Read Hakha Chin 1 THESALON 1 Bible Online

1 THESALON 1 - Hakha Chin bible

1 THESALON 1

¹Paul, Silas le Timote nih, Thesalonika khua i a ummi Khrih-fabu, Pathian kan Pa le Bawipa Jesuh Khrih ta a simi kha, ca kan in kuat hna. Vel le daihnak cu nan ta si ko seh.

²Nanmah kong ah Pathian kha kan lawmh zungzal i thla kan cam fate nanmah kha kan in campiak zungzal hna.

³Nan zumhnak cu rianòuannak ah nan langhterning le dawtnak nan ngeihmi nih fak piin rian an òuanter hna ning le kan Bawipa Jesuh Khrih chung i ruahchannak nan ngeihmi a fehning kha Pathian kan Pa hmaiah kan philh lo.

⁴U le nau hna, Pathian nih an dawt hna i amah mi si awkah an thim hna kha kan hngalh.

⁵Thawngòha kha nan sin kan phakpi tikah bia lawnglawng in si loin, òhawnnak le Thiang Thlarau le biatak a si fiang tein kan hngalhnak he khan a si. Nan sin kan um ah khan zeitindah kan umtuzia a si cu nan hngalh; nanmah ca òhatnak ding caah kha ti kan um kha a si.

⁶Kanmah le Bawipa kha kan nawl nan kan cawn i temhinnak tampi nan huah nain Thiang Thlarau sinin a rami bia kha lawm tein nan cohlan.

⁷Cucaah Masidonia le Grik ram i a ummi Khrihfa hna caah nannih cu zohchun awk nan rak si.

⁸Zeicahtiah nanmah sinin a chuakmi thawngpang Bawipa kong kha Masidonia le Grik ram leng a phan i Pathian nan zumhnak thawng nih khan khuazakip a cul. Cucaah kan khualtlawnnak kong cu kanmah nih chim a herh ti lo,

⁹anmah tu nih khan nanmah kan in tlawn hna ah khan zeitindah nan kan conglawmh ti kha an chim ko.

¹⁰Pathian taktak a simi Pathian nung biak awk le vancung in a ra laimi a Fapa hngah awkah siasal biaknak in Pathian leiah nan i mer kha an chim i cu a fapa Jesuh cu thihnak in a thawhtermi le a ra liomi Pathian thinhunnak in a kan chanhtu kha a si.