Read Hakha Chin 1 TIMOTE 5 Bible Online

1 TIMOTE 5 - Hakha Chin bible

1 TIMOTE 5

¹Tar deuh cu va sica hna hlah. Na pa bantukin a lem tu in va lem hna. A no deuhmi kha na unau bantuk ah rel hna,

²a tar deuhmi nu kha na nu bantuk ah rel hna law a no deuhmi nu kha thiannak in na far ah rel hna.

³Nuhmei a si taktakmi cu hmaizah hna.

⁴Sihmanhsehlaw nuhmei nih cun fa si hna seh, tu si hna seh a ngeih hna ahcun, cu hna nih zumh awk tlak tein an innchungkhar zohkhenh le an pa si hna seh, an pi an pu si hna seh, cawm òhan ve cu an rian pakhatnak ah an chiah awk a si i cucu biaknak lei in an rian Pathian nih tuah hna seh ti a duhmi cu a si.

⁵Ahohmanh bawmtu a ngei lomi nuhmei, Pathian lawng aa bochan i chunzan in a sinah thla a cammi cu nuhmei taktak a si.

⁶Asinain nuamhnak lei i aa pemi nuhmei cu a nung nain a thi cangmi a si.

⁷Annih cu ahohmanh nih an mawhchiat hna nakhnga lo hi nawlbia hi pe hna.

⁸Mi pakhatkhat nih a rualchan kha a zohkhenh hna lo ahcun, cun cu nak hmanh in biapi deuh a simi cu, a innchungkhar kha a zohkhenh hna lo ahcun, amah cu zumhnak a hlawmi, Pathian a zum lomi nak hmanh in a òha lo deuhmi a si.

⁹Nuhmei cazin chungah khan kum sawm ruk a ti lomi cu khumh ti hna hlah. Cuhleiah amah cu voi khat lawng va a ngeimi a si lai i

¹⁰rian òha òuannak leiah min òhami a si lai: amah cu a fale òha tein a cawmkengmi, khualtlung a dawmi, Pathian mi an ke a òawlpiakmi, harnak a tongmi hna a bawm tawnmi le thil òha tuahnak ah aa hmangmi a si lai.

¹¹Cun nuhmei kum no deuh pawl cu nuhmei cazin chungah khan khumh hna hlah. Zeicahtiah va ngeih an duh òhan tikah Khrih kha an chuahtak i

¹²Khrih sin i bia an i kammi kha an hrawh.

¹³Inn khat hnu inn khat an vak lengmang i an caan kha pakpalawng men ah an hman. Cun cu nak hmanh in a òhalo chinmi cu, mi congoih kha an thiam i a kenkip ah khan an vaa sawh i chim awk a si lomi zong kha an chim lengmang.

¹⁴Cucaah cun nuhmei kum no deuh pawl cu va ngei òhan ko hna seh law, tefa zong ngei hna seh law an inn an lo kha zohkhenh hna seh law cuticun kan ral pawl kha kanmah thangchiatnak caan ngei kho hna hlah seh, ti ka duh.

¹⁵Nuhmei cheukhat cu Satan zulh awkah khan an i mer òhan cang.

¹⁶Sihmanhsehlaw a zummi pakhatkhat nih an innchungkhar ah nuhmei an ngeih hna ahcun, òha tein an zohkhenh hna awk a si; Khrihfabu cungah kha rian kha an chiah men awk a si lo, Khrihfabu nih cun zohkhenhtu a ngei lo taktakmi nuhmei kha a zohkhenh khawh hna nakhnga, kha rian kha an chawn awk a si.

¹⁷Khrihfabu òha tein a hruaitu Khrihfa upa hna cu, an hmuh awk a simi kha a let hnih in hmuh awkah an i tlak; cu hna lak zongah cun phungchim le cawnpiak i a òangmi kha hmuh awkah an i tlak khun.

¹⁸Cathiang nih, “Cawtum cu facang a cil lioah a hmur òem hlah u,” a ti i, “Rianòuantu nih a òuan man hmuh awk a tlak,” a ti fawn.

¹⁹Khrihfa upa cu thil òhalo pakhatkhat an puh tikah cu kong a hngaltu tehte pahnih tal an um lo ahcun, zei ah relpiak duh hna hlah.

²⁰Sualnak a tuahmi kha zapi hmaiah chimhring hna law a dang nih khan an òih lai.

²¹Pathian le Khrih Jesuh le a thiangmi vancungmi hmaika ah, zei thil paoh na tuah tikah aho cung hmanh ah duhdanhnak zeihmanh um loin na tuah nakhnga hi cawnpiaknak hi va zul ko tiah kan nawl.

²²Bawipa rianòuantu ding caah ahohmanh khulrang tuk in kutchuannak va pe hna hlah. Midang tuahmi sualnak ah i tel loin thiang tein um i zuam ko.

²³Ti lawng kha ding ti loin, na paw a fak lengmangmi kha an bawmh nakhnga, zu kha tlawmpal in rak ding.

²⁴Micheu cu an sualnak kha fiang tein a lang ko i an sualnak cu anmah hlanah biaceihnak kha a phan ko; sihmanhsehlaw a cheu cu an sualnak kha a hnu lawngah a lang.

²⁵Cu bantukin thil òha tuahmi hi fiang tein an lang ve ko i a lang kho rih lomi zong thuh khawh an si lo.