Read Hakha Chin HEBRU 3 Bible Online

HEBRU 3 - Hakha Chin bible

HEBRU 3

¹Pathian nih a kawh vemi Khrihfa u le nau hna, kan i lakmi phung ca i Tlangbawi Ngan si awkah Pathian nih a thlahmi Jesuh kong kha ruat hmanh u.

²Moses cu Pathian innchungkhar rian ah a fel bantukin Jesuh zong cu hi rianòuantu dingah a thimtu Pathian sinah khan zumh awk tlak tein a um ve.

³Inn satu nih inn nakin upatnak a hmuh deuh bantukin Jesuh zong cu Moses nakin sunparnak hmuh awkah tam piin aa tlak deuh.

⁴Nan hngalh cio bangin inn cu mi nih an sak taktak § zeizong vialte a satu bel Pathian a si.

⁵Moses cu Pathian inn chungah khan rianòuantu zumh awk tlak a rak si i Pathian nih hmailei ah a rak chim lai dingmi zong kha a rak chim.

⁶Sihmanhsehlaw Khrih zumh awk tlak a sining cu, Pathian inn a zohkhenhtu Fapa ningin a si. Cu inn cu kanmah hi kan si i cu kan simi cu kan i ruahchanmi kha fek te le òih lo tein kan i tlaih peng lawngah kan si zungzal lai.

⁷Cucaah Thiang Thlarau nih a ti bantukin, “Nihin ah Pathian aw kha nan theih ahcun lungkhong in um hlah u;

⁸Nan pupa hna nih Pathian kha an rak doh i thetse ram i an rak hneksak bantuk khan um hlah u;

⁹Pathian nih, ‘Kum sawm li chung ka tuahmi kha an hmu ko nain, khika ah khan an ka doh i an ka hneksak.’

¹⁰Cucaah an cungah ka thin a hun i annih cu ka caah zumhtlak an si bal lo i ka nawlbia kha an al zungzal i an cung i

¹¹ka thin a hun caah cun chiatser tein, ‘An i dinhnak ca i ka pekmi hna ram ah cun an lut hrimhrim lai lo,’ ka ti, tiah Pathian nih a rak ti.”

¹²Ka u le ka nau hna, a nungmi Pathian zamtak a duhmi lungthin òhalo le Pathian bochan duh lonak lungthin a ngeimi nan um sual nakhnga lo i ralring u.

¹³Nannih cu sualnak nih an hlen hna nakhnga lo le lungòhawng in nan um sual nakhnga lo, Cathiang nih, “Nihin,” a timi kha nan caah nihin a si chung paoh cu, nifate in pakhat le pakhat i bawm lengmang u.

¹⁴Zeicahtiah a hramthawk tein ralòha ngaiin kan rak zumhmi kha fek tein a dongh tiang kan i tlaih ahcun, kan dihlak in Khrih hawi kan si dih zungzal lai.

¹⁵Cathiang nih a chimmi cu hihi a si: “Nihin ah Pathian aw kha nan theih ahcun Nan pupa hna nih Pathian an rak doh i an lung an rak òhawn bantuk khan, lung òhawng in um hlah u.”

¹⁶Ahodah Pathian aw cu a rak thei i Pathian a rak dohmi cu an si? Moses nih Izipt ram in a chuahpimi vialte kha an si ko.

¹⁷Aho cungah dah Pathian kha kum sawm li chung a thin a hun? Sualnak a tuahmi, thetse ram i a thimi hna cungah khan a si.

¹⁸Pathian nih, “Ka dinhnak chungah an lut lai lo,” a ti ah khan, ahodah a tihnawh duhchan hna? Amah a dohtu kha a tihnawhchan hna.

¹⁹Cucaah cun an zumh lo caah an rak luh khawh lonak kha a si, ti cu kan hmuh cang.