Read Hakha Chin JEIM 1 Bible Online

JEIM 1 - Hakha Chin bible

JEIM 1

¹Pathian le Bawipa Jesuh Khrih sal a simi Jeim nih, vawlei cung khuazakip i aa òhekmi Pathian mi kha kan biakchawnh hna.

²Ka u le ka nau hna, nan cungah hneksaknak a phunphun a tlun tikah vanòha ah i rel u,

³zeicahtiah cu bantuk hneksaknak cu nan zumhnak in nan tei tikah in khawhnak nan ngei.

⁴Zeihmanh bau loin a tlingmi nan si nakhnga, a karlak ah ing kho loin um sual loin a dongh tiangin ing ko u.

⁵Sihmanhsehlaw fimnak a baumi nan um ahcun, Pathian sinah thlacam seh law Pathian nih a pek ko lai; Pathian nih cun ahopaoh kha zaangfah ngai le siang ngaiin a pek ko hna.

⁶Asinain thla nan cam tikah lung awòawm lo tein nan zumh hrimhrim lai. Lung awòawm in a ummi cu thlichia nih a choihmi rili tilet bantuk a si.

⁷Cu bantuk mi nih cun, ka halmi kha Pathian nih a ka pek lai, tiah a ruah awk a si lo; lung awòawm in a ummi cu an i tinhmi ah khan an kal ciahmah kho bal lo.

⁹Zumtu sifak cu Pathian nih òhanchonak a pek tikah i lawm seh law

¹⁰zumtu mirum cu Pathian nih òumchuknak a pek tikah i lawm seh. Zeicahtiah mirum cu ramlak pangpar a par a òilh bangin an òil lai.

¹¹Ni cu a hung chuak i a linhnak nih pangpar kung kha a emh; a par cu a òil i aa dawhnak cu a lo. Cu bantukte cun mirummi cu hnahnawk luri ngaiin an rian an òuan cuahmah lioah khan an lo ko lai.

¹²Hneksaknak a in tikah fek tein a ummi cu a lung aa lawm, zeicahtiah cu bantuk hneksaknak kha a tei khawh caah Pathian nih amah a dawtu hna a kamhmi nunnak kha laksawng ah a hmuh lai.

¹³Cu bantuk hneksaknak kha mi nih an in tikah, “Tukforhnak hi Pathian sinin a ra,” an ti awk a si lo; zeicahtiah Pathian cu òhat lonak nih a tukforh kho lo i amah zong nih ahohmanh a tukforh bal hna lo.

¹⁴Sihmanhsehlaw mi nih tukforhnak kan in cu, kan duhnak a òha lomi nih khan a kan pialpi i rap ah a kan foih caah a si tawn.

¹⁵Cu tikah thil òhalo duhnak nih cun sualnak kha a pawi i a hrin; cun sualnak cu a òhang i patling a si tikah thihnak kha a hrin.

¹⁶Ka dawtmi ka u le ka nau hna, i palh sual hlah u.

¹⁷Laksawng òha le laksawng tlamtling paohpaoh hi vancung in a rami an si; vancung i a ceumi thil a Sertu Pathian sinin a rami an si. Amah cu aa thleng lo, vancung thil ceu hna le cu thil ceu hna thladem cu an i thleng lengmang nain anih cu aa thleng bal lo.

¹⁸Amah nih amah duh tein a kan ser i a kan sernak ah cun biatak kha a hman, cucaah kannih cu a sermi thil vialte lakah cungnung bik kan si.

¹⁹Ka dawtmi u le nau hna, mah hihi philh hlah u: ahohmanh bia theih duhnak leiah cun a khul a rangmi si u law biachimnak lei le thinhunnak lei ah cun a khul a nuarmi si u.

²⁰Minung thinhunnak nih Pathian tinhmi dinnak kha a chuahter lo.

²¹Cucaah cun a thurhnawmmi ziaza vialte le a òha lomi ziar le zar vialte kha hlaw ko hna u. Pathian sinah khan i pe u law khamhnak an pe khotu hna bia, nan lungchung i a tuhmi kha, i cohlan ko u.

²²A bia kan theih paoh ahcun a za, tiah nanmah le nanmah kha i hleng len hlah u. A bia cu a tuah tu in tuah deuh u.

²³A bia a thei nain a tuah òung lomi cu hi bantuk mi hi a si: mipa pakhat nih thlalang aa bih i amah le amah cu aa hmu.

²⁴Òha tein aa zoh i a kal i zei ka lo ti kha a philh colh.

²⁵Sihmanhsehlaw mi a luattertu nawlbia tling chungah òha tein aa bih i cucu a ruat peng i, a theihmi kha philh loin a tuahmipa cu Pathian nih a tuahnak ah lawmhnak a pek.

²⁶Mi pakhatkhat nih, kei cu biaknak leiah aa zuammi ka si, tiah aa ruat ko lai, sihmanhsehlaw a lei kha a uk khawh lo ahcun a biaknak cu pakpalawng a si i amah le amah aa hlengmi a si.

²⁷Sihmanhsehlaw nuhmei ngakòah òha tein zohkhenh le vawlei cungah thurhnawm lo tein um tu hi Pathian kan Pa nih biaknak thiang le biaknak taktak i a ruahmi cu a si.