Read Hakha Chin BIATHLAM 1 Bible Online

BIATHLAM 1 - Hakha Chin bible

BIATHLAM 1

¹Hi cauk hi Jesuh Khrih nih a phuanmi thil kong a si. Cu a phuanmi cu a um zau dingmi thil, Pathian nih a sal hna hmuhsak awkah a pekmi kha a si. Cu thil hna cu Khrih nih a sal Johan kha a hngalhter i cu hngalhtertu ah cun a vancungmi kha a thlah i

²Johan nih cun a hmuhmi thil vialte cu a chim dih. Pathian sinin hmuhmi bia le Jesuh Khrih nih a phuanmi biatak Johan nih a chim chinmi cu hihi a si.

³Hi cauk a relmi le hi profet bia a ngai i hi cauk chung i aa òialmi a zulmi cu lunglawmmi an si. Zeicahtiah hi thil vialte a tlin lai caan cu a naite cang.

⁴Asia peng chung i a ummi Khrihfabu pasarih kha Johan nih bia kan cah hna: Atu i a um liomi le a rak um cangmi le a um lai ding a simi Pathian le a bawiòhutdan hmai i a ummi thlarau pasarih le Jesuh Khrih nih vel le daihnak in pe ko hna seh.

⁵Jesuh Khrih cu zumh awk a tlakmi tehte, hrin hmasa bikmi Fapa, thihnak in thawhter a simi a si i vawlei cung siangpahrang hna a uktu zong a si fawn. Kannih cu a kan dawt i a thihnak thawngin kan sualnak chung khan a kan chuah i

⁶a Pathian le a Pa rian kha tlangbawi bantukin a òuantu dingah siangpahrang phun ah a kan ser. Cu Jesuh cungah cun sunparnak le òhawnnak kha zungzal in zungzal tiang um camcin ko seh! Amen.

⁷Zohhmanh u, khuadawm sin khin a ra lio! Mi kip nih an hmuh lai, a rak chuntu hna zong nih khan an hmuh lai. Cun vawlei cung mi vialte cu a cung i an rak tuahmi kha i ngaichih in an òap lai. Cu ti hrimhrim cun a si lai! Amen.

⁸Lianngan Bik Bawipa Pathian nih cun, “Kei cu Alfa le Omega ka si,” a ti, cu Pathian a um liomi le a um cangmi le a um laimi cu, zeizong vialte siangpahrang Bawipa a si.

⁹Kei cu nan unau Johan kha ka si. Jesuh ah kan i pehtlaihnak thawngin hremnak nan innak ah ka ing ve, nan umnak a Pennak chungah khan ka um ve i temhinnak nan inmi kha ka ing ve. Pathian bia ka chim ca le Jesuh nih a phuanmi biatak ka phuan ruangah, Patmos tikulh ah khan an ka chiah.

¹⁰Bawipa Ni ah Thlarau nih a ka tlak i ka hnulei in aw thangpi pakhat kha ka theih, cu aw cu muko aw thawng bantuk a si.

¹¹A ka thawh i, “Na hmuhmi kha òial law na òialnak cauk cu Khrihfabu pasarih kha kua hna: cu Khrihfabu hna cu Efesa khua le Smyrna khua le Pergamum khua le Thiatira khua le Sardis khua le Filadelfia khua le Laodisia khua i a ummi kha an si,” tiah a ti.

¹²A ka chawntu cu ahodah a si hnga tiah ka hun i mer i cuka ah cun sui mei vannak pasarih ka hmuh hna.

¹³Cu mei vannak hna lakah cun minung a lomi pakhat a dir i a kemit phiak in angki fual aa hruk i a òang ah sui taisawm pakhat aa sawmh.

¹⁴A sam cu tuuhmul bantuk a si i hawhra bantukin a rang i a mit cu mei bantukin a alh;

¹⁵a ke cu somei chungah an tit i tleu tein an hnormi dar bantukin a tleu i a aw cu tisor nganpi thawng bantuk a si.

¹⁶A orhlei kut in arfi pasarih aa put hna i a ka chungin kap hnih in a harmi nam a chuak. A hmai cu chunlai ni ceu bantukin a ceu.

¹⁷Amah cu ka hmuh tikah mithi bantukin a ke hramah ka tlu. A orhlei kut in a vun ka tawngh i, “Na thinphang hlah! Kei cu hmasa bik le hmanung bik kha ka si.

¹⁸Kei cu a nungmi kha ka si. Ka rak thi, sihmanhsehlaw zohhmanh, zungzal in zungzal tiang ka nung cang. Thihnak cung le mithikhua cungah nawl ka ngei.

¹⁹Cucaah cun na hmuhmi thil, atu i a um liomi thil hna le hmailei ah a um lai dingmi thil hna kha òial hna.

²⁰Ka orhlei kut i na hmuhmi arfi pasarih hna le sui mei vannak pasarih hna an sullam biathli cu hihi a si: arfi pasarih hi Khrihfabu hna i an vancungmi kha an si i mei vannak pasarih hna hi Khrihfabu pasarih hna kha an si,” tiah a ti.