Read Hakha Chin 1 JOHAN 2 Bible Online

1 JOHAN 2 - Hakha Chin bible

1 JOHAN 2

¹Ka fale hna, hi ca kan kuat hna cu sualnak kha nan tuah nakhnga lo caah a si; sihmanhsehlaw pakhatkhat nih sualnak nan tuah ahcun, a dingmi Jesuh Khrih, Pa sin i bia a kan chimpiaktu, kan ngei ko.

²Cun kan sualnak ngaihthiam kan sinak cu Khrih thawng cun a si i kanmah sualnak lawng si loin mi vialte zong an sualnak kha ngaihthiam an si lai.

³Pathian kha a nawl kan ngaih ahcun, amah kha kan hngalh tiah fiang tein kan hngalh.

⁴Pakhatkhat nih, “Amah cu ka hngalh hrimhrim,” tiah a ti i a nawl a ngaih òung lo ahcun, cu pa cu milihchim a si i a chungah biatak zeihmanh a um lo.

⁵Sihmanhsehlaw a bia a ngaimi kha Pathian a dawtnak a tlingmi cu a si. Pathian chungah kan um ti fiang tein kan hngalhnak ding cu hihi a si:

⁶Pathian chungah kan um, a timi paoh nih cun Jesuh Khrih bantukin kan um awk a si.

⁷Ka dawtle hna, nan sin i ka hun òialmi hi nawlbia thar a si lo; a hramthawkte i nan rak theih lengmangmi nawlbia hlun kha a si ko. Cu nawlbia hlun cu nan rak theih cangmi bia kha a si.

⁸Asinain, nan sin i ka hun òialmi nawlbia hi a thar a si; zeitindah a thar a si tiah muihnak cu a lo cang i ceunak taktak cu a tlang cang. Cucu Khrih nih khan a langhter i nanmah zong nih nan langhter ve.

⁹Ahohmanh ceunak chungah ka um a ti i a unau a hua òungmi cu, atu tiang hrimhrim hin, muihnak chungah a ummi a si ko.

¹⁰Ahohmanh a unau a dawmi cu ceunak chungah a um i cucaah midang a sualtertu ding zeihmanh a chungah a um lo.

¹¹Sihmanhsehlaw a unau a huami cu muihnak chungah a um i muihnak nih cun a mit a cawtter caah cuka chung i aa chawh ah khuazei ah ka kal ti awk hmanh a hngal lo.

¹²Ka dawtle hna, nan sualnak cu Khrih min ruangah ngaihthiam nan si caah hi ca hi kan kuat hna.

¹³Pale hna, a hramthawk tein a ummi kha nan hngalh caah nan sinah hi ca hi ka òial. Tlangval hna, nannih nih Miòhalopa kha nan tei caah hi ca hi kan kuat hna.

¹⁴Ka dawtle hna, Pa kha nan hngalh caah hi ca hi kan kuat hna. Pale hna, a hramthawk tein a ummi kha nan hngalh caah kan kuat hna. Tlangval hna, nan òhawn caah kan kuat hna; Pathian bia cu nan chungah a um i Miòhalopa kha nan tei cang.

¹⁵Vawlei hi siseh, a chung thilri hi si hna seh, tlaihchan hna hlah u. Vawlei hi nan tlaihchan ahcun, Pathian dawtnak kha nan chungah a um lo.

¹⁶Vawlei ta a simi thil paohpaoh § pumsa duhnak tehna, mi nih zoh an duhmi thil hna, mi nih porhlawtnak ah an hmanmi thil tehna hi Pa sinin a rami an si lo; vawlei in a rami lawngte an si dih.

¹⁷Vawlei le a chung i a ummi thil minung nih an duhmi hna hi an lo cuahmah cang; sihmanhsehlaw Pathian duhnak a tuahmi cu zungzal in an nung.

¹⁸Ka dawtmi ka fale hna, caan donghnak cu atu hi a si. Khrih Ral kha a ra lio, tiah nan theih i atu ah hin Khrih ral tampi an hung chuak cang; cucaah cun caan donghnak cu atu hi a si cang ti kha kan hngalh.

¹⁹Hi hna hi kan bu chungmi ngaingai an rak si bal lo, cucaah an kan chuahtaknak cu a si; kan bu chung mi ngaingai kha rak si hna seh law cu, kan sinah hin an um peng ko hnga. Annih cu pakhat hmanh kan bu chung mi ngaingai an rak si lo ti kha a fian nakhnga annih nih khan an kan chuahtak.

²⁰Sihmanhsehlaw nannih cu Khrih nih Thiang Thlarau kha an toih hna caah nan dihlak in biatak kha nan hngalh.

²¹Cucaah nan sin i ca ka òial hi biatak kha nan hngalh lo caah si loin biatak kha nan hngalh ca le biatak chungin lih bia a chuah bal lo ca tu ah khan a si.

²²A si ahcun, aho cu dah lihchimpa cu a si kun? Jesuh cu Khrih a si lo, a titu kha a si. Hi pa hi Khrih Ral cu a si § Pa he Fapa he a hlawt hna.

²³Fapa a hlawmi nih cun Pa zong kha an hlawt, Fapa a cohlangmi nih cun Pa zong kha an cohlan.

²⁴Cucaah a hramthawk tein nan theihmi bia kha nan lung chungah i cinken u. A hramthawk tein nan theihmi bia kha nan lung chungah nan i cinken ahcun, Fapa le Pa he i pehtlai in nan nung zungzal lai.

²⁵Cun cucu Khrih hrimhrim nih kan pek hna lai tiah bia a kan kammi kha a si § zungzal nunnak cu.

²⁶Nanmah hlen an zuammi hna kong hi kan chimh hna.

²⁷Sihmanhsehlaw nannih cu Khrih nih a Thlarau kha an toih cang hna. A Thlarau nan chung i a um paoh ahcun ahohmanh cawnpiaktu nan herh hna lo. Zeicahtiah a Thlarau nih cun zeizong vialte kha an cawnpiak hna i an cawnpiakmi hna cu biatak a simi kha a si, ahmaan lomi a si lo. Cucaah Thlarau cawnpiaknak kha zul u law Khrih chungah cun um camcin ko u.

²⁸Asi, ka fale hna, amah chungah cun um ko u, nan um ahcun amah a hung langh tikah ralòhatnak in nan khat lai i a rat Ni ah khan ningzak in i thuh nan herh lai lo.

²⁹Khrih cu a ding ti kha nan hngalh; cucaah ahmaanmi thil a tuahmi paoh cu Pathian fa an si ti kha nan hngalh awk a si.