Read Hakha Chin HEBRU 6 Bible Online

HEBRU 6 - Hakha Chin bible

HEBRU 6

¹Cucaah hmailei ah fong u sih, Khrihfa cawnpiaknak a hram kan i domhnak kha hnulei ah kaltak u sih law a tlam a tlingmi cawnpiaknak kha fuh u sih. Santlai lomi rian kaltak kha a hram in i domh òhan lengmang ti hlah u sih, cun Pathian zumh zong kha a hram in i thawk òhan lengmang ti hlah u sih;

²tipil innak kong tehna, kutchuannak kong tehna, mithi thawhòhannak kong tehna le zungzal biaceihnak kong tehna hi, an hram ah i hel lengmang ti hlah u sih.

³Hmailei ah kal u sih, Pathian a hna a tlak ahcun, kan kal kho hrim ko lai.

⁴Zeitindah a tlu òhanmi hna cu ngaihchihnak an ngeih òhan khawh ti lai? Annih cu Pathian ceunak chungah a rak um cangmi an si, vancung laksawng kha a tep i Thiang Thlarau a co ve cangmi an si.

⁵Pathian bia cu a òha ti a hngalmi le a ra lai dingmi chan òhawnnak cu zei bantuk dah a si lai ti a theimi an si.

⁶Cun annih cu an tlu. Annih cu ngaihchihnak ah kirpi òhan khawh an si ti lo. Pathian Fapa kha vailam ah an khenh òhan ca le zapi hmaiah ningzak ngaingai in an tuah òhan caah ngaihchihnak ah kirpi òhan khawh an si ti lo.

⁷Ruah a surmi a rak dawptu le a thlotu hna caah a òhahnemmi rawl kung a khohtertu vawlei cu Pathian nih thluachuah a pekmi vawlei a si.

⁸Sihmanhsehlaw cu vawlei nih cun hling le belh lawng kha a khohter hna ahcun zeihmanh santlaihnak a ngei lo; Pathian nih chiat a serh men lai i mei nih a kangh men lai.

⁹Kan dawtmi kan hawile hna, hi bantukin bia chim hmanh u sih law, nannih kong tu ah cun kan hna a ngam ko. Nannih cu, thluachuahnak a òha deuhmi, khamhnak a ngeimi nan si ti kha kan hngalh.

¹⁰Pathian cu miding lo a si lo. Rian nan rak òuanmi le nan Khrihfa hawi nan rak bawmh tawn hna i atu zongah nan bawmh ko rih hna thawngin nan langhtermi amah nan dawtnak kha a philh lai lo.

¹¹Nan i ruahchanmi cu a tlin nakhnga, bawmh duhnak lungthin nan ngeih tawnmi kha a dongh tiangin ngei cio ko u, ti kan in duh hna.

¹²Mi thathu si awk kha kan in duh hna lo, sihmanhsehlaw an zumhnak le an lungsaunak thawngin Pathian nih bia a kamhmi hna a hmumi hna bantuk si awk kha kan in duh hna.

¹³Pathian nih Abraham bia a rak kamh ah khan, aa kammi cu ka tuah hrimhrim lai tinak ah khan chiat a rak ser. Cun amah nakin a ngan deuhmi an um lo caah cu chiatsernak ah cun amah min kha a hman i,

¹⁴“Nangmah cu thluachuahnak kan pek lai i tefa tampi kan pek lai tiah bia kan kam,” tiah a ti.

¹⁵Abraham cu a lung a sau i cucaah Pathian nih bia a kamhmi kha a hmuh khawh.

¹⁶Minung nih chiatsernak an tuah tikah minung nakin a ngan deuhmi min kha an hman i cu chiatsernak nih cun pakhat le pakhat bia an i alnak kha a chah tawn.

¹⁷Cu bantukin Pathian zong nih, bia a kamhmi hna nih khan a biakam cu a let hrimhrim lai lo, ti kha fiang tein hngal hna seh ti a duh caah, cu a biakamnak cu chiatsernak in a fehter.

¹⁸Hi thil pahnih, biakamnak le chiatsernak hna hi thlen khawh a si lomi thil an si i hi hna kongah hin Pathian nih a lih a chim kho lo. Cucaah a sin i him tein a ummi kannih nih cun kan hmai i a kan chiahpiakmi ruahchannak kha ralòha ngaingai in fek tein kan i tlaih.

¹⁹Hi ruahchannak hi kan nunnak caah a fekmi le a òhawngmi thir cangai bantuk a si. Vancung biakinn puanzar kha lonh in chungchin hmunthiang ah khan kan ruahchannak cu a lut.

²⁰Cuka ah cun kanmah aiawh in Jesuh kha kan hlanah a rak lut cang i Melkhizedek tlangbawi sining in zungzal Tlangbawi Ngan ah a cang.