Read Hakha Chin JOSHUA 23 Bible Online

JOSHUA 23 - Hakha Chin bible

JOSHUA 23

¹Caan saupi hnuah, BAWIPA nih Israel mi hna cu an velchum i an ral hna sinin dinhnak a pek hna tik le Joshua cu a upat i a tar ngaingai tikah,

²Joshua nih Israel mi vialte an upa hna le an lu hna le an biaceihtu hna le an bawi hna kha a auh hna i annih cu, “Atu cu ka upa i ka tar ngaingai cang;

³cun nannih nih BAWIPA nan Pathian nih hi miphun vialte hna cungah nan caah a tuahmi kha nan hmuh cang, zeitintiah nannih an dohpiaktu hna cu BAWIPA nan Pathian kha a si.

⁴Zohhmanh u, nannih cu a tang rihmi miphun hna kha nan phun cio caah ro ah kan pek hna, ka tei ciami miphun vialte hna he, Jordan tiva thawk in nitlaklei ah Rili Ngan tiang.

⁵BAWIPA nan Pathian nih nan hmaiah a dawi hna lai i nan mit hmuh phak lo tiang a òhawl hna lai; cun BAWIPA nan Pathian nih bia an kam hna bangin an ram cu nan co lai.

⁶Cucaah Moses phungbia cauk chungah aa òialmi vialte kha zulh awk le tuah awkah fek tein um ko u; orhlei ah siseh; kehlei ah siseh pialtak hlah u.

⁷Nannih nih hika i nan lakah a tang rihmi miphun hna he hin i cawh lo le, an pathian hna min kha chim lo le, cu hna cun chiatser lo le, an rianòuan lo le an hmaiah kun loin,

⁸nihin ni tiang nan tuah bangin BAWIPA nan Pathian sinah i bek ko u.

⁹Zeitintiah BAWIPA nih nan hmai in a ngan le a òhawngmi miphun hna kha a dawi hna i, nannih cu nihin ni tiangah ahohmanh nih an in celh hna lo.

¹⁰BAWIPA nan Pathian nih bia an kam hna bangin amah cu an dohpiaktu hna kha a si caah, nan lak i mi pakhat nih thong khat kha a dawi hna.

¹¹Cucaah BAWIPA nan Pathian cu dawt awkah i ralring ngaingai tuah u.

¹²Nan i mer i hika ah nannih lakah a tang rihmi miphun hna hi nan fonh hna i nan òhit nan lak hna i an nu hna kha nan òhit hna i annih nih an in òhit ve hna ahcun,

¹³BAWIPA nan Pathian nih hi miphun hna hi nan hmai in a òhawl lan hna lai lo ti kha fiang tein hngal ko u; BAWIPA nan Pathian nih an pekmi hna hi ram òha chung hin nan loh hlantiang nan caah rap le thang le, nan hnak i tuknak fung le nan mit chung i hling an si lai.

¹⁴“Cun, atu cu vawleicung vialte phung bangin ka kal ve cang lai. Nannih nih nan dihlak in, BAWIPA nan Pathian nih nanmah kongah biakamnak a tuahmi thilòha vialte lakah pakhat hmanh pakpalawng a can lo kha nan lungthin le nan ruahnak in nan hngalh; nannih caah a dihlak in a tling dih, pakhat hmanh a bau lo.

¹⁵Sihmanhsehlaw BAWIPA nan Pathian nih nannih kongah biakamnak a tuahmi thilòha vialte kha nan caah a tlin bantukte khan, BAWIPA nan Pathian nih hi ram òha an pekmi hna chung hin an hrawh hna hlantiang BAWIPA nih nan cungah thilòhalo vialte kha a tlunter lai,

¹⁶BAWIPA nan Pathian nih nawl an pekmi hna biakamnak kha nan buar i pathian dang hna kha nan kalhnawh i an rian nan òuan i an hmaiah nan kun ahcun, khi tikah BAWIPA thinhunnak cu nan cungah a alh lai i an pekmi hna ram òha hin khulrang tein nan rawk lai,” tiah a ti hna.