Read Hakha Chin HEBRU 13 Bible Online

HEBRU 13 - Hakha Chin bible

HEBRU 13

¹Khrih chungah unau nan si bantukin pakhat le pakhat i daw zungzal u.

²Khualtlung kha daw hna u. Khualtlung a dawmi cu an hngalh loin vancungmi nih khan an tlun tawn hna.

³Thong a tlami kha, an sin i thong a tla vemi bantukin philh hna hlah u. Hremnak a ingmi kha, an sin i hremnak a ing vemi bantukin philh hna hlah u.

⁴Òhitumnak hi mi vialte nih kan hmaizah awk a si i nu le va hi zumh awk tlak an si veve awk a si. Nu le pa sualnak a tuahmi hna le va cungin pa aa duhmi hna cu Pathian nih an bia a ceih hna lai.

⁵Tangka hi duh tuk hlah u, nan ngeihmi ah khan nan lung awi ko u. Zeicahtiah Pathian nih, “Kan kaltak bal hna lai lo i kan hlaw bal fawn hna lai lo,” a ti.

⁶Cucaah kannih cu kan ralòha u si law, “Bawipa cu a ka bawmtu a si, zeihmanh ka òih lai lo. Minung nih ka cungah zeidah an tuah khawh lai?” tiah ti u sih.

⁷Pathian bia a rak in chimtu hna nan hruaitu hmasa hna kha philh hna hlah u. Zeitindah an nuncan kha a si i zeitindah an thihning a si kha ruat òhan u law an zumhnak kha cawng hna u.

⁸Jesuh Khrih cu nizan le nihin le zungzal in amah ning a si ko.

⁹Cawnpiaknak hmaan lo a phunphun kha a pingah i hruaiter hna hlah u. Pathian vel nih nan lung kha a òhawnter ahcun a òha, rawl kong phunglam zulh nih cun zeihmanh òhathnemnak a chuahpi lo; hi bantuk phunglam a zulmi hna cu an zulhmi phunglam nih khan zeihmanh a bawm hna lo.

¹⁰Judah mi biaknak thlam chung i rian a òuanmi hna tlangbawi hna nih khan kannih biakòheng cung i thawimi raithawinak sa einak nawl kha an ngei lo.

¹¹Judah mi Tlangbawi Ngan nih khan Hmun Thiang Bik chungah sual thawinak caah saram thisen kha a luhpi tawn; sihmanhsehlaw saram pum kha cu, riahhmun lengah an khangh hna.

¹²Hi ruangah hin Jesuh zong kha, hau lengah a thih kha a si i cucu a thi in mi kha kan sualnak thianhpiak a kan duh caah a si.

¹³Cucaah cun amah sinah khan riah hmun lengah cun kal u si law a inmi ningzahnak kha va ing ve u sih.

¹⁴Hi vawlei ah hin kannih caah zungzal hmun ding khua a um lo, a ra laimi khua tu kha kan cuan.

¹⁵Cucaah Pathian cu thangòhat zungzal ko u sih. Cu thangòhatnak cu Jesuh min kan kaa in kan phuan kha a si i cucu Jesuh thawngin Pathian sinah kan pekchanhmi kan raithawinak a si.

¹⁶Pakhat le pakhat i bawmh le pakhat le pakhat cung i òhatnak tuah kha philh hlah u; hihi Pathian lung a tongmi raithawinak a si.

¹⁷Nan hruaitu pawl kha an bia ngai hna u law an nawl zul hna u. An rianòuan ningcang kha Pathian hmaiah chim an duh te lai caah, i din loin nannih kha an in zohkhenh hna. An nawl nan ngaih hna ahcun an rian kha lunglawm tein an òuan lai, nan ngaih hna lo ahcun ngaihchia in an um lai i cucu nan caah a òhahnem lai lo.

¹⁸Thla kan campiak lengmang ko u. A hmaanmi thil kha tuah kan duhmi a si zungzal caah kan chiaòha thleidannak kha a thiang ko.

¹⁹Cun Pathian nih, nan sinah tuan chinchin ah a ka ratter nakhnga thla rak ka campiak u tiah kan nawl fawn hna.

²⁰Pathian nih kan Bawipa Jesuh cu thihnak in a thawhter i Jesuh cu a thihnak thawng khan Tuukhal Ngan le zungzal biakamnak a fehtertu a si.

²¹Cun Jesuh thihnak in a thawhtertu daihnak Pathian nih cun amah duhnak nan tuah khawhnak dingah a herhmi thil vialte cu in pe hna seh law Jesuh Khrih thawngin kan chungah a duhmi paoh cu tuah ko seh. Cun Khrih cungah zungzal in zungzal tiang sunparnak cu um ko seh. Amen.

²²Ka u le ka nau hna, ca kan kuatmi hna hi a sau zong a sau lem lo i cucaah cun lung òhawnnak bia kan chimhmi hna hi lungsau ngaiin rak zul u tiah kan nawl hna.

²³Kan unau Timote kha thong chungin a chuak cang ti theihter kha kan duh hna. A rat manh ahcun, nanmah tlawn i ka rat tikah ka rak i ratpi lai.

²⁴Nan hruaitu vialte hna le Pathian mi vialte hna kha rak ka biakchawnhpiak hna u. Kan unau pawl nih Itali ram in an in biakchawnh hna.

²⁵Pathian vel cu nan dihlak cungah um ko seh.