Read Hakha Chin JEIM 3 Bible Online

JEIM 3 - Hakha Chin bible

JEIM 3

¹Ka u le ka nau hna, tam tuk cu saya nan si awk a si lo, zeicahtiah kannih saya pawl hi hawi nak fak deuh in biaceihnak kan hmu lai ti kha nan hngalh.

²Kan dihlak hin palhnak kan tuah cio tawn. A biachim ah palhnak a tuah lomi cu mitling a si i a pum aa uk khomi a si.

³Kan nawl kan ngai seh tiah rang cu chak kan hlomh i kan duhnak ah kan kalter.

⁴Cun sangphawlawng khi ruat rih hmanh u: thil nganpi a si i a òhawng ngaingaimi thli nih a kalter, sihmanhsehlaw lawng meizahnak hmete nih a uk i a cawngtupa nih a duhduhnak ah a kalter.

⁵Cu bantukte cu lei hi a si: thil hmete a si nain ngan pipi in aa porhlaw tawn. Meici hmete nih ram kaupi a khangh tawn kha ruat hmanh u.

⁶Lei cu mei bantuk a si. Thil òhalo aa hlumnak kha a si i kan pum chungah hin a dihlak khan òhat lonak cu a vahter. Kan nunnak hi a dihlak in mei in a khangh i cu mei cu hell in a thomi mei a si.

⁷Minung nih thilnung dang vialte hi hrem khawh lomi an ngei lo § ramlak saram si hna seh, va si hna seh, a lawn in a lawnmi si hna seh, nga si hna seh, an hrem khawh dih hna.

⁸Sihmanhsehlaw lei cu a hrem khotu ahohmanh an um lo. Lei cu thil òha lo, uk khawh lomi, thihnak sivai in a khatmi a si.

⁹Kan Bawipa le kan Pa a simi Pathian thangòhatnak caah kan hman i Pathian mui in sermi kan minung hawi chiatserhnak ah kan hman fawn.

¹⁰Thangòhatnak bia le chiatserhnak bia kha kan kaa pakhat chung cun an chuak. Ka u le ka nau hna, hitihin cun a si awk a si lo.

¹¹Cerh pakhat chungin ti thlum le ti kha an chuak òi bal lo.

¹²Ka u le ka nau hna, theipi kung nih oliv thei a tlai bal lo, mitsur ruang nih theipi a tlai bal fawn lo; ti al zong nih ti thlum a chuahter kho ve lo.

¹³Nan lakah a fim i hngalhnak a ngeimi nan um maw? Cu hna nih cun a fimmi le hngalhnak a ngeimi an si kha a òhami an nunning le toidornak lungthin le fimnak in an tuahmi thil ah khan an langhter awk a si.

¹⁴Sihmanhsehlaw nan lung chungin mi nahchuahnak nan ngeih i mi cungah nan thin a hun peng i mah zawn lawng aa ruatmi nan si ahcun, mifim kan si tiin i porhlaw hlah u law, biatak dohnak ah lih kha chim lengmang hlah u.

¹⁵Cu bantuk fimnak cu vancung in a rami a si lo; cu bantuk fimnak cu hi vawlei cung fimnak hi a si i thlarau aa tel lomi fimnak, khuachia fimnak tu a si.

¹⁶Nahchuahnak le mah zawn lawng ruahnak a umnak paoh ah i rem lonak le òhat lonak a phunphun kha a um zungzal.

¹⁷Sihmanhsehlaw cunglei in a rami fimnak cu a hmasa bik ah a thiang i cun daite le nem tein a um i hawikom cungah a òha; midang zaangfahnak khan a khat i thil òha kha tampi a tlai; thleidannak zeihmanh a ngei lo i a zer zong a zer lo.

¹⁸Cun daihnak sertu pawl nih daihnak in an tuhmi thlaici nih a thei a tlaimi cu òhatnak a si.