Read Hakha Chin FILIPI 4 Bible Online

FILIPI 4 - Hakha Chin bible

FILIPI 4

¹Cucaah cun ka dawt i ka ngaihmi ka unaule hna, Bawipa chung i nan nunnak ah khan, cu bantuk cun fek tein dir ko u, nannih cu kaa lawmhnak le ka suiluchin nan si, ka dawtle hna.

²Euodia le Sintikhe, zaangfahnak in kan nawl hna, Bawipa chungah unau bantuk tein lungkhat in um i zuam u.

³Cun ka òuanhawi, nangmah zong, kha nu hna kha rak bawm hna ti kan duh. Zeicahtiah Klement le ka òuanhawi dang vialte, nunnak cauk chungah an min aa òialmi vialte he, Thawngòha karhter kha fak piin an ka bawmh.

⁴Bawipa chung i nan nunnak ah khan i lawm zungzal ko u ti kan duh hna. I lawm ko u, tiah ka nolh òhan rih ko lai.

⁵Mi vialte sinah nemnak tein va um u. Bawipa cu tuan ah a ra lai.

⁶Zeithil kong hmanh ah lungrethei in um hlah u. Thla nan camnak ah Bawipa cu nan herhmi kha hal u law nan hal tikah lunglawm tein hal zungzal u.

⁷Cun Pathian daihnak, minung hngalhnak a lonhtu nih cun, Khrih Jesuh chungah nan lungthin le nan ruahnak cu him tein a chiah lai.

⁸A donghnak ah ka u le ka nau hna, nan lungthin kha a òha le thangòhat awk a tlakmi thil in khahter hna u: a taktak a simi thil, a sunglawimi thil, a hmaanmi thil, aa dawhmi thil le upat awk a tlakmi thil in khahter hna u.

⁹Keimah sinin nan hngalhmi le nan hmuhmi kha tuah i zuam hna u, ka chimmi nan theihmi si hna seh, ka tuahmi nan hmuhmi si hna seh, tuah i zuam hna u. Daihnak a kan petu Pathian nih cun an umpi hna lai.

¹⁰Ka zawn nan ka ruahnak kha nan hun parter òhan caah Bawipa chungah hin kaa lawm hringhran. Ka zawnruah kha nan rak ngol ka ti duhnak a si lo, langhternak caan nan rak ngeih lo ca lawnglawng ah khan a rak si.

¹¹Cun cu pinah, an ka hramkau lo, ti ruahnak ka ngeih caah hihi ka chimmi a si fawn lo, zeicahtiah ka ngeihmi paoh ah lungsi tein um ding kha ka thiam cang.

¹²Herhbau in um kha zeidah a lawh ti ka hngalh, cun a hlei a hluat in ngeih kha zeidah a lawh ti zong kha ka hngalh. Cucaah khuazeika hmanh ah, zeitik caan paoh ah, ka paw a khim ah siseh ka rawl a òam ah siseh, tam tuk ka ngeih ah siseh, tlawm tuk ka ngeih ah siseh, lungsi hnangam tein um kha ka thiam cang.

¹³Òhawnnak a ka petu Khrih thawngin thil zeipaoh ka tuah khawh ko hna.

¹⁴Asinain harnak ka tonmi ah nan ka bawmh caah kaa lawm ngaingai.

¹⁵Nannih Filipi khuami nih nan hngalh ko kha ta, Thawngòha ka rak chim ka hrawng i Masidonia ram in ka kal ah khan a rak si; nanmah lawnglawng kha bawmhnak a ka petu khrihfabu nan rak si; nanmah lawnglawng kha ka sunghnak siseh, ka miaknak siseh a ka hrawmpitu nan si.

¹⁶Thesalonika khua i bawmhnak ka herh ah khan voi khatnak tam bawmhnak nan ka kuat.

¹⁷Nan laksawng hmuh ka duh lawng cu a si lo, nan cazin zongah miaknak i òial chap ve seh ti ka duh.

¹⁸Cucaah hi ca kan kuatmi hna hi, bawmhnak nan ka kuatmi vialte ka hmuh dih hna tinak ca a si § kaa zat leng tiangin nan ka kuat. Epafroditas nih nan laksawng cu a rak ka phorh i ka herhmi vialte cu ka ngei dih ko cang. Hi nan laksawng hi Pathian nih a duh i a cohlanmi raithawinak, rimhmui pekchanhmi bantuk an si.

¹⁹Cun Khrih Jesuh chungah zeizong vialte tlamtling tein a ngeimi ka Pathian nih nan herhmi vialte cu an pek hna lai.

²⁰Kan Pa Pathian cu zungzal in thangòhat si ko seh! Amen.

²¹Khrih Jesuh ta a simi Pathian mi kha an dihlak in an kut rak ka tlaihpiak hna u. Ka sin i a ummi u le nau hna nih nan kut an in tlaih hna.

²²Siangpahrang inn cawngtu pawl le hika i a ummi Pathian mi vialte hna zong nih nan kut an in tlaih hna.

²³Bawipa Jesuh Khrih vel cu nan dihlak cungah um ko seh.