Read Hakha Chin 2 KORIN 6 Bible Online

2 KORIN 6 - Hakha Chin bible

2 KORIN 6

¹Hi rian ah hin Pathian he a òuan òimi kan si caah hitihin kan in nawl hna: Pathian vel cu nan hmuh cang i cu vel cu pakpalawng ah canter hram hlah u.

²Pathian nih, “Nanmah cu zaangfah kan duh hna caah kha caan ah khan nan bia cu ka rak in theihpiak hna i Khamh kan duh hna caah kha ni ah khan ka rak in bawmh hna,” tiah a rak chim. Ngaihmanh u! Pathian zaangfahnak hmuh caan cu atu hi a si i khamhnak hmuh ni cu nihin hi a si!

³Kan rianòuannak ah ahohmanh nih an kan soi nakhnga lo, ahohmanh an lam ah dawntu chiah kan duh lo.

⁴Kan i zuammi tu cu zei kan tuahnak hmanh ah Pathian sal kan si ti langhter kha a si i hnahnawhnak le harnak le retheihnak kha lungsau thinfual in kan in hna.

⁵An kan tuk, thong ah an kan thlak, zapi bawmh in an kan bawmh; kan thazang celh lo tiangin an kan òuanter, hngilh lo le rawl loin kan um.

⁶Kan ziaza a thiannak le biatak kan hngalhnak le lungsaunak le mi cung i zaangfahnak kan ngeihmi nih Pathian sal kan si kha an langhter. Cun Thiang Thlarau laksawng kan hmuhmi le dawtnak taktak kan ngeihmi le

⁷biatak kan chimnak le Pathian òhawnnak nih khan Pathian sal kan sinak cu an langhter fawn. Raldohnak caah siseh, kanmah ralvennak caah siseh kan hmanmi cu dinnak a si.

⁸An kan upat pah, an kan thangchiat pah, an kan nihsawh pah an kan thangòhat pah. Lihchim bantukin an kan zoh, sihmanhsehlaw kan chimmi cu biatak a si òung,

⁹hngalh bal lomi bantukin an kan ti, sihmanhsehlaw mi vialte hngalh kan si òung, a thi cia bantuk ah an kan rel, sihmanhsehlaw nan hngalh bantukin kan nung rih òung, hremnak cu kan ing nain a thih cu kan thi lo,

¹⁰kan ngaihchiatnak cu an tuah nain kan lung aa lawm zungzal, sifak ngai kan lo sihmanhsehlaw mi tampi kan rumter hna, zeihmanh a ngei lomi ko kan lo, asinain a taktak ti ahcun kan ngeih lomi a um lo.

¹¹Korinth khua i a ummi ka hawi dawtle hna! Hlangfang tein bia kan in chimh hna i kan lung kha kaupi in kan in hunpiak hna.

¹²Kan lung kan in kharkanh hna lo, nanmah bel nih nan lung nan kan kharkanh.

¹³Fale sin biachim bantukin nan sinah ka chim. Nan cung i lungthin kan ngeihmi bantuk hi kan cungah ngei ve u. Nan lung cu kaupi in kan hunpiak u.

¹⁴A zum lomi hna he i fon cetcut tuk in rian òuan òi hlah u; cucu a si kho lomi thil a si. Zeitindah a dingmi thil le a ding lomi thil cu hawikom an si khawh lai? Zeitindah ceunak le muihnak cu hmunkhat ah an um òi khawh lai?

¹⁵Zeitindah Khrih le Khuachia cu an lung aa khah khawh lai? Zumtu le zumlotu nih zeidah an ngeih òi khawhmi a um?

¹⁶Zeitindah Pathian biakinn cu lawkihmi siasal he an i tlak khawh lai? Zeicahtiah kanmah cu pei a nungmi Pathian biakinn cu kan si cu. Pathian hrimhrim nih, “Ka mi hna sinah ka umnak inn cu ka sak lai i an sinah ka um lai; Keimah cu an Pathian ka si lai i annih cu ka mi an si lai,” a ti bantuk khan a si taktak.

¹⁷Cucaah Bawipa nih, “Annih cu nan kaltak hrimhrim hna lai i an sin cun nan i òhen hrimhrim lai. A thiang lomi kha zeihmanh tawng hlah u law kan cohlan hna lai.

¹⁸Keimah cu nan pa ka si lai i nannih cu ka fapale le ka fanule nan si lai, tiah Bawipa Lianngan Bik nih a ti,” tiah a ti.