Read Hakha Chin FILIPI 2 Bible Online

FILIPI 2 - Hakha Chin bible

FILIPI 2

¹Khrih chung i nan nunnak nih khan an òhawnter hna maw? A dawtnak nih khan nan hna an ngamter hna maw? Thlarau he hawikomhnak nan ngei maw? Pakhat le pakhat nan i daw in nan i zaangfah maw?

²Kan fial duhmi hna cu hihi a si: lungthin ah i khat u, pakhat le pakhat i daw u, lungrual tein um u law kaa lawmhnak hi tlinter u.

³Pakhat le pakhat i entainak le mah pumpak thangòhat kawlnak kha nan lakah umter hlah u. Toidornak lungthin tu kha ngei cio u law midang nakin ka òha deuh tiah zeitikhmanh ah vaa ruat hlah u.

⁴Cun midang duhning kha hmuh thiam i zuam u law nanmah duhnak lawng kha ruat hlah u.

⁵Nan lungput cu Khrih nih a rak ngeihmi lungput kha si seh; cucu hihi a si:

⁶Pathian sinak kha a ngeih zungzalmi a si ko nain hramhram in Pathian tluk si awk kha cuh awkah a rel lo.

⁷Amah lungtho te tu in cu vial cu a hlawt dih i sal sinak tu kha aa lak; Minung bantuk ah a cang i minung mui in a lang;

⁸Mi toiah aa dor i nawlngaihnak lam kha thih tiangin a zulh§ vailam cung thihnak kha.

⁹Hi ruangah hin cunglei a sannak bik hmun ah khin Pathian nih a cawi i min vialte lak i min cungnung bik kha a pek;

¹⁰Cucaah Jesuh min upatnak caah cun vancung i a ummi vialte nih si hna seh, vawlei i a ummi vialte nih si hna seh, vawlei tang i a ummi vialte nih si hna seh, an khuk an i bil lai i

¹¹Pathian kan Pa sunparnak caah cun lei vialte nih Jesuh cu Bawipa a si, an ti lai.

¹²Cucaah ka dawtmi ka hawile hna, nan sin ka um i ka bia nan ngaih zungzal bantuk khan lamhlat i ka um zongah hin ka nawl ngai chinchin ko u ti kan duh hna. Nan khamhnak a tlin khawh nakhnga, ther le phang lengmang in òuan ko u.

¹³Pathian tinhmi kha nan zulh khawh nakhnga le cu tuah duhnak lungthin nan ngeih nakhnga, Pathian cu nan chungah rian a òuan zungzal ko.

¹⁴Zei rian nan òuan hmanh ah, phunzai lengmang lo le bia i al lengmang loin òuan u.

¹⁵Hrokhrawlnak le òhat lonak in a khatmi chan ah hin sualnak ngei lo le a thiangmi si u law Pathian fale bantukin nung u. Nunnak bia nan pek hnanak ah hin

¹⁶an lakah arfi bangin ceu u. Cu ti nan si ahcun Khrih Ni ah nanmah ruangah ka hmai a hngal ngaingai lai i ka òuanmi vialte le kaa zuammi vialte kha pakpalawng an si lo ti kha a lang lai.

¹⁷Ka nunnak thisen hi nan zumhnak nih Pathian a pekmi raithawinak sa cungah toih a si hmanh ah cucu ka lawmhmi a si ko lai i cu kaa lawmhnak cu nan dihlak in kan hrawm hna.

¹⁸Cu bantuk òhiamòhiam in nannih zong nan i lawmh awk a si i nan i lawmhnak cu nan ka hrawm ve awk a si.

¹⁹Nan thawngpang nih lungòhatnak a ka pek lai ti ruahchannak ka ngeih caah Timote kha nan sinah tuan i ratter kha a si kho lai tiah Bawi Jesuh cu ka zumh ko.

²⁰Amah lawnglawng hi keimah lungthin bantuk a ngei i nan zawn an ruat taktak mi hna cu a si.

²¹Midang cu anmah rian lawng kha an ruat cio i Jesuh Khrih kong kha an ruat lo.

²²Cu bantuk mi a si taktak ti cu nanmah hrimhrim nih nan hngalh ko i zeitindah keimah le amah cu pa le fa bantukin Thawngòha rian kan òuan ti kha nan hmuh.

²³Zeitindah ka konglam ah thil umtuning a si lai ti kha a fian cangka, nan sinah ka rak thlah lai i

²⁴keimah hrimhrim zong tuan ah nan sinah ka ra kho lai tiah Bawipa kha ka bochan.

²⁵Cun kan nau Epafroditas hi nan sin i rak thlah a herh tiah ka ruah, amah cu ka òuannak i a òuan vemi, ral ka dohnak i a do vemi a si i keimah bawmh awkah nan hun thlahmi a si.

²⁶Amah nih an ngai ngaingai hna i a zaw ti nan rak theih caah khan a lung a òha lo.

²⁷A zaw taktak i a thih zong a thi dengmang, sihmanhsehlaw Pathian nih a zaangfah, amah lawng kha a zaangfah si loin keimah hrimhrim zong kha a ka zaangfah i ka cung i ngaihchiatnak ngan chinchin a tlung dingmi khan a ka luatter.

²⁸Cucaah nan sin i hun kuat cu ka duh chinchin i nan hmuh tikah nan i lawm lai i ka ngaihchiatnak kha a lo lai.

²⁹Cucaah Bawipa chung i unau pakhat bantukin lunglawmhnak in rak cohlang u. Amah bantuk mi kha hmaizah hna u;

³⁰nanmah nih nan ka pek khawh lomi bawmhnak kha keimah cu hung pek awkah Khrih rian caah cun thih le thih ti in a òuan i a nunnak zong a sung dengmang.