Read Hakha Chin GALATI 6 Bible Online

GALATI 6 - Hakha Chin bible

GALATI 6

¹Ka u le ka nau hna, pakhatkhat nih sualnak nan tuah sual tikah, a thlarau deuh pawl nih khan, lam dingah nan chiah òhan awk a si; cun cu ti nan tuah tikah nemnak tein nan tuah lai. Cun nanmah zong tukforhnak cu nan in sual venak hnga lo nan i ralring lai.

²Pakhat le pakhat nan thilrit kha i chawng u law cuticun Khrih nawlbia kha nan zulh a si lai.

³Ahohmanh nih, zeihmanh si set òung loin, pa ka si ve tiin aa ruah ahcun amah le amah aa hlen a si.

⁴Kan rian òuanmi cu kanmah cio nih a òhat a chiat a cuaithlaining kan thiam awk a si; cucaah tuah awk aa tlakmi thil kan tuah tikah, midang nih a òha a òhalo ti hau loin, kan lung aa lawm kho lai.

⁵Zeicahtiah kanmah le kan thil cio cu kanmahte nih kan i phorh awk a si.

⁶Khrihfa phung cawnpiak a simipa nih khan, thil òha a hmuhmi vialte cu a saya kha a hrawm awk a si.

⁷Nanmah le nanmah i hleng hlah u; ahohmanh nih Pathian cu an deh kho lo. Mi nih a tuhmi cu a zun ko lai.

⁸A pumsa duhnak lo ah a tuh ahcun, thihnak kha a zun lai; Thlarau lo ah a tuh ahcun, Thlarau nih zungzal nunnak kha a pek lai.

⁹Cucaah òhatnak tuah kha baa hlah u sih; kan ngol lo ahcun a theitlai kan zun caan kha a phan ve ko lai.

¹⁰Cucaah a caan kan ngeih fate, mi cungah òhatnak tuah kha i zuam u si law zumhnak lei i kan rualchan a simi hna cungah khan i zuam khun u sih.

¹¹Hi ca kan kuatmi hna hi ka kut hrimhrim in ka òial i cafang lian pipi in ka òial hi rak zoh hmanh u.

¹²Lenglei thil aa porhlawmi le aa uangthlarmi hna hi nanmah cuarpar tan hnek aan duhmi hna kha an si. Cu an duh cu Khrih vailamtahnak kongah hremnak an innak hnga lo ca men ah a si.

¹³Cuarpar tannak phung a zulmi hna hmanh nih Nawlbia cu an zulh ve hlei òung lo; an cuarpar i tan hna seh ti an in duh hna cu, pumsa phung kan chimhmi hna hi an zul tiin i thangòhat an duh caah pei a si ko cu.

¹⁴Kei tu cu Bawipa Jesuh Khrih vailam lawng hi kaa porhlawtpi ko lai, zeicahtiah Khrih vailam thawng hin vawlei hi ka caah a thimi thil a si cang i kei zong hi vawlei caah cun a thimi ka si ve.

¹⁵Cuarpartan le tan lo cu biapi a si lo, biapi a simi cu, ser tharmi si hi a si.

¹⁶Hi phung an nunning ah a zulmi hna cu daihnak le zaangfahnak kha an cungah um ko seh § Pathian mi dihlak cungah cun um ko seh.

¹⁷Ka bia donghnak ah: ahohmanh nih harnak ka pe ti hlah u. Ka pum cung i a ummi hmape nih hin Jesuh sal ka si cu a langhter ko.

¹⁸Ka u le ka nau hna, kan Bawipa Jesuh Khrih vel cu nan dihlak cungah um ko seh. Amen.