Read Hakha Chin 1 TIMOTE 3 Bible Online

1 TIMOTE 3 - Hakha Chin bible

1 TIMOTE 3

¹Mi pakhatkhat cu Khrihfabu hruaitu si a duh ahcun rian òha ngai a duh a si, timi bia hi ahmaanmi a si.

²Khrihfabu hruaitu cu soisel awk um lomi, nupi pakhat lawng a ngeimi, zu rit hmang lomi, mah le mah aa uk khomi, ningcang tein khua a sami, khualtlung a dawmi, cawnpiak a thiammi a si lai;

³zu rit hmangmi a si lai lo, mitlokciar a si lai lo, milungnem le daihnak a duhmi a si lai; tangka mitthimi a si lai lo;

⁴a innchungkhar òha tein a zohkhenh khomi a si lai i a fale nih a nawl an ngaihmi le an upatmi a si lai.

⁵Mah innchungkhar hmanh òha tein a zohkhenh kho lomi nih cun zeitindah Pathian khrihfabu cu a zohkhenh khawh lai?

⁶Khrihfa a cannak a naimi a si lai lo, zeicahtiah a hnar a puar sual lai i Khuachia kha sualphawt a rak si bantuk khan sualphawt a si ve sual lai.

⁷Khrihfabu lengah a ummi nih an hmaizahmi a si lai, cu bantuk mi a si lo ahcun a thang a chia lai i Satan rap ah aa foih sual lai.

⁸Khrihfa upa hna zong ziaza a òhami le lungthin a thiangmi an si lai; zu tam tuk a dingmi an si lai lo i hakkaumi zong an si lai lo.

⁹Phuanmi zumhnak biatak cu chiaòha thleidannak thiang in fek tein aa tlaihmi an si lai.

¹⁰Annih cu hneksak hmasa an si lai i an awn ahcun an òuan lai.

¹¹An nupile zong ziaza òhami an si lai i mi congoih hmangmi an si lai lo; zurit hmang lomi an si lai i zeizong kip ah miding an si lai.

¹²Khrihfa upa cu nupi pakhat lawng a ngeimi an si lai i an fale hna le an innchungkhar kha òha tein a zohkhenh khomi an si lai.

¹³Rian òha a òuanmi khrihfa upa cu hmaizahnak an hmu i Khrih Jesuh an zumhnak kong kha ralòha in an chim ngam.

¹⁴Hi ca na sin i ka òial lioah hin, ka saduhthah cu tuan i na sin i rat i nangmah hmuh kha a si.

¹⁵Sihmanhsehlaw ka tlai sual a si ahcun hi ca nih hin zeitindah Pathian innchungkhar chungah kan umtu kan ziaza a si awk a si ti kha an chimh lai; Pathian innchungkhar cu a nungmi Pathian Khrihfabu, biatak a dirkamhtu le biatak i a tungpi kha a si.

¹⁶Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.