Read Hakha Chin 2 THESALON 3 Bible Online

2 THESALON 3 - Hakha Chin bible

2 THESALON 3

¹U le nau hna, a donghnak ah, Bawipa bia cu nan lakah a rak karhter bantuk khan, khulrang in a karh chin lengmang i sunparnak kha a hmuh nakhnga, thla kan campiak u.

²Cun Pathian bia hi mi vialte nih an zumh rih lo caah, Pathian nih miòhalo mi hna le misual mi hna kut chungin a kan luatter nakhnga zongah thla kan campiak fawn u.

³Bawipa cu zumh awk tlak a si ko. An òhawnter hna lai i Miòhalo Pa sin khan him tein an umter ko hna lai.

⁴Cun Bawipa nih nanmah zumhnak lungthin kha a kan pek caah kan in zumh ko hna; kan in chimhmi hna kha nan tuah lengmang ko i hmailei zongah nan tuah òheo lai tiah kan zumh fawn.

⁵Pathian dawtnak lei le Khrih nih an pekmi hna intuar khawhnak leiah khan Bawipa nih nan lung cu hruai ko seh.

⁶U le nau hna, Bawi Jesuh Khrih min in, mi thathu le kan in cawnpiakmi hna a zul duh lomi cu kom hna hlah u, tiah kan in fial hna.

⁷Nanmah hrimhrim nih, kanmah kan tuah bantuk te khan nan tuah ve awk a si cu nan hngalh. Nan sin kan um ah khan kan tha a thu lo.

⁸Ahohmanh nih alak in nan kan cawm lo. Kanmah te nih rian kan òuan, aho nan ca hmanh ah thilrit kan si nakhnga lo chunzan in kan òuan.

⁹Mah ti kan tuah kha, nan kan cawm ve awk a si tinak nawl kan ngeih lo caah a si lo, nanmah zohchun dingah kan tuahmi a si.

¹⁰Nan sin kan um lioah kan in chimhmi hna cu, “Ahohmanh rianòuan a duh lomi cu ei awk zeihmanh pe hna hlah u,” ti a si.

¹¹Hiti kan rak in chimh hna cu, nanmah lakah a tha a thumi, zeidang zeihmanh òuan zuam loin midang hnahnawh lurit a pe men in a ummi an um ti kan theih caah khan a si.

¹²Bawipa Jesuh Khrih min in, kha ti a um pawl kha, ningcang tein khua rak sa u law nan pawcawmnak ah rian òha tein rak òuan u, tiah chimh le ralrin pek kan duh hna.

¹³U le nau hna, òhatnak tuah kha ba hlah u.

¹⁴Hi ca kan in kuatmi hna chung bia a zul duh lomi hi an um ko lai. Cu bantuk mi hna cu an ning a zah nakhnga kom hna hlah u.

¹⁵Asinain ral bantukin zoh hna hlah u, unau bantukin chimhring hna u.

¹⁶Daihnak hram a simi Bawipa nih lam phunphun in daihnak kha in pe ko hna seh. Bawipa cu nan dihlak sinah um ko seh.

¹⁷Paul nih nan kut kan tlaih hna, hi bia hi ka kut hrimhrim in ka òial. Hi ti ka òial hi ka ca cung i ka min ka thutning a si i ka òialning a si.

¹⁸Bawipa Jesuh Khrih vel cu nan dihlak sinah um ko seh.