Read Hakha Chin EFESA 3 Bible Online

EFESA 3 - Hakha Chin bible

EFESA 3

¹Hi thil vialte hi ka lung chungah i chiah in, nanmah Jentail mi hna ruang i Khrih Jesuh ca thongtla a simi keimah Paul nih, Pathian sinah thla ka cam.

²Nanmah òhatnak dingah Pathian nih a vel thawngin hi rian hi òuan a ka fial ti kha nan theih cang òheo lai.

³Pathian nih a thuhmi a khuakhannak cu ka sinah a phuan i a ka hngalhter. (Hi kong hi tawi tein nan sinah ka rak òial cang,

⁴ka òialmi kha nan rel ahcun Khrih biathli ka hngalhnak kha nan hngalh khawh lai.)

⁵Hi biathli hi hlanah cun mi kha theihter an rak si lo, sihmanhsehlaw atu cu Pathian nih a Thlarau in a lamkaltu mithiang hna le a profet mithiang hna sinah khan a phuan cang.

⁶Cu biathli cu hihi a si: Thawngòha thawngin Jentail mi hna nih Judah mi hna sinah khan Pathian thluachuahnak an hmuh ve cang; annih cu pum khat chung nge kha an si cang i Khrih Jesuh in Pathian nih biakamnak a tuahmi ah khan tinvo an ngei ve cang.

⁷Thawngòha rian òuantu ka si hi Pathian laksawng a si i cu laksawng cu Pathian nih a òhawnnak rian a òuannak ah hin hmuh awk aa tlakmi ka si lo nain a ka pek.

⁸Pathian mi hna lak i a hme bik nak hmanh in a hme deuhmi ka si ko nain, Khrih a rumnak a dong kho lomi Thawngòha cu Jentail mi hna sinah chim awk le

⁹Pathian nih a thli tein khua a rak khanmi ah khan zeitindah rian a òuan ti kha, mi vialte hngalhternak rian cu Pathian nih a ka fial. Zeizong vialte Sertu Pathian nih cun kan hnulei chan chung vialte kha a biathli cu a rak thuh,

¹⁰cu ti a rak thuh cu, khrihfabu thawng hin vancung khua uktu vanmi hna nih hin, Pathian fimnak a phunphun cu, atu caan ah hin hngal hna seh ti a duh caah a si.

¹¹Pathian nih a tuahmi hi, zungzal a rak i tinhmi ning khan a si i cucu kan Bawipa Jesuh Khrih thawngin a tlinter.

¹²Amah he kan i pehtlaih caah le amah kan zumhnak thawngin Pathian umnak chungah òih lo tein luh ngamnak luatnak kan ngei.

¹³Cucaah nan ca i harnak ka in caah hin nan lung dong hlah u, nanmah ca òhatnak lawngte ah a si ko.

¹⁴Hi ruangah hin kan Pa hmaiah khuk bil in ka kun tawn,

¹⁵amah hi vawlei cung i khua a sami innchungkhar vialte nih an min an i laknak hram a si.

¹⁶Nan chunglei minung sinak ah a òhawngmi nan si nakhnga le zumhnak thawngin Khrih cu nan lungthin chungah khua a sak nakhnga, cun a sunparnak ro bukbau chungin A Thlarau thawngin òhawnnak an pek hna nakhnga, Pathian cu ka nawl. Nan hrih nan hram cu dawtnak chungah fek tein nan bunh nakhnga le

¹⁸Pathian mi vialte hna he Khrih dawtnak a kauhning le a sauning le a sanning le a thuhning kha nan hngalh khawh nakhnga, nan caah thla ka cam.

¹⁹A dawtnak hi tling lak ngaingai cun hngalh khawh a si lo nain nan hngalh te ko lai. Cucaah Pathian tlinnak a tlingmi cun khat ko u.

²⁰Kan chungah rian a òuantu a òhawnnak thawngin kan hal khawh leng le kan ruah khawh lengin thil a tuah khotu Pathian cu,

²¹khrihfabu chungah Khrih Jesuh thawngin, zungzal in zungzal tiang sunglawi ko seh! Amen.