Read Hakha Chin HEBRU 4 Bible Online

HEBRU 4 - Hakha Chin bible

HEBRU 4

¹Atu cu Pathian nih dinnak a rak chimmi kha kan hmuh nakhnga, a biakam kha a kan pek i cu kamhmi dinhnak chungah cun a lut lomi nan um sual nakhnga lo, ralring tein um u sih.

²Annih nih an rak theih bantuk khan, Thawngòha cu kan theih cang. Sihmanhsehlaw an theihmi bia kha zumhnak in an cohlan duh lo caah an caah zeihmanh a òhahnem lo.

³Cucaah, “Ka thin a hung i biakam tein, ‘Kaa dinhnak chungah an lut hrimhrim lai lo,’ ka ti,” timi bia nih a sawh duhmi dinhnak chungah a lut i Pathian sinah aa dinmi cu zumtu kanmah tu hi kan si.

⁴Vawlei a rak ser ri khan a rian cu lim a si ko cang nain hi bia cu a chim; zeicahtiah Cathiang nih pei hmunkhat ah ni sarihnak ni kong ah, “Ni sarih ni ah Pathian cu a rian vialte in aa din,” tiah a ti kha.

⁵Cun a cunglei i kan rel cangmi ah khan, “Ka dinhnak chungah an lut hrimhrim lai lo,” tiah a um fawn.

⁶Pathian dinhnak chungah a lutmi an um awk a si ti cu a fiang, sihmanhsehlaw Thawngòha a thei hmasami hna nih khan an zumh lo ruangah an luh khawh lo caah Pathian nih ni dang pakhat kha a chiah òhan.

⁷Cu hnu kum tampi ah kan chim cangmi, “Nihin cu Pathian aw kha nan theih ahcun, lungkhong in um hlah u,” timi bia kha David kaa in a chim òhan.

⁸Joshua nih Pathian dinhnak chungah khan a rak luhpi hna ahcun, cu hnuah cun Pathian nih, ni dang, timi kha a chim ti hnga lo.

⁹Cucaah Pathian mi hna cu, sabbath dinhnak nih khan a hngah ko rih hna,

¹⁰zeicahtiah Pathian cu a rian in aa dinh bantukin Pathian dinhnak chungah a lutmi cu an rian in an i din ve.

¹¹Cucaah Pathian dinhnak chung i kan luh khawh nakhnga fak piin i zuam u sih. Annih nih Pathian nawl kha an rak ngaih lo i an luh khawh lo bantuk khan kannih cu pakhat hmanh um sual hlah u sih.

¹²Pathian bia cu a nung i a òhawng. Kap hnih har vainam nakin a haar deuh. Hlang lak in a cheu khawh, nunnak le thlarau an i tonnak tiang, hliahcang le thlik an i tonnak tiang a cheu khawh. Minung lungthin duhnak le ruahnak vialte kha a hngalh dih.

¹³Pathian sinin thuh khawhmi thil zeihmanh a um lo. Sermi thil vialte hi an dihlak in a hmaika ah an lang dih hirhiar i amah sinah cun kan kong cu kan i chim cio lai.

¹⁴Cucaah kan zumhnak hi fek tein i tlaih ko u sih. Pathian umnak hrimhrim ah a hung lutmi Tlangbawi Ngan kan ngei i amah cu Pathian Fapa Jesuh kha a si.

¹⁵Kan Tlangbawi Ngan hi kan santlaih lonak ah kan cung i zaangfahnak a ngei kho lomi tlangbawi a si lo. Kan Tlangbawi Ngan hi kanmah bantuk tein tukforhnak a ing vemi a si, sihmanhsehlaw sualnak zeihmanh a tuah lomi a si.

¹⁶Cucaah cun ralòhat in hmaiah fong u sih law, vel a umnak Pathian bawiòhutdan cu fuh u sih. Khika ah kan herh lio caan te ah Pathian zaangfahnak le vel cu kan hmuh lai.