Read Hakha Chin JOSHUA 21 Bible Online

JOSHUA 21 - Hakha Chin bible

JOSHUA 21

¹Cun Levi chung upa hna cu tlangbawi Eleazar le Nun fapa Joshua le Israel miphun hna i an chung cio lu hna sinah cun an ra i

²Kanaan ram chung i Shiloh khua ah cun annih sinah, “BAWIPA nih kannih cu umnak khua hna le kan saòil ca i tlonnak ram pek dingin Moses sin in nawl a rak pek cang,” tiah an ti.

³Cucaah BAWIPA nawl peknak bangin Israel mi nih Levi mi hna cu a tanglei khua hna le saòil tlonnak ram hna hi an vo chungin an pek hna.

⁴Kohath mi innchungkhar hna caah cun camcawh fung cu a hung chuak. Cucaah Levi mi chungin tlangbawi Aaron tefa a simi nih khan camcawh fung khiah in Judah, Simeon, le Benjamin phun hna sinin khua hleithum an hmuh.

⁵Cun a taang rihmi Kohath mi hna nih khan Efraim phun, Dan phun le, Manasseh phun cheu hna innchungkhar hna sin khan camcawh fung khiah in khua pahra an hmuh.

⁶Gershon mi hna nih Issakhar phun, Asher phun, Naftali phun le Bashan i a ummi Manasseh phun cheu hna innchungkhar hna sin khan camcawh fung khiah in khua hleithum an hmuh.

⁷Merari mi hna nih an innchungkhar ning cio in Reuben phun le Gad phun le Zebulun phun hna sinin khua hleihnih an hmuh.

⁸BAWIPA nih Moses sinin nawl a pek bang khan, hi khua hna le an pawngkam i saòil tlonnak ram hna cu Israel mi nih camcawh fung khiah in Levi mi kha an pek hna.

⁹Judah phun le Simeon phun chungin an min in chimmi a tanglei khua hna cu an pek hna.

¹⁰Levi phun i a ummi Kohath phun chungah innchungkhar pakhat, Aaron tefa hna nih cun, an co hna, zeitintiah camcawh fung cu annih cungah hmasa bik ah a tla.

¹¹Judah tlangram chung i Kiriath-arba (cucu Hebron; Arba cu Anak pa a si) le a velchum i saòil tlonnak ram cu an pek hna.

¹²Sihmanhsehlaw khuapi pawng lo hna le a khuate hna cu Jefunneh fapa Kaleb kha a covo caah an pek.

¹³Cun tlangbawi Aaron tefa hna cu mi thattu ca i himnak khua Hebron le a saòil tlonnak ram hna, Libnah le a saòil tlonnak ram hna,

¹⁴Jattir le a saòil tlonnak ram hna, Eshtemoa le a saòil tlonnak ram hna,

¹⁵Holon le a saòil tlonnak ram hna, Debir le a saòil tlonnak ram hna,

¹⁶Ain le a saòil tlonnak ram hna, Juttah le a saòil tlonnak ram hna, Beth-shemesh le a saòil tlonnak ram hna, § hi phun hnih hna chungin khua pakua cu pek an si;

¹⁷cun Benjamin phun chungin Gibeon le a saòil tlonnak ram hna, Geba le a saòil tlonnak ram hna,

¹⁸Anathoth le a saòil tlonnak ram hna le Almon le a saòil tlonnak ram hna § khua pali cu pek an si.

¹⁹Aaron tefa hna, tlangbawi hna cu, an khua a dihlak ah hleithum, an saòil tlonnak ram cio he, an si.

²⁰Levi mi chung i Kohath innchungkhar hna lakah a taang rihmi Kohath mi hna cu, annih an pekmi hna khua cu Efraim phun chungin an si.

