Read Hakha Chin 2 PETER 2 Bible Online

2 PETER 2 - Hakha Chin bible

2 PETER 2

¹Hlan lioah Israel mi hna lakah nal profet an rak chuah tawn bangin, nanmah lak zongah hin cawnpiaktu hmaanlo an chuak ve lai. Thil hrawktu a simi le ahmaan lomi zumhning kha an chuahpi lai i anmah a tlantu hna kan Bawipa kha an hlawt lai i cucaah an cungah a rian a rangmi rawhralnak kha an i tlunter lai.

²An ziaza òhalo kha mi tampi nih an i cawn lai i cu hna ruangah cun biatak Lam kha thangchiatnak a hmu lai.

³Cawnpiaktu hmaanlo hna cu, hakkaumi an si caah, an phuahchommi tuanbia kha an in chimhmi hna cu, nanmah kha zeitindah kan miak khawh hna lai tinak caah a si lai. Sihmanhsehlaw anmah bia a ceihtu hna ding Bawi aa timhnak cu caan saupi a si cang i anmah a Hrawktu hna ding cu aa hlau cang.

⁴A sualmi vancungmi kha Pathian nih a zuah hna lo i hell ah a thlak hna, khika mui lakah thir cikcin in an hren hna i Biaceih Ni kha an hngak ko.

⁵Hlanlio vawlei zong kha Pathian nih a rak zuah lo. Buanchukcho kha a tlunter i Pathian zei i a rel lomi kha an thi dih; a nungmi cu, dinnak kong a chimtu Noah le midang pasarih lawng kha an si.

⁶Pathian nih Sodom le Gomorrah khua cu dan a tat hna i mei in a hrawh hna; Pathian zei i a rel lomi hna caah zohchun awkah a ser hna.

⁷Nawlbia zeihmanh i a rel lomi hna nih awlok an chonhmi, mi òha Lot kha a khamh.

⁸Cu miòhapa cu an sinah khan khua a sa i ni khat hnu ni khat an tuahsernak a òha lomi nih cun a lungthin a òhami cu a fahter.

⁹Cuticun Pathian nih harnak an inmi chungin Pathian a òihmi hna khamh cu a thiam i miòhalo pawl cu Biaceih Ni tiang dantatnak tang i chiah cu a thiam.

¹⁰Cu hna cu an pumsa duhnak fihnung a zul i Pathian zei i a rel lomi kha an si khun. Hi cawnpiaktu hmaanlo hna hi an ral a òha i an i porhlaw; cunglei van i a ummi hna kha zei ah an rel hna lo; an serhsat lehlam hna.

¹¹Anmah nakin a òhawng deuh i a ngan deuhmi vancungmi hna hmanh nih khan Pathian hmaika i sual an phawt hna tikah nehsawh zawmhtaih in an ti hna lo.

¹²Asinain hi hna cu, hei tlaih i hei thah awk men a simi saram bantukin, chuahpimi pumsa duhnak men in thil a timi an si; an hngalh lomi thil kha zeirello in an um hna. Annih cu saram bantukin thah an si lai;

¹³fahnak an tluntermi caah khan fahnak in lehrulh an si lai. Annih nih nuamhnak an timi cu chun ceupi i pumsa duhnak zeipaoh tuah kha a si ko; hlennak ah an hmanmi lam kha an zulh peng ko caah nan sin i rawl an ei tik zongah ningzahnak le hmaichiatnak chuahpitu an si.

¹⁴Nu hor pawl zoh dah ti lo kha cu zoh an duhmi zeihmanh a um lo; an sual duhnak kha a riam kho bal lo. Thazang a dermi kha rap ah an foihter hna. An lungthin kha hakkauhnak in a khat. Annih cu Pathian nih chiat a serhmi hna an si.

¹⁵Lam ding kha an pialtak i an tlau cang; Beor fapa Balaam lam kha an zul, Balaam cu òhat lonak tuahnak ca i phalhmi tangka a duhmi kha a si i

¹⁶sualnak a tuahmi ruangah cun mawhchiatnak a hmu. Holh a thiam lomi laa nih khan minung aw in bia a chim i profetpa cu a hruhnak kha a ngolter.

¹⁷Hi mi hna cu a hna a reu cangmi cerh bantuk an si; thli nih a choihmi khuadawm bantuk an si; a thuk bik muihnak chungah khin Pathian nih umnak hmun a chiahpiak ko hna.

¹⁸An holh tikah an bia a puam, an i porhlaw i lawkih mi hna lak i khua a sami hna, an umnak hmun in a chuakka tete pawl foihnak ah khan pumsa duhnak kha an hman.

¹⁹Luatnak nan hmu lai, tiah bia an kamh hna, sihmanhsehlaw anmah hmanh kha, rawhralnak a phakpitu hna an ziaza sal kha an si § minung hi a teitu paoh sal a si ko.

²⁰Kan Bawipa le kan Khamhtu Jesuh Khrih an hngalhnak thawngin hi vawlei cung thurhnawmhnak in a luatmi hna cu, hi vawlei cung thurhnawmhnak nih khan a tlaih òhan hna i a tei òhan ahcun, a hramthawk i an rak umning nakkhan an donghnak cu a chia deuh.

²¹Dinnak lam kha hngalh òung i nawlbia thiang kha mertak òhan nakcha cun, dinnak lam kha hngal lo lawlaw in rak um ah an caah a òha deuh suaumau hnga.

²²An tuahsernak nih hin, “Uico nih cun a luak a ei òhan,” ti le, “Vok cu kholh hnuah nawncek ah aa bual òhan,” timi phungthlukbia kha an hmaanter ngaingai.