Read Hakha Chin GALATI 2 Bible Online

GALATI 2 - Hakha Chin bible

GALATI 2

¹Kum hleili hnuah Barnabas he Jerusalem ah kan kal òhan; Titas zong kan i kalpi.

²Zeicahdah ka kal ti ahcun Pathian nih na kal awk a si tiah ka sinah a phuan caah a si. Hruaitu pawl he kanmah lawng kan i tonnak ah Jentail mi sin i thawngòha bia ka chimnak kong kha ka chimh hna. Kan hnulei i ka rak tuahmi rian kha siseh, atu i ka tuahmi rian hi siseh, pakpalawng siter kha ka duh lo.

³Ka hawi Titas cu Grik mi a si nain ahohmanh nih cuarpar tan an fial lo;

⁴a cheu nan unau ka si ve aa titermi hna, kan bu chung i aa fon vemi hna bel nih i tan seh ti an duh. Hi hna hi kan bu chungah a thli in a rung lutmi an si i annih nih dothlat an duhmi cu Khrih Jesuh he kan i pehtlaihnak thawngin kan hmuhmi luatnak kong kha a si. Kannih cu sal i ser kha an kan duh.

⁵Asinain thawngòha kha nan ca i him tein chiah ka duh caah minit pakhat hmanh kan i teiter hna lo.

⁶Hruaitu pawl nih khan zeihmanh ruahnak thar an kan pek khawhmi a um lo § hruaitu pawl ka ti hna hi hruaitu an sinak nih hin zeihmanh ka caah dannak a umter hlei lo caah a si; Pathian nih cun lenglei thil zoh in bia a thlek lo.

⁷Cuti ruahnak pek khawh cu vun chim lo, Pathian nih Jentail mi hna sin i thawngòha chim a ka fial kha a si tak ti tu ah an ti lehlam, Pathian nih Peter cu Judah mi hna sin i thawngòha chim a fial bantuk khan.

⁸Peter cu Pathian nih Judah mi hna sin lamkaltu ah a ser bantukin keimah zong Pathian òhawnnak nih Jentail mi hna sin lamkaltu ah a ka ser ve.

⁹Hruaitu pawl Jeim, Peter le Johan nih khan Pathian nih hi rian a ka pek kha an hngalh i cucaah Barnabas le keimah kha kan kut an kan tlaih. Rianòuan òi cio bantukin, kannih nih Jentail mi hna sin i rian òuan i annih nih Judah mi hna sin i rianòuan kha kan hna a tla.

¹⁰An kan halmi cu, an lak i a ummi sifak retheimi philhpiak lo lawng kha a si ko i cucu fak piin kan òuan lengmangmi hi a si.

¹¹Peter cu Antiok khua i a rat ah khan zapi hmaiah ka mawhchiat, zeicahtiah fiang tein a rak palh.

¹²Jeim nih a hun thlahmi pawl an rat hlanah khan cun Peter cu Jentail unau pawl sinah khan rawl a ei lengmang ko. Sihmanhsehlaw an rat hnuah cun a ei duh ti lo, zeicahtiah Jentail mi cu cuarpar tan awk an si a timi pawl kha a òih hna.

¹³Peter le Judah mi kan unau dang hna cu an i zuk i Barnabas hmanh kha an i zuhpi ve.

¹⁴Thawngòha biatak lam ding kha an zul ti lo ti ka hmuh tikah, an dihlak hmaiah Peter cu ka thawh i, “Nang cu Judah mi na si, sihmanhsehlaw Jentail mi bantukin na um, Judah mi um in na um lo. Cucaah zeitindah Jentail mi cu Judah mi bantukin nan um lai tiah na hnek khawh hna lai?” ka ti.

¹⁵Kannih cu kan chuahkehnak in Judah mi kan si taktak, Jentail misual phun cu kan si taktak lo.

¹⁶Asinain minung hi Pathian he an i remnak cu Jesuh Khrih an zumhnak thawngin a si i Nawlbia nih tuah u a timi tuahnak thawngin a si bal lo ti kha kan hngalh. Kannih zong, Nawlbia nih tuah u, a timi tuahnak thawngin si loin Khrih kan zumhnak thawngin Pathian he remnak kan hmu lai ti caah Jesuh Khrih kha kan zumh. Zeicahtiah Nawlbia nih tuah u, a ti mi tuahnak thawngin ahohmanh nih Pathian he i remnak an hmu lo.

¹⁷Cu bantukin, Khrih he kan i pehtlaihnak thawngin Pathian he i rem awk kan i zuam tikah, Jentail mi tlukin misual kan rak si ve ti kha a lang § cu ti chimmi nih cun Khrih zong kha sualnak tuah ah aa tel ve a ti duhnak a si maw? Si hrimhrim hlah!

¹⁸Ka òhehmi phung kha sak òhan ka timh ahcun, Nawlbia buartu ka si ti kha keimah lila nih ka langhter.

¹⁹Asinain Nawlbia kong ti ahcun, kei cu a thimi ka si ko cang § Nawlbia nih khan a rak ka thah cang § cucu zeicahdah a si ti ahcun Pathian ca i ka nun khawh nakhnga caah a rak si. Kei cu Khrih he a vailam tahnak ah khan thah ka si cang

²⁰cucaah a nungmi cu keimah kha ka si ti lo, ka chung i a ummi Khrih tu hi a si deuh. Atu i ka nunmi nunning hi, a ka daw i ka ca i a nunnak a pemi Pathian Fapa zumhnak thawngin ka nung.

²¹Pathian vel cu pakpalawng ah ka ser lai lo. Minung le Pathian i remnak cu Nawlbia thawngin a si ahcun, Khrih cu pakpalawng ah a thi tinak a si hnga.