Read Hakha Chin BIATHLAM 11 Bible Online

BIATHLAM 11 - Hakha Chin bible

BIATHLAM 11

¹Tahnak fung caah phaikung pakhat an ka pek i, “Hung kal law Pathian biakinn le biakòheng kha hung tah hna, cun biakinn chung i Pathian a biami kha hung rel hna.

²Asinain biakinn lenglei tual kha cu va ngaan rih hna. Va tah rih hna hlah, zeicahtiah kha tual kha cu Pathian a bia lomi, thla sawm li le thla hnih chung, Khua Thiang a naang ding hna ca i chiahmi an si.

³Ka tehte pahnih kha ka thlah hna lai, annih cu buri an i aih lai i ni thong khat le za hnih le sawm ruk chung Pathian bia kha an chim lai.

⁴Cu tehte pahnih hna cu oliv kung pahnih hna le mei-inn pahnih hna, vawlei Bawipa hmai i a dirmi kha an si.

⁵Harnak pek a zalmi hna paoh kha an kaa chungin a chuakmi mei in an thah hna; hi bantukin harnak pek a timtu hna paoh cu thah an si lai.

⁶Van kharnak nawl kha an ngei i cucaah cun Pathian bia an chim chung cu ruah a sur lai lo. Cerhti put zong kha thi i canternak nawl an ngei fawn. Cun vawlei zong kha an duh tik caan paoh ah hremnak a phunphun in hremnak nawl an ngei.

⁷Cun bia chim awk an ngeihmi an chim dih tikah, dongh hngal lo khor thukpi chungin a hung chuakmi sahrang nih khan a doh hna lai. A tei hna lai i a thah hna lai;

⁸an ruak cu khuapi chung lamkalai ah khan an ril lai, cu khua cu an Bawipa vailam i an khenh chihnak khua kha a si. Cu khua cu a min ah minhleng in Sodom, ti asiloah, Izipt ti a si.

⁹Phun kip, ram kip, le holh kip chungin a rami hna nih khan an ruak cu ni thum le a cheu chung an zoh hna lai i vui kha onh an si lai lo.

¹⁰Hi profet pahnih hna nih hin vawleicung mi kha temhnak tampi an pek hna caah, hi hna pahnih an thihnak ah hin vawlei cung mi cu an i lawm lai i an thihnak cu an tuk an aih lai i pakhat le pakhat laksawng an i òhen lai.

¹¹Ni thum le a cheu hnuah Pathian sinin nunnak petu thaw kha a ra i an chungah a lut i annih cu an dir; a hmumi vialte hna cu an thlakawk a bar hna.

¹²Cun cu profet pahnih hna nih cun, vancung in, “Hika ah hin hung kai u,” tiah aw thang piin a run titu hna aw kha an theih. An ral nih an zoh ko hna lioah cun, vancung ah khuadawm in an kai.

¹³Cu caan te ah cun lihnin fak ngaingai pakhat a um; khuapi cu cheu hra cheukhat a rawk i minung thong sarih lihnin nih cun a thah hna. A tangmi pawl cu an thin a phang i vancung Pathian a lianhngannak kha an thangòhat.

¹⁴Thil òihnung pahnihnak cu a dih cang; sihmanhsehlaw zohhmanh, thil òihnung pathumnak a ra zau lai.

¹⁵Cun vancungmi pasarihnak nih khan a muko cu a vun tum i aw thawng fakpi vancung ah cun a thang i, “Vawlei cung uknak nawl cu kan Bawipa le a Messiah ta a si cang,” an ti.

¹⁶Cun Pathian hmaiah bawiòhutdan cung i a òhumi upa kul le pali hna kha an kun i Pathian cu an biak.

¹⁷“A Lianngan Bik Bawipa Pathian, Nang cu atu i a ummi le hlan i a rak ummi na si. A liannganmi na òhawnnak kha na hman cang i Uknak hram naa thawk cang caah, Na cungah kan i lawm.

¹⁸Atu caan hi na thinhunnak a rat caan le Mithi hna biaceih caan a si caah, Pathian bia lomi cu an thin a hung ngaingai. Cun atu caan hi na sal na profet hna le na mi vialte hna le nangmah an òihtu vialte hna kha, A hme a ngan thlu loin laksawng pek caan a si fawn. Cun vawlei a hrawktu hna hrawh caan kha a si,” an ti.

¹⁹Vancung i a ummi Pathian biakinn cu a hun i a chung i biakamnak an chiahnak kuang kha a lang. Cun nimtlau a lek, òek a tla, khua a ri, li aa hnin i fak piin rial a tla.