Read Hakha Chin 1 PETER 2 Bible Online

1 PETER 2 - Hakha Chin bible

1 PETER 2

¹Òhat lonak vialte kha hlaw cang hna u; ziar ngei ti hlah u, lih chim ti hlah u; hrawkhrol in um ti hlah u, nahchuahnak ngei ti hlah u, zawmhtaihnak bia hmang ti hlah u.

²Ngakchia chuakka bantuk si u law thlarau hnuk kha duh u, cu thlarau hnuk nan din thawngin nan òhang lai i khamhnak nan hmuh lai.

³Cathiang nih a ti bangin, “Bawipa zaangfahnak kha nan teh cang.”

⁴Cucaah Bawipa sinah khan ra tuah u; amah cu a nungmi Lung, minung nih hlaw hmanh hna seh law Pathian nih a sungmi ah a relmi kha a si.

⁵Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.

⁶Zeicahtiah Cathiang nih, “A sungmi lung pakhat kha ka thim cang i cu lung cu Zion khua i sakmi inn a hram lung caah ka chiah; Amah a zummi cu zeitikhmanh ah an lung a dong lai lo,” a ti.

⁷Hi lung hi, a zummi nannih caah cun lung man sung ngaingai a si, sihmanhsehlaw a zum lomi hna caah cun, “Inn satu pawl nih an hlawtmi lung kha lung santlai bik ah a cang,” timi kha a si.

⁸Cun Cathiang chung hmun dang pakhat ah, “Hi lung hi mi a rilhtertu lung a si lai, a tluktertu hna lungpi a si lai,” tiin a um fawn. Annih an rilh cu an zumh lo caah a si; cuticun um hna seh ti kha Pathian duhning a si.

⁹Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

¹⁰Hlanah cun nannih cu Pathian mi nan rak si lo, sihmanhsehlaw atu cu nan si cang; hlanah cun Pathian zaangfahnak kha nan rak hngal lo, sihmanhsehlaw a tu cu zaangfahnak kha nan hmuh cang.

¹¹Ka dawtmi ka hawile hna, hi vawlei cungah khual le ralzam nan si bantukin thlarau he aa do zungzalmi pumsa duhnak kha i teiter hna hlah u, tiah kan nawl hna.

¹²Nan ziaza kha lawkihmi hmanh nih a òha an timi si seh law, atu ah cun miòhalo tiah an in ti ko hna lai nain, nuncan òha in nan nun kha anmah hrimhrim nih an hmuh lai i Pathian cu mi vialte biaceih awk i a rat Ni ah cun an thangòhat lai.

¹³Bawipa ruangah, nawl a ngeimi hna kha, an nawl ngai ko hna u, nawl ngeihnak sang bik a ngeimi Siangpahrang kha a nawl ngai u law

¹⁴òhat lonak a tuahtu hna dantat awkah le òhatnak a tuahtu hna thangòhatnak pek awkah a thlahmi bawi hna zong kha an nawl ngai ko hna u.

¹⁵Zeicahtiah a duhduh in bia a chimmi mihrut kha, thilòha nan tuahmi in, chim awk hngal loin tuah hna u, ti kha Pathian duhnak a si.

¹⁶A luatmi bantukin um u, sihmanhsehlaw nan luatnak kha òhat lonak khuhnak ah hmang hlah u, Pathian sal bantuk tu in nung u.

¹⁷Mi vialte kha upat hna u, zumhnak i nan unau a simi kha daw hna u, Pathian kha òih u law Siangpahrang kha hmaizah u.

¹⁸Sal hna, nan bawile kha an nawl ngai hna u law upat hna u, zaangfahnak a ngeimi le mi zawnruahnak a ngeimi lawng kha si loin, a puar a hrangmi zong kha an nawl ngai hna u.

¹⁹Pathian nan thlasak ruangah nan hmuh awk a si lomi temhinnak kha nan hmuh i a in in nan i in ahcun Pathian nih cu nan inmi ruangah cun thluachuahnak an pek hna lai.

²⁰Palhnak nan tuahmi ruangah, nan in awk a simi tuknak nan huah ahcun, cucu thangòhat awk tlak a si maw? Asinain ahmaanmi thil nan tuahmi ruangah, hremnak nan in ahcun Pathian nih thluachuahnak an pek hna lai.

²¹Cu bantuk mi si awkah cun Pathian nih an kawh hna cu a si; zeicahtiah Khrih hrimhrim nih nan caah khan a in cang i ka keneh ka zul hna seh tiah i zohchun awk an chiahpiak cang hna.

²²Sualnak zeihmanh a tuah lo, lih a chim bal lo.

²³Serhsatnak bia in an ti tikah serhsatnak bia in a let hna lo, temhnak a in tikah a tlerh hna lo, ding tein bia a ceihtu Pathian tu kha aa bochan.

²⁴Khrih nih a pum hrimhrim in kan sualnak cu vailam tahnak ah khan a kalpi i cucaah kannih cu sualnak ah khan kan thi cang i dinnak ah kan nung cang. A hma in nan dam cang.

²⁵Tuu a tlaumi bantukin nan tlau cang, sihmanhsehlaw atu cu nan nunnak Khaltu a simi le nan nunnak Cawngtu a simi leiah khan nan kir cang.