Read Hakha Chin TITAS 3 Bible Online

TITAS 3 - Hakha Chin bible

TITAS 3

¹Bawi le nawl ngeitu pawl kha, an nawl nan ngaih hna lai i thil òha tuah kha nan i tim zungzal lai, tiah na mi pawl kha chim òhan hna.

²Ahohmanh i congoih hlah u, pakhat le pakhat i rem le i daw le lungnem cio tu in nan um lai, tiah na chimh hna lai.

³Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

⁴Sihmanhsehlaw kan Khamhtu Pathian dawtnak le zaangfahnak cu vawlei cungah a hung langh tikah, thil òha kan tuahmi ruangah si hin loin amah nih a kan zaangfah ca lawnglawng ah kannih cu a kan khamh i

⁵cu a kan khamhnak cu hrinòhannak ti thawng le Thiang Thlarau nih mi tharter khawhnak a ngeihmi òhawnnak thawngin a si.

⁶Jesuh Khrih kan khamhtu thawngin Pathian nih Thiang Thlarau cu tampi in a kan toih i

⁷cucaah a vel ruangah Pathian he cun kan i rem i kan i ruahchanmi zungzal nunnak kha kan hmuh.

⁸Hi bia hi biatak a si. Hi bia hi biapi in na rak lak hna awkah ka duh. Pathian a biami nih cun hmaizah awk tlak a simi rian kha òuan hna seh law, cu rian cu anmah caah hmaizah awk tlakmi rian a si ti lawng si loin an minung hawi ca zong i a òhahnemmi rian a simi kha si hna seh.

⁹Asinain bia i al lengmangnak le thawhkehnak min òialnak cazin sau pipi le i sik le Phungbia kong i alnak kha cu hrial i zuam ko hna. Cu bantuk cu santlai lomi thil, pakpalawng men an si.

¹⁰Bu chung òhennak a chuahtertu kha, a tlawm bik ah voi hnih tal ralrinnak pe hna, cu hnuah cun chuah ko hna.

¹¹Cu bantuk mi cu an ruahnak ahmaan ti lo ti kha na hngalh i an palh ti cu an sualnak nih khan fiang tein a langhter ko.

¹²Na sinah Artemas maw asiloah Atikhikas maw ka ratter hna tikah, ka sinah Nikapolis ah ra te law ka duh, zeicahtiah khika ah khuasik chung um kaa tim.

¹³Sihni Zenas le Apollos kha an khual tlawnnak dingah na bawmh khawh chungin rak bawm hna law an herhmi paoh kha rak damhpiak hna.

¹⁴Kan mi hna cu rian òha òuan kha cawnpiak hna; an nunnak ca i a herh taktakmi hmuh khawhnak kha chim hna; pakpalawng in um men hna hlah seh.

¹⁵Ka sin i a ummi vialte nih na kut an in tlaih. Zumhnak i kan hawi hna kha, kan biakchawnhnak kut kan tlaihpiak hna. Nannih dihlak sinah Pathian vel cu um ko seh.