²¹Annih cu mi thattu caah himnak khua a simi Shekhem, Efraim tlangram i a ummi le a saòil tlonnak ram hna, Gezer le a saòil tlonnak ram hna,

²²Kibzaim le a saòil tlonnak ram hna, Beth-horon le a saòil tlonnak ram hna § khua pali cu pek an si;

²³cun Dan phun chungin Eltekeh le a saòil tlonnak ram hna, Gibbethon le a saòil tlonnak ram hna,

²⁴Aijalon le a saòil tlonnak ram hna, Gath-rimmon le a saòil tlonnak ram hna § khua pali cu pek an si;

²⁵cun Manasseh phun cheu chungin Taanak le a saòil tlonnak ram hna le Gath-rimmon le a saòil tlonnak ram hna § khua pahnih cu pek an si.

²⁶Kohath mi lakah a taangmi innchungkhar hna i an khua kha a dihlak ah pahra an saòil tlonnak ram cio hna he, an si.

²⁷Cun Levi mi innchungkhar hna lakah pakhat a si vemi Gershon mi hna cu Manasseh phun cheu chungin Bashan i a ummi Golan, mi thattu ca i himnak khua a simi le, Beeshterah khua le a saòil tlonnak ram hna, § khua pahnih cu pek an si;

²⁸cun Issakhar phun chungin Kishion le a saòil tlonnak ram hna, Daberath le a saòil tlonnak ram hna,

²⁹Jarmuth le a saòil tlonnak ram hna, En-gannim le a saòil tlonnak ram hna, § khua pali cu pek an si;

³⁰cun Asher phun chungin Mishal le a saòil tlonnak ram hna, Abdon le a saòil tlonnak ram hna,

³¹Helkath le a saòil tlonnak ram hna le Rehob le a saòil tlonnak ram hna § khua pali cu pek an si;

³²cun Naftali phun chungin mi thattu caah himnak khua a simi Kedesh, Galilee ram i a ummi, le a saòil tlonnak ram hna, Hammoth-dor le a saòil tlonnak ram hna le, Kartan le a saòil tlonnak ram hna § khua pathum cu pek an si.

³³Gershon mi innchungkhar hna nih an co ciomi khua hma cu a dihlak ah hleithum, an saòil tlonnak ram cio hna he, an si.

³⁴Cun Levi mi a taang rihmi Merari innchungkhar hna cu Zebulun phun chungin Jokneam le a saòil tlonnak ram hna, Kartah le a saòil tlonnak ram hna,

³⁵Dimnah le a saòil tlonnak ram hna, Nahalal le a saòil tlonnak ram hna § khua pali cu pek an si;

³⁶cun Reuben phun chungin Bezer le a saòil tlonnak ram hna, Jahaz le a saòil tlonnak ram hna,

³⁷Kedemoth le a saòil tlonnak ram hna le Mefaath le a saòil tlonnak ram hna, § khua pali cu pek an si;

³⁸cun Gad phun chungin Gilead ah a ummi Ramoth, mi thattu caah himnak khua a simi le a saòil tlonnak ram hna, Mahanaim le a saòil tlonnak ram hna,

³⁹Heshbon le a saòil tlonnak ram hna, Jazer le a saòil tlonnak ram hna § a dihlak ah khua pali cu pek an si.

⁴⁰Levi phun chungin a taang rihmi Merari innchungkhar hna cu khua an pekmi hna a dihlak ah hleihnih an si.

⁴¹Israel mi hna covo lakah Levi mi khua hna cu a dihlak ah sawm li le pariat, an saòil tlonnak ram cio hna he, an si.

⁴²Hi khua hna nih hin an velchum ah saòil tlonnak ram hna kha an ngei cio; cuticun hi khua hi a dihlak in an si.

⁴³Cu bangin BAWIPA nih Israel mi cu an pupa hna sinah pek awkin chiat a sermi ram vialte kha a pek hna. An tei i khika ah um hmun an khuar.

⁴⁴Cun BAWIPA nih an pupa hna sinah chiat a rak ser bantukte khan, a kenkip ah dinhnak a pek hna. An ral ahohmanh nih an celh hna lo, zeitintiah BAWIPA nih an ral hna cu an kut chungah a pek hna.

⁴⁵BAWIPA nih Israel chungle hna sinah biakamnak òha a sermi vialte lakah khan pakhat hmanh pakpalawng ah a cangmi a um lo; an dihlak tein a tling dih.