Read Hakha Chin HEBRU 1 Bible Online

HEBRU 1 - Hakha Chin bible

HEBRU 1

¹Hlan ah cun Pathian nih kan pupa hna sin i bia a chim tikah profet kha a rak hman hna i a cheuchum tete le phun dangdang in a chimning cu a rak si.

²Sihmanhsehlaw atu kan chan, chan hmanung bik a simi chan ah hin cun, kan sinah a Fapa in a bia cu a chim. Amah thawng cun Pathian nih van le vawlei vialte kha a ser hna i amah cu Pathian nih a donghnak i zeizong vialte uktu ding i a thimmi cu a si.

³Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, òhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a òhu.

⁴Pathian nih a Fapa cu vancungmi hna a pekmi nakin a ngan deuhmi min a pek bantukin, vancungmi hna nak ngan deuh ah a ser.

⁵Pathian nih a vancungmi pawl cu ahohmanh, “Nangmah cu ka Fapa na si, nihin ah na Pa ah ka cang,” a ti bal hna lo. Cu hleiah, “Keimah cu a Pa ka si lai i amah cu ka Fapa a si lai,” ti zongah a ti bal fawn hna lo.

⁶Pathian nih a fater cu vawlei cung i a thlah tikah, “Pathian vancungmi vialte nih amah cu an biak awk a si,” a ti.

⁷Cun Pathian nih vancungmi pawl kong ah cun, “Pathian nih a vancungmi hna cu thlitu ah a ser hna i a rianòuantu hna cu meizik ah a ser hna,” tiah a chim.

⁸Sihmanhsehlaw a Fapa tu cu, “Maw Pathian, na bawiòhutdan cu zungzal in zungzal tiang a hmun lai: Na pennak cu dinnak in na uk.

⁹Ahmaanmi thil cu na duh i ahmaan lomi thil cu na huat; Cucaah cun Pathian, na Pathian nih cun an thim i, Na hawile hna nih an hmuhmi nakin a ngan deuh suaumaumi upatnak lunglawmhnak kha aan pek,” tiah a ti.

¹⁰Cun, “Bawipa, nangmah nih vawlei cu ser hram na thawk i van khi nangmah kut nih a sermi an si.

¹¹Annih cu an lo dih lai, sihmanhsehlaw nang cu na hmun lai; puan bangin an hnawh dih lai.

¹²Angki bangin na bil hna lai i puan bangin an i thleng dih lai. Sihmanhsehlaw nang cu a zungzal in nangmah ningte na si ko i na tar bal lo,” tiah a ti rih fawn.

¹³Pathian nih a vancungmi kha, “Na ral cu na ke tangah ka chiah hna hlan tiang, Ka orhlei kamah hin òhu tuah,” tiah ahohmanh a ti bal hna lo.

¹⁴A si ahcun vancungmi cu ahodah an si kun? Vancungmi cu Pathian rian a òuantu thlarau, khamhnak a hmu hngami bawmh awkah Pathian nih a thlahmi kha an si.