Read Hakha Chin KOLOSE 1 Bible Online

KOLOSE 1 - Hakha Chin bible

KOLOSE 1

¹Kolose khua i a um Pathian mi, Khrih chungah zumh awk tlak a simi kan u le kan nau hna,

²Pathian duhnak in Khrih Jesuh lamkaltu a simi keimah Paul le kan nau Timote nih ca kan in kuat hna. Pathian kan Pa nih vel le daihnak in pe ko hna seh.

³Nan ca i thla kan cam tikah, kan Bawipa Jesuh Khrih i a Pa kan Pathian sinah lawmhnak bia kan chim zungzal.

⁴Zeicahtiah Khrih Jesuh nan zumhnak le Pathian mi nan dawtnak hna kong kha kan rak theih.

⁵Biahmaan taktak, Thawngòha Bia kha, nan sin a phak terte ah khan, ruahchannak zeidah an pek hna ti cu nanmah nih nan hngalh. Cuticun nan zumhnak le dawtnak nan ngeihmi cu vancung i nan ca i chiahmi ruahchannak cungah an hram cu a dir.

⁶Thawngòha nih hin Pathian vel nan theih kate le cucu zeidah a si taktak ti nan hngalh ri in nan cungah rian a òuan bantuk khan, vawlei cung dihlak zongah a karh i thluachuahnak kha a pek hna.

⁷Cucu Epafras sin khan nan theih; amah cu kan rianòuanhawi, kanmah aiawh in Khrih ca i rian a òuanmi, zumh awk tlak ngaimi a si.

⁸Thlarau nih an pekmi hna dawtnak kong kha a kan chimh.

⁹Nan kong kan theih ri in nan caah thla kan cam lengmang. Pathian nih nannih cu amah hngalhnak le a Thlarau nih an pekmi hna fimnak le hngalhnak in in khahter hna seh tiah Pathian cu kan nawl.

¹⁰Cuticun Bawipa duhning in nan nung kho lai i amah duhnak kha nan tuah zungzal khawh lai. Thil òha tuahnak kip ah nan nunning cu zumh awk tlak a si lai i Pathian nan hngalhnak ah khan nan òhang lai.

¹¹Zeizong vialte kha lungsau thinfual in nan in khawh nakhnga, amah thazang chungin a chuakmi thazang nih in òhawnter ko hna seh.

¹²Cun ceunak ram chungah Pathian nih a mi hna ca i a chiahmi thil i hrawm ve awkah aa tlak dingin an sertu hna kan Pa cu, lawmhnak he thangòhat ko u.

¹³Zeicahtiah amah nih cun muihnak òhawnnak chung khan a kan chuah i a dawtmi a Fapa pennak chungah khan him tein a kan luhpi i

¹⁴a Fapa thawng cun luatnak kan hmu i kan sualnak cu ngaihthiam kan si.

¹⁵Khrih cu hmuh khawh lomi Pathian mui a si. Khrih cu Pathian fater, sermi thil vialte hna nakin a cungnung deuhmi a si.

¹⁶Pathian nih Khrih thawng cun van le vawlei i a ummi thil vialte kha a ser hna, hmuh khawhmi thil si hna seh, hmuh khawh lomi thil si hna seh, amah thawng cun a ser hna; cun nawlngeitu thlarau hna le uknak thlarau hna le òhawnnak thlarau hna zong kha amah thawng cun a ser hna. Pathian nih vanle vawlei hi a dihlak in Khrih thawng cun a ser hna i Khrih caah cun a ser hna.

¹⁷Zeizong vialte hlanah a rak um cang i amah nih cun zeizong vialte hi i òhenòhek dih loin a funtom dih hna.

¹⁸Khrih cu a pum a simi Khrihfabu lu kha a si; Khrih cu fater, thihnak in thawhter hmasa bikmi kha a si, thihnak in thawhter a si cu zeizong vialte ah hin pakhatnak a si zungzal nakhnga caah a si.

¹⁹Fapa nih Pathian sinak tlamtling tein a chungah a ngeih cu Pathian biakhiahnak thawngin a si.

²⁰Cucaah a Fapa thawng cun Pathian nih van le vawlei cu a dihlak in amah sin i kirter òhan kha a timh. Pathian nih a Fapa vailamtahnak cung i a thihnak thawng khan remnak a ser i cuticun van le vawlei i a ummi thil vialte kha amah sinah cun a kirpi òhan hna.

²¹Hlan ah cun thil òhalo nan tuahmi le nan ruahmi ruangah khan Pathian he nan rak i hlat i a ral ah nan rak i ser.

²²Sihmanhsehlaw atu cu a Fapa, a pum le a titsa in a thihnak thawng khan Pathian nih a hawi ah aan ser cang hna i cu ti a tuah cu a hmaika ah thiangte le dotla le sualnak ngei loin luhter aan duh hna caah a si.

²³Cucaah nan zumhnak kha fek tein nan i tlaih zungzal lai i nan dirhmun ah khan fek tein nan dir zungzal lai; nan theihmi Thawngòha nih an phorhmi hna ruahchannak kha thlau hrimhrim hlah u. Hi Thawngòha hi vanrang tang khuazakip ah sermi thil vialte sinah chimmi Thawngòha kha a si i keimah Paul hi cu Thawngòha sal cu ka si.

²⁴Nan ca i temhinnak ka huahmi ah hin kaa lawm ko. Zeicahtiah ka pum in ka inmi temhinnak ah hin, Khrih nih a pum a simi khrihfabu ca i a inmi temhinnak a baumi kha ka tlinter.

²⁵Cun Khrihfabu sal ah cun Pathian nih khan a ka ser i Pathian nih hi rian cu nanmah òhatnak ding caah a ka pek. Cu rian cu Pathian bia tlamtling tein chim kha a si i

²⁶cu a bia cu, kan hnulei chan chung vialte Pathian nih a thuh i atu i a mi hna sin i a phuanmi hi a si.

²⁷Pathian nih aa tinhmi cu, mi vialte caah si seh tiah a rak ruahmi biathli, a sunglawi i a lianngan ngaingaimi biathli, a mi hna sin i a phuanmi cu a si. Cu biathli cu, Khrih cu nan chungah a um i cucaah nannih cu Pathian sunparnak kha nan i hrawm lai, timi hi a si.

²⁸Cucaah Khrih kong cu mi vialte kha ka chimh hna. Cucaah a mi kip kha kan fimnak nih a phanh khawh chungin ralrinnak kha kan pek hna i kan cawnpiak hna, cucu zeicahdah kan tuah ti ahcun Khrih he i pehtlai in ahopaoh kha nutling patling in Pathian hmaika ah chuahpi hna u sih ti kan duh caah a si.

²⁹Khrih òhawnnak le thazang ka chung i rian a òuanmi vialte kha hmang in, hi thil hi a can khawh nakhnga, heh tiah kaa zuam i ka òuan.