Read Hakha Chin JEIM 2 Bible Online

JEIM 2 - Hakha Chin bible

JEIM 2

¹Ka u le ka nau hna, sunparnak Bawi, Bawipa Jesuh Khrih a zummi nan si bantukin mi thleidannak lungthin zeihmanh ngei hlah u.

²Tahchunhnak ah, mirumpa pakhat cu sui kutdong hrolh le hnipuan òhaòha in nan i pumhnak ah a ra, cun misifak pakhat cu hnipuan òet fiapfuap he a ra ve.

³Hnipuan òha he a ramipa cu upatnak nan pek i, “Hika òhutnak òha bik ah hin òhu tuah,” nan ti i misifakpa tu cu, “A dir in dir ko, asilole òuang ah hin kan ke hramah hin òhu,” nan ti ahcun,

⁴nanmah lakah thleidannak nan tuah a si i ahmaan lomi lungthin in biakhiahnak nan tuah a si.

⁵Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

⁶Asinain nannih nih cun sifakmi cu nan zawmhtaih hna. Ahodah hremnak an petu hna le biaceihtu hmaiah an chuahpi tawntu hna kha an si? Mirummi an si lo maw?

⁷Pathian nih an pekmi hna min òha a thangchiattu kha anmah cu an si.

⁸Cathiang chungah a ummi Pennak nawlbia kha nan zulh ahcun ahmaanmi thil nan tuah a si. Cu nawlbia cu, “Na innpa kha nangmah naa dawt bantukin na dawt lai,” ti a si.

⁹Sihmanhsehlaw mi cu a lenglei i an langhning lawngin na ti hna ahcun na sual cang, Nawlbia nih khan nawlbia buartu ah an hmuh cang.

¹⁰Nawlbia chung bia pakhat a buarmi cu nawlbia a dihlak in a buar a si ko.

¹¹Zeicahtiah “Vacung in pa i duh hlah,” a ti tu òhiamòhiam nih cun pei, “Lainawng hlah,” a ti cu. Vacung in pa naa duh lo hmanh ah lai na nawn ahcun nawlbia buartu na si òhiamòhiam ko.

¹²Zalonnak an petu nawlbia nih bia a ceih laimi hna bantukin nan biachim le nan thil ti ah um u.

¹³Zeicahtiah zaangfahnak a ngei lomi cu Pathian nih a bia a ceih tikah a zaangfah ve lai lo; zeicahtiah zaangfahnak cu biaceihnak nih a tei.

¹⁴Ka u le ka nau hna, pakhat khat nih, “Zumhnak ka ngei,” ti seh law, cu zumhnak cu a tuahnak nih a langhter òung lo ahcun, zeidah a òhathnem? Cu zumhnak nih cun a khamh khawh lai maw?

¹⁵A biana ah, hnipuan a herhmi le rawl ei awk a ngei lomi nan unau an um hnga.

¹⁶Cu hna cu i thawh riangmang i, “Pathian nih thluachuah in pe ko hna seh. Lum tein um u law khim tein ei u,” ti cu, an herhmi nan pek òung hna lo ahcun zeidah a òhathnem?

¹⁷Cu bantukte cu zumhnak zong cu a si ve, tuahnak zeihmanh a chuahter lo ahcun a thimi thil a si ko.

¹⁸Sihmanhsehlaw a cheu nih nan i thawh hnga i, “Pakhat nih zumhnak a ngeih, a dang pakhat nih tuahnak a ngeih,” nan ti hnga. Cu tikah kan lehnak hna cu, “Zeitindah tuahnak um loin mi nih zumhnak a ngeih khawhning a si ka hmuhsak tuah. Kei nih cun ka zumhnak cu ka tuahnak in kan hmuhsak hna lai,” ti hi a si hnga.

¹⁹Pathian cu pakhat lawng a si ti nan zumh. A òha ko. Khuachia zong nih cucu an zumh ve ko § an zumh ve ko i an òih caah a ther in an ther.

²⁰Maw mihrut hna, tuahnak um loin zumhnak cu san a tlai lo ti kha in hmuhsak hna ning law maw nan duh?

²¹Zeitindah kan pu Abraham kha Pathian he remnak a rak hmuh? Isak cu biakòheng cung i a pekchanh tik i a tuahnak thawngin pei a si kha.

²²Nan hngal kho lo maw? A zumhnak le a tuahnak cu hmunkhat ah pei rian an òuan kha; a zumhnak cu a tuahnak thawngin pei a tlin kha.

²³Cucaah cun, “Abraham nih Pathian a zumh i cu a zumhnak thawng cun Pathian nih miding ah a cohlan,” tiah a titu Cathiang bia cu a tling. Cucaah Abraham cu, “Pathian hawi,” tiah ti a si.

²⁴Cucaah minung cu an zumhnak thawng lawnglawng khan si loin, an tuahmi thawng khan Pathian he i remnak an hmu ti cu nan hngalh.

²⁵Hlawhhlangnu Rahab zong kha, cu bantuk òhiamòhiam cun a si. Pathian he i remnak a hmuhnak cu a tuahnak thawngin a si; Judah mi mingiatu pawl kha a rak luhter hna i lam dang in a chuahter hna.

²⁶Cucaah cun pum cu thlarau loin a thih bantukin zumhnak zong tuahnak loin a thi ve.