Read Hakha Chin 2 THESALON 2 Bible Online

2 THESALON 2 - Hakha Chin bible

2 THESALON 2

¹Kan Bawipa Jesuh Khrih a ratnak kong le hmunkhat i pumh kan si lainak kongah, ka u le ka nau hna,

²fawi tuk in lungtuai in um hlah u law Bawipa Ni cu a phan cang, a titu hna zong nih cun fawi tuk in in tuaitam hna hlah seh. Mah hihi mi pakhat khat nih profet bia in ka chim a timi zong a si ko lai, phungchim in ka chim a timi zong a si ko lai. Asiloah anmah cakuat ah a um ti zongah kanmah zong an kan ti ko lai.

³Ahohmanh i hlenter hna hlah u. Zeicahtiah cu Ni cu donghnak ral thawhnak a phanh hlan le hell kal ding a simi Miòhalo Pa a chuah hlanah cun, a phan lai lo.

⁴Mi nih an biakmi paohpaoh le Pathian thil i an ruahmi paohpaoh kha a doh lai. Amah cu Pathian timi hna paohpaoh le biakmi hna paohpaoh hna cungah khan aa chia lai i Pathian biakinn chung hmanh ah khan a lut lai i Pathian ka si a ti lai.

⁵Hi vialte hi nan hngal ti lo maw? Nan sin ka um lioah kan chimh dih cang ko òung hna.

⁶Asinain atu i hung chuah cu a khamtu pakhat a um i cucu zeidah a si kha nan hngalh. A caan a phak tikah Miòhalo Pa cu a hung chuak lai.

⁷Miòhalo Pa òhawnnak cu a thli in rian a òuan lengmang cang, sihmanhsehlaw a khamtu kha òhial a si hlanah cun a chuak kho rih lai lo.

⁸Khi tikah Miòhalo Pa kha a hung chuak lai i Bawipa Jesuh nih a kaa in a chuakmi thaw in a thah lai i Bawipa Jesuh a rat tikah a ceumi a sunparnak in amah cu a hrawh lai.

⁹Miòhalo Pa cu Satan òhawnnak in a ra lai i khuaruahharnak a phunphun le hlennak hmelchunhnak a phunphun kha a tuah hna lai i

¹⁰a rawk dingmi hna cungah cun hlennak a phunphun kha a hman lai. Cu hna cu an rawk lai, zeicahtiah khamhnak an hmuh nakhnga ding ca i biatak kha an rak cohlang duh lo.

¹¹Cucaah Pathian nih palhnak òhawnnak kha a thlahhnawh hna i ahmaan lomi thil kha an zumh.

¹²A phichuak cu: biatak a zum lo i sualnak tuah a duhmi vialte kha sualphawt an si lai.

¹³U le nau hna, nanmah an dawtu hna Pathian kha zungzal in lawm ko u sih. Zeicahtiah nannih cu Pathian nih Thlarau òhawnnak thawngin Pathian mi ah an canter hna thawng le biatak nan zumhnak thawng khan, khamhnak hmuh awkah a rak in thim hna.

¹⁴Pathian nih an kawhnak hna cu kan in chimhmi hna Thawngòha kha hmang in a si; cun an kawh hna cu kan Bawipa Jesuh sunparnak i hrawm ve awkah a si.

¹⁵Cucaah cun u le nau hna, kan phungchimnak ah siseh, kan cakuatmi in siseh, kan in cawnpiakmi hna biatak chungah khan fek tein dir u law fek tein biatak cu i tlaih ko u.

¹⁶Kannih a kan daw i vel a kan ngeih caah hnangamnak le ruahchannak a òhami a kan pe zungzaltu Bawipa Jesuh Khrih le Pathian kan Pa nih cun

¹⁷a òhami kha nan tuah ngam nakhnga le nan chim ngam nakhnga ralòhatnak in pe ko hna seh.