Read Hakha Chin KOLOSE 3 Bible Online

KOLOSE 3 - Hakha Chin bible

KOLOSE 3

¹Nannih cu Khrih sinah nunnak ah thawh nan si cang. Cucaah Pathian orhlei kam i Khrih nih a bawi òhutdan cung i a òhutnak vancung khua chung i a ummi thil tu kha nan lung in i seh chih hna u.

²Hi vawlei cung thil hi si loin khika thil tu kha ruat hna u.

³Zeicahtiah nan thi cang i nan nunnak cu Khrih he Pathian chungah aa thup.

⁴Nan nunnak taktak cu Khrih kha a si i amah cu a langh tikah nannih zong amah sinah cun nan lang ve lai i a sunparnak cu nan i hrawm lai.

⁵Nan chung i rian a òuanmi vawlei pum duhnak: nu le pa sualnak tehna, dawhcah loin umtu khuasak tehna, hornak tehna, thin òhat lo tehna le hakkauhnak tehna hi nan thah hrimhrim awk an si (hakkauhnak hi siasal biakning phun khat a si).

⁶Cu bantuk thil hna ruangah cun Pathian nawl a ngai lomi cungah Pathian thinhunnak kha a phan lai.

⁷Cun nannih zong kha, cu bantuk pumsa duhnak nih a rak in uk lio hna ah khan, cu hna lak i khua a sami nan rak si.

⁸Sihmanhsehlaw atu cu thinhunnak tehna, ingchiat tehna, huatnak lungthin tehna, cu nan hlonh hrimhrim hna lai. Mi va nihsawhnak bia siseh, holh thurhnawm siseh, nan kaa chungin nan chuahter hrimhrim lai lo.

⁹Nan mi hlun cu a hman tawnmi a ziaza he khan nan i phoih cang i

¹⁰mi thar cu nan i hruk cang caah pakhat le pakhat i hleng hlah u. Hi mi thar hi a sertu Pathian nih amah mui lo chin lengmang in a tharchuah lengmangmi cu a si i cucu amah hngalhnak kha tlamtling tein nan ngeih khawhnak caah a si.

¹¹Cu a phichuak cu hihi a si: Jentail mi ti a um ti lo, Judah mi ti a um ti lo, cuarpartan ti a um ti lo, tan lomi ti a um ti lo, mihrut, Sithian mi, miluat, sal, ti a um ti lo, zeizong vialte cu Khrih a si ko i zeizong vialte chungah Khrih cu a um ko.

¹²Nannih cu Pathian mi nan si; amah nih an dawt hna i an thim hna. Cucaah mi zawnruahnak, zaangfahnak, toidornak, nemnak le lungsaunak kha nan i aih awk a si.

¹³Pakhat le pakhat lungsi lonak nan i ngeih tikah pakhat le pakhat i ngaithiam u law i bawm u. Bawipa nih an ngaihthiam hna bantukin pakhat le pakhat nan i ngaithiam lai.

¹⁴Cun hi thil vialte cungah hin dawtnak kha chap u law dawtnak cu zeizong vialte, i rem òhipòhep tein a funtomtu cu a si.

¹⁵Khrih nih an pekmi hna daihnak kha nan lung chung i biaceihtu ah ser u; zeicahtiah hi daihnak hmuh awkah hin Pathian nih pum khat chung i um awkah an kawh hna. Cun lunglawmhnak in khat u.

¹⁶Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangòhatnak hla, Pathian biaknak hla le hla thiang kha sa hna u; Pathian kha lawmhnak in hla in thangòhat u.

¹⁷Pathian kan Pa cu Khrih thawngin nan lawmh caah, nan tuahmi thil si hna seh, nan chimmi bia si hna seh, Bawipa Jesuh min in si dih ko hna seh.

¹⁸Nupi hna, nan vale nawl kha ngai hna u, cucu Khrihfa nan si bantukin nan tuah awk a si.

¹⁹Vale hna, nan nupi le kha daw hna u law bia hrang in ti hna hlah u.

²⁰Ngakchia hna, Khrihfa nan si caah nan nu le nan pa kha upat hna u, cucu Pathian lawmhmi thil a si.

²¹Nu le pa hna, nan fale kha an ingpuanter hna hlah u, an lung a dong sual lai.

²²Salle hna, nan bawile kha zeizong ah an nawl ngai hna u. An mit hmuh lawngah an lungton i zuam loin Bawipa nan hmaizah caah lungthin tak tein an nawl ngai hna u.

²³Zei thil nan tuah paoh ah, minung caah si loin Bawipa caah ka òuan ti lungput ngei in, nan lungthin dihlak in òuan u.

²⁴Bawipa nih nan òuan man an pek hna lai kha philh hlah u; a mi ca i a chiahmi laksawng kha an pek hna lai. A rian nan òuanmi Bawi taktak cu Khrih kha a si.

²⁵Cun thil òhalo a tuahtu cu thil òhalo a tuahmi ruangah khan aho a si hmanh ah a tuah man cu a hmuh ko lai. Pathian nih cun ahohmanh a duhdanh hna lo.