si: Pathian he i rem ko u, tiah Khrih min in kan in nawl hna.

²¹Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.