Read Hakha Chin 1 PETER 1 Bible Online

1 PETER 1 - Hakha Chin bible

1 PETER 1

¹Jesuh Khrih lamkaltu a simi Peter nih, Pontas, Galatia, Kappadosia, Asia le Bithinia peng i ralzam bangin aa òhekmi, Pathian thimmi hna, nan sinah ca kan kuat hna.

²Jesuh Khrih kha a nawl ngaih awk le a thi in nannih cu tlengh awkah Pathian kan Pa tinhning in thim nan si i a Thlarau nih miphun thiang ah an ser hna. Vel le daihnak cu tling khitkhet in nan ta si ko seh.

³Kan Bawipa Jesuh Khrih i a Pathian le a Pa cu lawm ko u sih. Zeicahtiah a zaangfahnak a nganmi ruangah kannih cu Jesuh Khrih thihnak in a thawhternak khan, nunnak thar a kan pek. Cucaah kannih cu zumhnak nung in kan khat i

⁴Pathian nih a mi hna caah a chiahmi thluachuah vanluhnak tampi cu co awkah kan i ruahchan. Cu thluachuahnak cu a thu a man kho lomi le a ziam kho lomi an si i Pathian nih vancung ah khin an chiahpiak hna.

⁵Cu an chiahpiak hna cu Pathian kha nan zumh caah le khamhnak a phak hlantiang amah òhawnnak nih an huhphenh hna caah a si § cu a ra dingmi khamhnak cu atu zongah hin timhcia a si ko cang i caan dongh tikah phuan a si te lai.

⁶Hi ruangah hin nan lung i lawm ko u, hneksaknak tampi nan in ruangah hin atu ahcun nan ngaih chia hmanh seh law i lawm ko u.

⁷Hneksaknak nan inmi cu nan zumhnak kha a tak maw tak lo ti hngalhnak caah a si lai. Hrawh khawh a simi thil cu, sui hmanh hi hneksak a hau, cucaah sui nakin let tam piin a sung deuhmi nan zumhnak cu, hneksaknak kha chuak lakin a in khawh nakhnga, hneksak a hau ve. Cun Jesuh Khrih a langh Ni ah cun thangòhatnak le upatnak le sunparnak kha nan hmuh lai.

⁸Jesuh cu nan hmu naloin nan dawt, cun nan hmu òhiamòhiam lo nain amah cu nan zumh.

⁹Cucaah nan zumhnak nih aa tinhmi nan thlarau khamhnak cu nan hmuh caah, holh in chim khawh lomi lawmhnak, a nganmi le a sunglawimi lawmhnak kha nan ngei.

¹⁰Hi khamhnak kong hi profet hna nih an ruah an khahmi le an kawlmi a rak si; Pathian nih pek an duhmi hna laksawng kong hi an rak chim chungmi kha a si.

¹¹Zeitik ah dah cu caan cu a si lai ti le zeitindah cu caan cu a rat lai ti kha kawl an rak i zuam i atu caan hi an chungah a ummi Khrih Thlarau nih a rak sawhmi caan cu a si. Thlarau nih cun Khrih nih a in laimi temhinnak le temhnak a in ruangah a hmuh laimi sunparnak kha a rak chimchung cang.

¹²Pathian nih hi profet hna cu, an rianòuanmi kha anmah ca òhathnemnak caah si loin, nanmah ca òhathnemnak caah a si ti kha a chimh hna. Vancung in a rung òummi Thiang Thlarau òhawnnak thawngin, Thawngòha chimtu lamkaltu pawl nih an in chimhmi hna cu, hi profet hna nih hin an rak chim cangmi a si. Hi thil hi vancungmi hmanh nih hngalh an rak duhmi a si.

¹³Cucaah nan lung in rianòuan awkah timhcia tein um u. Ralring tein um u law, Jesuh Khrih a langh tikah nan hmuh laimi velngeihnak laksawng cungah khan nan i ruahchannak cu bunh ko u.

¹⁴Pathian nawl kha ngai u, nan rak hruh lio i nan rak ngeihmi duhnak nih khan nan ziaza cu in uk ti hna hlah seh.

¹⁵Nannih an kotu hna Pathian cu a thian bantukin nannih zong thiang ve u.

¹⁶Cathiang nih, “Keimah ka thian caah nannih zong nan thian ve awk a si,” a ti.

¹⁷Pathian sin i thla nan cam tikah, amah cu kan Pa tiah nan kawh; amah nih cun mi vialte kha an tuahning cio ah duhdanh zeihmanh um loin bia a ceih hna. Cu Pathian cu a sin i thla nan cam tikah, kan Pa, tiin nan kawh òung ahcun, hi vawleicung nan nun lioah hin amah upat bu tein nan um awk a si.

¹⁸Nan pupa nih an in rohmi hna santlailo phunglam hna chungin an luattertu hna cu zeidah a si kha nan hngalh, a rawk khomi thil sui le ngun bantuk si loin

¹⁹nanmah luatnak man cu a sungmi thi, dotlak lonak zeihmanh a ngei lomi tuufa thi bantuk, Khrih thi kha a si.

²⁰Amah cu Pathian nih vawlei a ser hlan khan a thim cang i nanmah caah hi ni hmanung bik hna caan ah hin a hun langhter.

²¹Amah thawngin Pathian cu nan zumh i Pathian nih cun thihnak in a thawhter i sunparnak a pek; cucaah nan zumhnak le ruahchannak cu Pathian cungah aa bunhmi an si.

²²Biatak nih an fialmi hna nan zulhnak thawngin nanmah cu nan i thianh cang i zumhnak ah nan unau a simi hna cungah khan dawtnak taktak nan ngeih caah, pakhat le pakhat i daw tuah u.

²³Pathian bia, a nungmi le zungzal in a hmunmi thawngin, hrintharmi nan si cang, thih a thiammi nu le pa fa si loin thih a thiam lomi pa fa nan si cang.

²⁴Cathiang nih a ti bangin, “Mi vialte cu ram bantuk an si, An sunparnak vialte cu ramlak pangpar bantuk a si; Ram cu a thi i pangpar cu a òil,

²⁵Sihmanhsehlaw Bawipa bia cu zungzal in a hmun.” Thawngòha nih an chimhmi hna bia cu hi bia hi a si.