Read Hakha Chin FILIPI 1 Bible Online

FILIPI 1 - Hakha Chin bible

FILIPI 1

¹Khrih Jesuh sal Paul le Timote nih, Filipi khua i a ummi Pathian mi nan dihlak, Khrih Jesuh a zummi hna cu, nan pastor hna le Khrihfa upa hna he, ca kan in kuat hna.

²Pathian kan Pa le Bawipa Jesuh Khrih nih vel le daihnak in pe ko hna seh.

³Nan kong ka ruah fate, nan dihlak ruangah ka Pathian cu ka lawmh zungzal;

⁴cun nan ca i thla ka cam fate lunglawmhnak in ka cam,

⁵zeicahtiah a hramthawk tein nihin ni tiang, hi Thawngòha rian ka òuannak ah hin nan ka bawmh zungzal.

⁶Cucaah cun, nan chungah hi rian òha a thawktu Pathian nih, Khrih Jesuh Ni ah hi rian cu a lim tiangin, a òuan zungzal lai.

⁷Ka hnakkar ah nan i tenh zungzal ko. Hi bantukin nan cungah lungthin ka ngeih hi ka ngeih hrim awk a si ko, zeicahtiah nan ka dawt tuk hringhran i thong i ka tlak ah siseh, leng i ka luat ah siseh, Thawngòha kha ahmaan i biatak a si tiin ka chimnak rian ah khan nan ka bawmh zungzal.

⁸Khrih Jesuh lungthin chungin a chuakmi ngaihnak in kan ngai hna, hi ti ka ti tikah hin ka lih a si lo ti cu Pathian nih a hngalh.

⁹Nan ca i thla ka cam tawnmi cu, nan dawtnak ngeihmi cu hngalhnak ahmaanmi le a chia a òha thleidan khawhnak fimnak he òhang seh law,

¹⁰cuticun a òha bik i thim awk kha nan hngalh lai, ti hi a si. Cun thurhhnawmhnak vialte le mawhchiatnak in Khrih Ni ah cun nan luat lai.

¹¹Jesuh Khrih lawng nih a kan pek khawhmi ziaza òha taktak in nan nunnak cu a khat lai i cucu Pathian sunparnak le thangòhatnak caah a si lai.

¹²Ka u le ka nau hna, ka cung i thil a tlungmi kha Thawngòha karhtertu a si lehlam ti kha hngalhter kan duh hna.

¹³Kha ti ka cung i thil a tlungmi ruangah khan siangpahrang inn a cawngtu vialte hna le a dang vialte hna zong nih Khrih sal ka si ruang i thong tlaknak ka in hi an hngalh.

¹⁴Cun thong ka tlaknak nih hin kan unau pawl a tam deuh kha Bawipa an zumhnak ah lungfehnak a pek hna i cucaah an ral a òha chinchin i òih lo tein Thawngòha bia kha an chim.

¹⁵A cheu cu nahchuahnak an ngeih ca le mi he i al duhnak lungthin an ngeih ruangah Thawngòha bia a chimmi an si taktak, sihmanhsehlaw a cheu cu lungthin òha te he a chimmi an si.

¹⁶Pathian nih Thawngòha òanh awk rian cu a ka thiah kha an hngalh caah, cu bantuk lungthin thiangte he a chimmi hna nih cun, keimah an ka dawtnak lungthin chung khan an chimmi bia cu an chim.

¹⁷Sihmanhsehlaw a dang hna nih khan cun, keimah entai ruangah lungthin thianglo in Khrih kong kha an chim i thong i a um chungah hin harnak nih chuahhnawh chin lengmang seh ti duhnak in an chim.

¹⁸Zeihmanh a poi lo! Khrih kong chim a si paoh ahcun kaa lawm ko § tinhmi òha in a si zongah, tinhmi chia in a si zongah § kaa lawm lengmang ko lai.

¹⁹Zeicah ti ahcun, nan thlacamnak thawng le Jesuh Khrih sinin a rami thlarau bawmhnak thawngin luatter ka si lai, ti kha ka hngalh.

²⁰Ka duhnak ngan bik le si kho seh ti ka duh bikmi cu, ka rian hi a tlam tlinh kho ning ti hi a si i a zungzal in, cun atu thengte chinchin ah hin, ka nun zongah ka thih zongah, ralòhatnak in khah i ka pum hrimhrim in Khrih cu upatnak pek kha a si.

²¹Nunnak hi ka caah zeidah a si? Kei ka caah cun nunnak cu Khrih a si ko. Cucaah thihnak nih hin a òha deuh chinchinmi thil hmanh a chuahpi lai.

²²Asinain ka nun ko rih i cu ka nun ruang i thil òha tam deuh ka tuah khawh ding a si ahcun, a zei cu dik kaa thim deuh hnga, ka hngal lo.

²³Thil pahnih karlak ah kaa tenh: hi nunnak hi kaltak i Khrih he um cu ka duh hringhran, cucu a òha deuh suaumaumi a si;

²⁴asinain ka nun rih cu nanmah ruangah a herh deuh rih fawn.

²⁵Cucu nan caah a òha deuh ti kha fiang tein ka hngalh caah nung ko rih ning. Zumhnak i nan òhannak le nan i lawmhnak kha chap awkah nan sinah ka nung ko rih lai.

²⁶Cucaah nan sin i ka um òhan tikah, keimah ruang i Khrih Jesuh chung i nan i lawmhnak kha a karh chinchin lai.

²⁷A biapimi cu hi tu hi a si: Khrih Thawngòha nih si hna seh ti an duhmi hna kha nan nuncan a si awk a si. Cucaah kan hmuh khawh hna ah siseh, kan hmuh khawh hna lo ah siseh, tinhmi pakhat he fek tein nan dir i Thawngòha zumhnak ah hmunkhat i ral a do òimi nan si kha theih ka duhmi cu a si.

²⁸Nan ral kha òih hna hlah u; ralòha ngaiin um zungzal u law cu nih cun annih an sungh i nannih teitu nan si lai kha a langhter lai § teinak petu cu Pathian a si.

²⁹Khrih ca rianòuan thiah nan si tikah, a zumh lei lawng hi si loin a ca i temhinnak hmuh ding zong hi a si chih.

³⁰Cucaah i dohnak chungah hin ka sinah nan i tel ve kho lai; hi i dohnak cu, hlan i ka rak dohmi nan rak hmuh cangmi le atu zong i ka doh lengmangmi nan rak theihmi òhiamòhiam hi a si ko.