Read Hakha Chin HEBRU 5 Bible Online

HEBRU 5 - Hakha Chin bible

HEBRU 5

¹Tlangbawi Ngan paohpaoh hi a mi hna chung khan thim a si i anmah aiawh in Pathian rianòuantu ah chiah a si i sualnak ca i laksawng pek le raithawinak tuah kha a rian a si.

²Amah zong cu phun tam piin tlin lonak a ngeimi a si ve caah khan a hrutmi le a palhmi cungah khan lungnemnak a ngei kho.

³Cun amah zong cu tlin lonak a ngeimi a si ve caah cun, midang sualnak ca hrimhrim zongah khan raithawinak a tuah a hau.

⁴Ahohmanh anmah le anmah Tlangbawi Ngan ah an i thim kho lo. Aaron cu Pathian nih a kawh i Tlangbawi Ngan ah a can bantuk khan, Pathian kawhnak lawnglawng in Tlangbawi Ngan ah an cang kho.

⁵Cu bantuk òhiamòhiam in Khrih zong nih khan amah nawl in Tlangbawi Ngan ah aa canter lo. Pathian tu nih, “Nangmah cu ka Fapa na si, Nihin ah na Pa ah ka cang,” tiah a ti.

⁶Cun hmun dang zongah, “Nangmah cu zungzal in tlangbawi na si lai, Melkhizedek tlangbawi sining bantukin na si lai,” tiah a ti fawn.

⁷Vawlei cung a um lioah, Jesuh nih thihnak in a khamh khotu Pathian sinah aihramnak le mitthli he thlacamnak le nawlnak kha a tuah. Amah cu a lung a nemmi le Pathian sinah aa pemi a si caah Pathian nih a theih.

⁸Sihmanhsehlaw Pathian Fapa a si ko nain Pathian nawl ngaih kha harnak innak chungin a thiam.

⁹A tlingmi ah ser a si tikah amah nawl a ngaimi vialte hna caah zungzal khamhnak hram ah a cang i

¹⁰Pathian nih Melkhizedek tlangbawi sining in Tlangbawi Ngan na si, tiah a ti.

¹¹Melkhizedek kongah hin chim awk tampi kan ngei ko, sihmanhsehlaw a hngalh nan i harh tuk caah nan sin i fianter cu a har ko.

¹²Nannih cu saya hmanh si awk nan si cang nain, Pathian bia cawnnak hmasa bik chimtu saya kha nan herh rih. Rawl taktak ei kha nan cu cang, sihmanhsehlaw caw hnuk òheo nan ding ko rih.

¹³Caw hnuk òheo aa rinh ko rihmi cu ngakchia an si ko rih i ahmaan le ahmaan lo kongah hngalhnak a ngei rih lomi an si.

¹⁴Sihmanhsehlaw rawl taktak cu upa nih khan an ei khawh; annih cu chia le òha thleidan khawhnak a ngei cangmi an si.