Read Hakha Chin 3 JOHAN 1 Bible Online

3 JOHAN 1 - Hakha Chin bible

3 JOHAN 1

¹Khrihfa Upa nih, Ka dawt taktakmi Gaius, ca kan kuat.

²Ka dawtmi ka hawi, ngandam tein khua na sak i zeizong vialte na caah rem tein a um nakhnga thla kan campiak § thlarau leiah siarem in khua na sa ti kha ka hngalh.

³Biatak leiah zeitluk in dah zumhawktlak in na um ti kha kan unau cheukhat nih an ra ka chimh tikah ka lung aa lawm tuk hringhran § nang cu biatak chungah na um zungzal tawn ko bantuk khan.

⁴Ka fale biatak chungah khua an sa, ti thawng hlei in a ka lawmhter deuhtu zeihmanh a um ti lo.

⁵Ka dawtmi ka hawi, kan unau hna kha na theihhngalh bal lomi an si nain an ca i nan rak tuahmi kha rian òha le zumhawktlak ngaingai a si.

⁶Na rak dawt hnanak kha hika Khrihfabu sinah hin an chim. Hmailei an kalnak ding zongah Pathian duhnak he aa tlak dingin rak bawm ko rih hna.

⁷Zeicahtiah Khrih rian òuan awk khualtlawn ah khan, a zum lomi sinin bawmhnak zeihmanh la loin, an i thawh.

⁸Cucaah biatak rian kha a òuanpitu kan si nakhnga, kannih Khrihfami nih hi hna cu kan bawmh awk an si.

⁹Khrihfabu sinah ca tawite hi ka òial, sihmanhsehlaw an hruaitu si a duhmi Diotrefes nih khan cun ka chimmi hi zeihmanh ah a rel lai lo.

¹⁰Ka rat tikah a tuahmi vialte kha ka phuan dih lai; kan konglam i thil òhalo tampi a chimmi le lih a chimmi tehna vialte kha. Cun cu lawng cu aa za rih lo, kan unau pawl kha an rat tikah a rak dawnh hna i kan tlung hna seh tiah a titu hna kha i tlunter hna hlah u, tiah a thlauh hna i Khrihfabu chung khan chuah a timh hna.

¹¹Ka dawtmi ka hawi, a òha lomi nawl cu i cawn hlah, a òhami nawl tu i cawn ko. Thil òha a tuahmi paoh cu Pathian mi an si, thil òhalo a tuahmi paoh nih cun Pathian kha an hmu lo.

¹²A mi kip nih Demetrius cu an thangòhat i biatak hrimhrim zong nih a thangòhat. Cun kannih zong nih kan thangòhat ve i kan chimmi cu biatak a si ti kha na hngalh.

¹³Chimh awk tampi kan ngei ko hna, asinain ca le cahang in chimh cu ka duh lo.

¹⁴Tuan ah ka rak in hmuh hna lai i cu tikah kan pum tu in kan i ruah hna lai.

¹⁵Nan cungah daihnak um ko seh. Na hawile vialte nih daihnak an in kuat. Kan hawile vialte kha pumpak cio ah an kut rak kan tlaihpiak hna.