Read Hakha Chin 2 KORIN 9 Bible Online

2 KORIN 9 - Hakha Chin bible

2 KORIN 9

¹Judea ram i a ummi Pathian mi hna sinah kan kuatmi bawmhnak kong hi, a ngaingai ti ahcun, keimah nih nan sinah ka òial a herh lem lo.

²Bawmh nan duh hna ti kha ka hngalh ko i cucaah cun Masidonia ram mi hna sin zongah cun nanmah kong cu ka vaa porhlaw. “Grik ram i a ummi kan unau pawl cu nikum khan bawmh an i timhnak cu a si cang,” tiah ka ti hna. Nan lungòhawhnak nih khan a tam deuh cu an lung a canghter ve hna.

³Atu cu kan unau pawl hi nanmah sinah ka hun thlah hna, zeicahtiah hi kong i kan i porhlawtnak bia kha pakpalawng si sual hlah seh ti kan duh. Cucaah ka chimh hna bantuk tein, bawmhnak pek ding nan i timhmi he khan timhcia tein rak um u.

⁴Cu ti si loin Masidonia mi kha kaa ratpi hna i timhnak zeihmanh ngei loin nan rak um òung ahcun, nan i tim òheo lai ti ruahnak kan ngeih òung caah khan, kan ning a zak tuk lai, nanmah cu vun chim lo kanmah hrimte kan ning a zak tuk lai.

⁵Cucaah hi kan unau hna hi ka hlanah nan sin i ratter i nan i kammi laksawng kha timhcia tein rak chiah cu a herh tiah ka ruah. Cun kei ka hung phak tikah timhcia te cun a rak um cang lai i hnekchommi si loin pek nan duh hrimhrim ca i nan pekmi a si kha a lang lai.

⁶Hihi philh hlah u: thlaici tlawmte a tuhmi nih cun theipar tlawmte a zun tawn, tampi a tuhmi nih cun tampi a zun tawn.

⁷Cucaah nanmahle nan lungthin nan i thlehning cio ah rak tho u, nan thawh tikah i ngaihchih bu le hnekchom in si hlah seh, lunglawm tein a thomi kha Pathian nih a dawt hna.

⁸Pathian nih cun nan herh leng tiangin an pek khawh ko hna, cucaah nanmah ca i nan herhmi caah khan nan i zat tiangin nan ngei zungzal ko lai i thil òha tuah nan duhmi ca i nan herhmi caah khan a zat leng tiang hmanh nan ngei ko lai.

⁹Cathiang nih, “Siang ngaiin sifakmi kha a pek hna, a zaangfahnak cu zungzal in a hmun,” a ti bang khan a si lai,

¹⁰Cun thlaici tuhtu thlaici a petu le ei awk rawl a petu Pathian nih cun nan herhmi thlaici vialte kha an pek hna lai, nan siannak chung khan theipar tampi chuahter awkah amah nih cun a òhanter lai.

¹¹Zeitik caan paoh ah minunsiang nan si khawh nakhnga Pathian nih cun a za in an rumter zungzal hna lai i kan sinin an hmuhmi nan laksawng ruangah khan Pathian cu mi tampi nih an lawmh lai.

¹²Zeicahtiah nan tuahmi nih hin Pathian mi hna an herhbaunak lawng kha a bawmh si loin Pathian sin i chimmi lunglawmhnak bia tampi zong kha a chuahter.

¹³Hi nan tuahmi nih a langhtermi thawng hin, toidor tein a bia nan rak ngaih le Khrih Thawngòha nan rak i tlaihnak kongah zumh awk tlak tein nan rak um kha an hmuh tikah, Pathian kha an upat lai; cun an herhbaunak bawmhnak ca le zapi òhatnak ca i siang ngaiin nan rak thawhmi ruangah khan Pathian cu an lawmh lai.

¹⁴Cucaah Pathian nih tam khun in an pekmi hna a vel ruangah khan nan ca i thla an cam tikah nanmah ngaih buin an cam lai.

¹⁵A sung tukmi a laksawng caah hin Pathian cu lawm ko u sih.