Read Hakha Chin GALATI 1 Bible Online

GALATI 1 - Hakha Chin bible

GALATI 1

¹Galati peng Khrihfabu hna, Paul nih ca kan kuat hna. Keimah cu lamkaltu si dingah hin minung nih fialmi le minung nih thlahmi si loin, Jesuh Khrih le Jesuh Khrih thihnak in a thawhtertu Pathian kan Pa nih an ka kawhmi ka si.

²Hika i a ummi kan unau vialte hna le-tin nan kut kan tlaih hna.

³Pathian kan Pa le Bawipa Jesuh Khrih nih vel le daihnak in pe ko hna seh.

⁴Atu chan, chan òhalo chung hin kannih cu luatter awkah, Pathian kan Pa duhnak zulh in, Khrih cu kan sualnak caah aa pe.

⁵Pathian cu zungzal donglo in sunparnak pek si ko seh! Amen.

⁶Ka khuaruah nan har ko. Luklak ah Khrih velngeihnak in an autu hna kha nan hlawt i thawngòha dang kha nan zuan.

⁷A ngaingai ti ahcun, “thawngòha dang,” timi hi a um lo, asinain hitin ka chimnak cu, nan lung an tuaitamtu hna le Khrih thawngòha kha thlen aa zuammi an um caah a si.

⁸Kanmah kan si zongah, vancungmi a si zongah, kan in chimhmi hna thawngòha he aa dangmi thawngòha an chimtu hna cu, hell ah tla ko seh.

⁹Hmasa zongah kan rak chim cang i atu zongah kan chim òhan: nan rak cohlan cangmi thawngòha he aa dangmi thawngòha an chimtu hna paoh cu hell ah tla ko seh!

¹⁰Hiti ka chim tikah hin minung lungtlinnak kawl ning law cu ko cu ka lo maw? Cucu ka kawlmi a si lo. Pathian lungtlinnak tu kha ka duhmi cu a si. Zapi sinin thangòhatnak kha hmuh kaa zuammi cu a si maw? Cucu a si ahcun, Khrih sal cu ka si hnga lo.

¹¹Ka u le ka nau hna, nan sin i ka chimmi thawngòha kha minung serchommi a si lo ti kha chimh kan duh hna.

¹²Cu thawngòha cu minung sinin ka hmuhmi a si lo i minung nih an ka cawnpiakmi zong a si lo. Ka sinah a phuangtu cu Jesuh Khrih hrimhrim kha a si.

¹³Judah biaknak ka rak òanh lioah khan, zeitindah ka umtuning a rak si kha nan theih cangmi a si ko, Pathian Khrihfabu kha ka rak hrem hna i hrawh awkah fak piin ka rak i zuam.

¹⁴Judah phung ka zulhnak ah khan ka òhirual Judah mi kha tampi ka lonh hna. Anmah nakin kan pupa phung kha fak piin ka òanh deuh.

¹⁵Sihmanhsehlaw Pathian nih a ka zaangfah caah, ka chuah hlan khan a ka thim i amah rian òuantu dingah khan a ka auh. Cun Jentail mi hna sinah Thawngòha cu ka chim nakhnga,

¹⁶a Fapa cu ka sin i a phuan tikah, ahohmanh ruahnak hal awkah ka fuh hna lo,

¹⁷keimah hlan i lamkaltu a rak simi hna ton awk zongah khan Jerusalem ah ka va kal lo. Arabia ram tu ah khan ka kal zau i cuka cun Damaskas khua ah ka ra kir.

¹⁸Kum thum hnuah Peter sinin thawngpang theih duh ah Jerusalem ah ka hung kal i amah sinah cun zarh hnih ka cam.

¹⁹Kan Bawipa nau Jeim dah ti lo cu, lamkaltu dang ahohmanh kha ka chawn hna lo.

²⁰Ka òialmi hi biatak a si. Ka lih ka chim lo kha Pathian nih a hngalh.

²¹Cu hnuah cun Siria ram le Silisia ram ah khan ka kal.

²²Cucaah cun Judea ram i a ummi Khrihfabu chungmi hna nih khan pumpak in an ka hngal lo.

²³Midang nih, “A rak kan hremtu nih khan atu cu hrawh a rak i zuammi phung kha a òanh i a chim lengmang,” an ti lawng kha an theih i

²⁴keimah ruangah cun Pathian kha an thangòhat.