Read Hakha Chin BIATHLAM 10 Bible Online

BIATHLAM 10 - Hakha Chin bible

BIATHLAM 10

¹Cun vancung in a òhawngmi vanmi a dang pakhat a rung òum kha ka hmuh. Khuadawm in aa thuam i a lu ah chuncha aa khimh; a hmai cu nika bantuk a si i a ke cu mei tung pipi bantuk an si.

²A kut in aa samhmi cazual hmete pakhat aa put. A orhlei ke in rili kha a lamh i a kehlei ke in vawlei kha a lamh,

³cun a au ciammam i a aw cu chiandeih run aw bantuk a si. Cu ti a au dih cun, khuari pasarih nih an hun leh.

⁴Bia an chim dih cangka cun òial kaa tim i sihmanhsehlaw vancung in aw pakhat nih, “Khuari pasarih nih an chimmi kha biathli ah chia, òial rih hlah,” tiah a run ka ti kha ka theih.

⁵Cun rili cung le vawlei cungah a dirmi vancungmi ka hmuhmi nih khan van leiah a orhlei kut a hler i

⁶zungzal in zungzal tiang a nungmi Pathian, van le a chung i a ummi thil vialte a sertu, vawlei le a chung i a ummi thil vialte a sertu, rili le a chung i a ummi thil vialte a sertu min khan biakamnak a ser. Vancungmi nih cun aa thawh i, “A rau ti lai lo.

⁷Vancungmi pasarihnak nih a muko a tum tikah Pathian nih, a sal profet hna sinah a rak chim bang khan, a rak timh thlimi kha a tlinter lai,” a ti.

⁸Cun vancung in aw ka theihmi nih khan a run ka chawnh òhan i, “Rili cung le vawlei cungah a dirmi vancungmi nih aa putmi cazual aa samhmi kha va la tuah,” a ti.

⁹Vancungmi sinah cun ka va kal i cazual hmete cu ka pe, tiah ka va ti. A ka thawh i, “I lak law ei tuah; na pawpi chungah cun a kha lai, sihmanhsehlaw na ka chungah cun khuaihliti bantukin a thlum lai,” a ti.

¹⁰A kut i cazual hmete cu ka lak i ka ei, ka ka chungah cun khuaihliti bantukin a thlum. Sihmanhsehlaw ka vun dolh tikah ka paw chungah cun a kha.

¹¹Cun, “Pathian nih miphun dangdang hna le ram dangdang hna le holh phun dangdang hna le siangpahrang tampi hna kong i a chimmi bia kha na chim òhan awk a herh lai,” an ka ti.