Read Hakha Chin BIACEIHTU 14 Bible Online

BIACEIHTU 14 - Hakha Chin bible

BIACEIHTU 14

¹Samson cu Timnah ah a vung kal i Timnah ah cun Filistin mi ngaknu pakhat a hmuh.

²Cun a hung tlung i a nu le a pa cu, “Timnah ah Filistin mi ngaknu pakhat ka hmuh; amah cu ka innchung caah ka òhitpiak tuah u,” tiah a ti.

³Sihmanhsehlaw a nu le a pa nih, “Na rualchan hna i an fanu hna lakah siseh, kan miphun vialte hna lakah siseh, nu an um lo caah maw cuarpar tan lomi Filistin mi hna lak i nupi òhit awkah na kal ko lai?” tiah amah cu an ti. Sihmanhsehlaw Samson nih a pa cu, “Ka òhitpiak ko, ka duh tuk cu ta,” tiah a ti.

⁴A nu le a pa nih mah cucu BAWIPA sinin a si kha an hngal lo; zeitintiah Filistin mi kha doh awkah caan rem a kawl. Cun caan lioah cun Filistin mi nih Israel mi kha an uk hna.

⁵Cun Samson cu a nu le a pa he tiah Timnah ah an vung kal i Timnah mitsur dum hna kha a vung phan. Cun zohhmanh, chiandeih no pakhat nih a rak awnhhnawh;

⁶cun BAWIPA thlarau cu òhawng ngaiin a cungah a tlung i chiandeih cu meheh fa thlehbaoh bantuk ceo khin a thlehbaoh dih ko; a kut in zeihmanh aa put fawn òung lo. Sihmanhsehlaw a tuahmi kha a nu siseh, a pa siseh, a chim hna lo.

⁷Cun a vung kal i minu he cun bia an i ruah i minu cu Samson nih cun a duh ngaingai ko.

⁸Cun tlawmpal hnuah amah cu vung òhit awkah a kal òhan i chiandeih ruak kha hei zoh pah awkah a pial i zohhmanh, chiandeih pum chungah cun khuai bu khat a rak um i hliti zong a um.

⁹A kut in a sawk i a ei pah in a kal i a nu le a pa sin cu a phan i tlawmpal kha a pek ve hna i an ei. Sihmanhsehlaw khuaihliti cu chiandeih ruak chungin a lakmi a si kha a chim hna lo.

¹⁰Cun a pa cu nu sinah khan a vung kal i khika ah Samson nih puai pakhat a tuah; cu bantuk cun tlangval nih an tuah tawn.

¹¹Cun mi nih an hmuh tikah amah he um òi awkah hawi sawm thum an ratpi hna.

¹²Cun Samson nih annih cu, “Biahleng pakhat kan hal tuah hna lai; cun zei a si kha puai chung ni sarih chungah hin nan ka chimh khawh i nan hngalh khawh ahcun puan hmangòhia zun sawm thum le puai puan zun sawm thum kan pek hna lai;

¹³sihmanhsehlaw zei a si kha nan ka chimh khawh lo ahcun nanmah nih puan hmangòhia zun sawm thum le puai puan zun sawm thum nan ka pek lai,” tiah a ti hna. Cun annih nih, “Na biahleng cu chuah tuah, kan ngai tuah lai,” tiah an ti.

¹⁴Cun anih nih, “Eitu chungin ei awk a chuak. A òhawngmi chungin a thlummi a chuak,” tiah a ti hna. Cun annih nih cu biahleng cu zei a si kha ni thum chung an hngal kho lo.

¹⁵A ni linak ni ah Samson nupi cu, “Na va cu, biahleng kha zei a si a kan chimh nakhnga lem tuah, cu ti a si lo ahcun nangmah le na pa innchungkhar cu mei in kan in khangh hna lai. Kannih kha sifak i umter awkah maw hika ah na kan sawm?” tiah an ti.

¹⁶Cun Samson nupi cu a hmaiah a òap i, “Na rak ka daw lo i na rak ka huat a si ko hi ta; ka ram mi hna cu biahleng na hal hna, asinain zei a si cu na ka chim òung lo,” tiah a ti. Cun anih nih, “Zohhmanh, ka nu siseh ka pa siseh ka chim hna lo i nangmah cu kan chimh lai maw?” tiah a ti.

¹⁷Cun an puai chung, ni sarih chung cu a hmaiah a òap i fak piin a hnek lengmang caah, a ni sarihnak ni ah cun a chimh. Cun anih nih biahleng cu a ram mi hna kha a chimh hna.

¹⁸Cun cu khuami hna nih cun a sinah, ni sarihnak ni, ni a tlak hlanah, “Zeidah khuaihliti nakin a thlum deuh? Zeidah chiandeih nakin a òhawng deuh?” tiah an ti. Cun anih nih an sinah, “Ka cawla in rak ka thuang hlah u law, Ka biahleng hi nan rak hngal kho hnga lo,” tiah a ti.

¹⁹Cun BAWIPA thlarau cu òhawng ngaiin a cungah a tlung i Ashkelon ah a vung kal i cu khuami cu sawm thum a vung thah hna i an thuam cu a lak i biahleng a chimtu hna kha puai puan cu a pek hna. Thin lin ngaiin a pa inn ah a hung kir òhan.

²⁰Cun Samson nupi cu, a hawipa, a kawi a rak simi kha an pek.