Read Hakha Chin 1 JOHAN 4 Bible Online

1 JOHAN 4 - Hakha Chin bible

1 JOHAN 4

¹Ka fale hna, Thlarau kan ngei, aa timi paoh khan va zum hna hlah u. An ngeihmi Thlarau cu Pathian sinin a rami a si maw si lo ti kha va hlathlai hmasa u. Zeicahtiah profet deu kha vawlei cung a kenkip ah an kal cang.

²Pathian Thlarau a si le si lo cu hitihin nan hngalh khawh lai: Jesuh Khrih cu minung in a ra, tiah a timi paoh kha Pathian sinin a rami Thlarau a ngeimi cu an si.

³Sihmanhsehlaw Jesuh kong ah, cucu a si lo, a timi paoh cu Pathian sinin a rami Thlarau a ngei lomi an si. Cu Thlarau cu Khrih Ral sin in a rami a si; a ra lai ti kha nan rak theih cang i atu hi vawlei ah hin a um diam cang.

⁴Sihmanhsehlaw ka fale hna, nannih cu Pathian ta nan si i nal profet kha nan tei cang hna; zeicahtiah nan chung i a ummi Thlarau kha vawlei mi a simi hna chung i a ummi thlarau nakin a òhawng deuh.

⁵Annih nih cun vawlei cung thil kong kha an chim i vawlei mi an si caah an bia kha vawlei nih a ngaih.

⁶Sihmanhsehlaw kannih cu Pathian mi kan si. Pathian a hngalmi paoh nih cun kan bia kha an ngaih, Pathian mi a si lomi paoh nih cun an ngai lo. Cucaah hihi biatak Thlarau le palhnak thlarau kan thleidan khawhnak lam cu a si.

⁷Ka fale hna, dawtnak hi Pathian sinin a rami a si caah pakhat le pakhat i daw u sih. Pakhat le pakhat aa dawmi cu Pathian fa an si i Pathian kha an hngalh.

⁸Pakhat le pakhat aa daw lomi nih cun Pathian kha an hngal lo, zeicahtiah Pathian cu dawtnak a si.

⁹Pathian nih a kan dawtnak a langhterning cu hitihin a si: a Fapa ngeihchun kha vawlei ah hin a run thlah i amah thawngin nunnak kan ngei lai.

¹⁰Dawtnak cu, Pathian kan rak dawt hi a si lo, amah nih a kan dawt i kan sual ngaihthiamnak caah a Fapa kan sinah a run thlah hi a si.

¹¹Ka fale hna, hihi Pathian nih a kan dawtning a si ahcun, kannih zong pakhat le pakhat kan i dawt ve awk a si.

¹²Ahohmanh nih Pathian an hmu bal lo; sihmanhsehlaw pakhat le pakhat kan i dawt ahcun Pathian cu kan chungah a um i kan chungah a dawtnak cu a tling.

¹³Kannih cu Pathian chungah kan um i Pathian cu kan chungah a um ti fiang tein kan hngalhnak cu Thlarau a kan pekmi ah hin a si.

¹⁴Pa nih a Fapa kha vawlei khamhtu ah a run thlah, ti a hmutu le midang a chimtu hna cu kanmah hi kan si.

¹⁵Jesuh cu Pathian Fapa a si tiah a titu paoh cu, a chungah Pathian a um i Pathian chungah a ummi a si.

¹⁶Cun kanmah hrimhrim nih Pathian nih a kan dawtnak cu kan hngalh i kan zumh. Pathian cu dawtnak a si i dawtnak chungah a ummi paoh cu Pathian chungah a um i a chungah Pathian a ummi a si.

¹⁷Kannih kan chungah dawtnak kha tlinter a sinak cu, Biaceih Ni ah òihnak zeihmanh kan ngeihnak hnga lo caah a si; cun cu bantukin òihnak ngei loin kan um khawhnak ding cu hi vawlei cungah hin Khrih bantukin kan nun caah a si.

¹⁸Dawtnak chungah cun òihnak a um lo. Dawtnak tling nih cun òihnak vialte kha a chuah dih hna. Cucaah òihnak a ngeimi cu dawtnak tling a ngei rih lo, zeicahtiah òihnak cu dantatnak he aa pehtlaimi a si.

¹⁹Kannih nih Pathian kan dawt cu Pathian nih a kan dawt hmasa caah a si.

²⁰Mi zeimaw nih, “Pathian ka dawt,” a ti i a unau a huat òung ahcun, amah cu mi lihchim a si. Zeicahtiah a hmuhmi a unau hmanh a dawt khawh lo ahcun a hmuh lomi Pathian cu a daw kho lai lo.

²¹Cucaah Khrih nih a kan fialmi cu hihi a si: Pathian a dawmi nih cun nan unau kha nan dawt hrimhrim hna lai.