Read Hakha Chin TITAS 2 Bible Online

TITAS 2 - Hakha Chin bible

TITAS 2

¹Sihmanhsehlaw nang nih cun cawnpiaknak a òhami kha na cawnpiak hna lai.

²Tar deuh pawl kha, rihai hlah u, lungfim in um u, mah le mah aa uk khomi si u; zumhnak le dawtnak le in khawhnak fek a ngeimi si u, tiah na chimh hna lai.

³Nutar deuh pawl kha, nan umtuning ah mi hmaizah a thiammi nan si awk a si, na ti hna lai. Mi congoih hmangmi le mizuram an si awk a si lo.

⁴Nu no deuh pawl kha, an vale le an fale dawt an thiam nakhnga le,

⁵mah le mah aa uk khomi an si nakhnga le a thiangmi an si nakhnga le innchungkhar khuasak òha tein a zohkhenh khomi an si nakhnga le an vale bia a ngaimi an si nakhnga, thil òha nan cawnpiak hna lai, tiah nutar deuh pawl cu na chimh hna lai. Cuti an tuah ahcun Thawngòha cu mi nih an thangchiat kho lai lo.

⁶Cu bantuk òhiamòhiam in, tlangval pawl zong kha, mah le mah aa uk khomi si u, tiah forh hna.

⁷Cun nangmah hrimhrim zong, thil òha tuahnak lei paohpaoh ah, an i zohchun awk tlak na si lai. Na cawnpiak hna tikah lungtak te le biatak tein cawnpiak hna.

⁸Soi khawh lo ding bia òha kha hmang hna law, na ral pawl kha kan thangchiatnak zeihmanh chim awk an ngeih lai lo caah an ning tu zak seh.

⁹Sal hna kha, nan bawile cu an nawl ngai hna u law an lung lawmhter hna u, tiah chim hna. An bia an leh lakmak hna awk a si lo i an thil zong an fir awk a si lo.

¹⁰Thil zeipaoh an tuahnak ah khan kan Khamhtu Pathian kha a thang an òhat nakhnga òha te le zumh awk tlak tein an tuah awk a si.

¹¹Zeicahtiah Pathian nih a vel cu mi vialte khamhnak caah a phuan cang.

¹²Cu Pathian vel nih cun pathian zeirello in kan nun tawnnak le hi vawlei cung pumsa duhnak hlawt kha a kan cawnpiak i hi vawlei cungah hin mah le mah aa uk khomi si awk le ding tein nun le Pathian òihzah in um kha a kan forh.

¹³A liannganmi kan Pathian le kan Khamhtu Khrih Jesuh sunparnak kha a langh tikah kan i ruahchanmi cu a tling lai, cu a tlin lai Ni cu ngangngan ngaiin kan hngak ko.

¹⁴Kannih cu òhat lonak chungin chanh awkah le amah ta a simi mithiang si awkah le òhatnak tuah a duhmi siter awkah, kan caah a nunnak kha a pek.

¹⁵Hihi cawnpiak hna law thazang na pek hna le na chimhhrin hna tikah na nawlngeihnak kha fak piin hmang. Ahohmanh i zohchukter hna hlah.