Read Hakha Chin BIATHLAM 12 Bible Online

BIATHLAM 12 - Hakha Chin bible

BIATHLAM 12

¹Cun van ah khin khuaruahhar a simi hmelchunhnak nganpi pakhat a lang. Minu pakhat a lang i a thuam ah nika a si; thlapa kha a ke in aa lamh i a lu ah arfi hleihnih bawiluchin aa chinh.

²Nau a hring dengmang i nau nganfah in a ai.

³Cun van ah cun khuaruahhar a simi hmelchunhnak a dang pakhat a lang òhan. A ngan ngaingaimi limkeng[1] senpi, lu pasarih le ki pahra a ngeimi kha a hung lang i a lu ah cun bawiluchin pakhat cio an um.

⁴A mei in arfi cheu thum cheu khat kha vancung cun a run kuaih ciammam hna i vawlei ah a thlak hna. Nau a hring dengmangmi nu hmaiah cun a dir i cu a dir cu a fa kha a chuah cangka in ka ei lai ti a duh caah a si.

⁵Cun miphun vialte thirfung in a uktu ding fapa kha minu nih cun a hrin. Sihmanhsehlaw ngakchia cu an lak zau i Pathian le a bawiòhutdan sinah an kalpi.

⁶Minu cu Pathian nih a rak timhpiak cangmi hmun ah thetse ram ah khan a zam i khika ah ni thong khat le ni za hnih le ni sawm ruk an rak zohkhenh.

⁷Cun van ah khin raldohnak a um. Mikhael le a vancungmi hna nih khan limkeng cu an doh i limkeng nih cun a vancungmi hna he a rak doh ve hna.

⁸Sihmanhsehlaw limkeng cu a sung i amah le a vancungmi hna cu van ah umnak nawl an ngei ti lo.

⁹Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

¹⁰Cun vancung ah cun aw thangpi pakhat ka theih i, “Atu cu Pathian khamhnak a phan cang! Atu cu Pathian nih a òhawnnak kha siangpahrang bantukin a langhter cang. Atu cu a Messiah nih khan a nawlngeihnak kha a langhter cang. Kannih kan unau hna sual a puhtu, Pathian hmaiah dir riangmang in chunzan in sual a puh zungzaltu hna kha, vancung in lengah hlonh a si cang.

¹¹Kan unau hna nih amah cu Tuufa thi thawngin le an chimmi bia biatak a simi thawngin an tei cang; an nunnak pek kha an rak sian i thih zong an rak ngamh.

¹²Cucaah cun nannih van hna le khika i a ummi vialte hna, i lawm tuah u. Sihmanhsehlaw vawlei le rili caah cun òihnung a va si hringhran dah! Zeicahtiah Khuachia cu nan sinah a rung òum cang i cu pinah caan tawite lawnglawng ka ngei ti kha a hngalh fawn caah a thin a linh in a lin ko,” tiah a ti.

¹³Limkeng nih vawlei cungah thlak ka si cang ti kha a hngalh tikah, fapa a hringtu nu kha a dawi colh.

¹⁴Thetse ram chung i aa thuhnak ding hmun i va zuannak ding caah khan minu cu mupi nganpi thla pahnih an pek i cuka hmun ah cun kum thum le a cheu an rak zohkhenh lai caah rulpi nih khan zeihmanh a ti kho lai lo.

¹⁵Cun minu cu fenh seh tiah limkeng nih khan a kaa chungin tilian a chuahter.

¹⁶Sihmanhsehlaw vawlei nih minu cu a rak bawmh; a kaa kha a an i limkeng kaa chungin a chuakmi tilian kha a rak dolh.

¹⁷Limkeng cu minu cungah khan a thin a hung ngaingai i minu tefa a tang rihmi vialte hna doh awkah khan aa thawh; cu hna cu Pathian nawlbia a ngai i Jesuh nih a phuanmi biatak, zumh awk tlak tein aa tlaihmi kha an si.

¹⁸Cun limkengpi cu rilikam ah khan a dir.